قوس كومپانيا ىنتىماقتاستىقتىڭ نەگىزگى شارتتارى بويىنشا كەلىسىپ, قازاقستان رەسپۋبليكاسى اۋماعىنداعى كەيبىر ۋچاسكەلەردىڭ كومىرسۋتەكتى الەۋەتىن باعالاۋ ماقساتىندا بىرلەسكەن گەولوگيالىق زەرتتەۋ جۇرگىزۋگە دايىن ەكەندىگىن ءبىلدىردى.
-«قازمۇنايگاز بەن لۋكويل-دى ءوزارا ءتيىمدى سەرىكتەستىك قاتىناستار بايلانىستىرادى. بۇگىن قول قويىلعان كەلىسىم – وسى سەرىكتەستىگىمىزدى ىلگەرىلەتۋدىڭ كەلەسى قادامى. قوس كومپانيانىڭ تاجىريبەسى مەن جىگەرىنىڭ ۇشتاسۋى بىرلەسكەن زەرتتەۋ جۇمىستارىن جۇرگىزۋگە جانە ەلىمىزدەگى مۇناي-گاز سالاسىنىڭ تۇراقتى دامۋىنا وڭ اسەرىن تيگىزەتىنىنە سەنىمدىمىن, دەدى ا. ايدارباەۆ.
قمگ مەن لۋكويل «قاراشىعاناق», «تەڭىز», «قۇمكول» ءىرى مۇناي جوبالارى, سونىمەن قاتار «كاسپي قۇبىر كونسورتسيۋمى» مۇناي تاسىمالداۋ جوباسى بويىنشا ستراتەگيالىق سەرىكتەستەر بولىپ تابىلادى. ايتا كەتەيىك, 2019 جىلدىڭ ساۋىرىندە قازاقستان رەسپۋبليكاسىنىڭ ەنەرگەتيكا مينيسترلىگى, قمگ جانە لۋكويل اراسىندا «جەڭىس» تەڭىز جوباسىندا كومىرسۋتەگى شيكىزاتىن بارلاۋ جانە وڭدەۋ تۋرالى كەلىسىمشارتقا, ال ماۋسىم ايىندا «I-P-2» جوباسى بويىنشا قاعيداتتار تۋرالى كەلىسىمگە قول قويىلدى.
