ايماقتار • 21 قىركۇيەك، 2019

بيىل ماڭعىستاۋ اۋدانىندا «نۇر كاپيتال» جوباسى ارقىلى 36 جاڭا جۇمىس ورنى قۇرىلعان

90 رەتكورسەتىلدى

بۇل جونىندە وڭىرلىك كوممۋنيكاتسيالار قىزمەتى الاڭىندا وتكەن بريفينگتە ماڭعىستاۋ اۋدانىنىڭ اكىمى ت. كوشماعانبەتوۆ مالىمدەدى.

اۋداندا شاعىن جانە ورتا كاسىپكەرلىكتى دامىتۋعا اسا ءمان بەرىلىپ وتىر. «نۇر كاپيتال» باعدارلاماسى بويىنشا جالپى سوماسى 72،8 ملن. تەڭگە بولاتىن 4 بيزنەس - جوبا ىسكە اسۋدا. وسى جوبالار ارقىلى 36 جاڭا جۇمىس ورنى قۇرىلعان.

- جالپى اۋدان بويىنشا ميكروكرەديتتىك ۇيىمدار ارقىلى كاسىپكەرلىكتى دامىتۋعا بارلىعى 37 ادامعا 281،9 ملن.تەڭگە نەسيە بەرىلدى. نەسيە سوماسى وتكەن جىلدىڭ وسى كەزەڭىمەن سالىستىرعاندا 2 جارىم ەسەگە ءوسىپ وتىر. سونداي-اق، اۋدان بويىنشا ورتاشا جالاقى كولەمى 133 364 تەڭگەنى قۇراپ، وتكەن جىلمەن سالىستىرعاندا 38 پايىزعا ءوسىم بار. قۇرىلىس جۇمىستارىنىڭ كولەمى 11،1 ملرد. تەنگەنى قۇرادى. اۋدان بويىنشا جالپى اۋدانى 45،1 مىڭ شارشى مەتر تۇرعىن ءۇي بەرىلدى. 2018 جىلدىڭ وسى كەزەڭىمەن  سالىستىرعاندا 100،1%-دى كورسەتىپ وتىر. 2019 جىلدىڭ قاڭتار-تامىز ايلارى ارالىعىندا اۋدان بويىنشا 1704 جاڭا جۇمىس ورىندارى اشىلدى، دەدى اۋدان اكىمى.

اۋدان باسشىسىنىڭ ايتۋىنشا، اعىمداعى جىلدىڭ 1 قىركۇيەگىنە 703 جۇمىسسىز ادام تىركەۋدە تۇر، جۇمىسسىزدىق دەڭگەيى 3،5%-دى قۇرادى (جۇمىسسىزدىق دەڭگەيىنىڭ ءوسۋى جۇمىستان بوساعانداردىڭ الەۋمەتتىك قوردان كومەك الۋى (ىشىندە 5/50-لەر بار)، ەڭبەككە جارامدى ادامدار  كومەك  الۋى ء ۇشىن جۇمىسسىزدىققا تىركەلۋى جانە جالپىعا ورتاق مەديتسينالىق كومەكتىڭ ەنگىزىلۋىنە وراي ستاتۋستا تۇرعان ادامداردىڭ جالاقى تولەنەتىن قوعامدىق جۇمىسقا بارۋى، سونداي-اق تەحنيكالىق – كاسىپتىك كوللەدجدە بىلتىردان وقىپ جاتقاندار (82 ادام) جانە بيىلعا قىسقا مەرزىمدى وقۋعا بارۋعا نيەت بىلدىرۋشىلەردىڭ جۇمىسسىزدىققا تىركەلۋىنەنبولىپ وتىر).

كومەككە مۇقتاج ازاماتتارعا مۇمكىندىگىنشە الەۋمەتتىك، ماتەريالدىق كومەكتەر كورسەتىلىپ كەلەدى. جالپى الەۋمەتتىك قورعاۋ شارالارىنا اۋدان بويىنشا 2019 جىلعا  218 ملن.تەڭگە قارجى قارالعان.

جۇمىسپەن قامتۋ ورتالىعىنىڭ جولداماسى بويىنشا 565 ادام تۇراقتى جۇمىسقا، 81 ادام الەۋمەتتىك جۇمىس ورىندارىنا، 487 ادام جالاقى تولەنەتىن قوعامدىق جۇمىستارعا جانە 144 ادام جاستار پراكتيكاسىنا ورنالاستىرىلدى. 114 ادام «بيزنەس-باستاۋ» جوباسىمەن كاسىپكەرلىك نەگىزدەرىنە وقىتىلدى. بارلىعى 24 ادام 104 ملن. 397 مىڭ تەڭگە كولەمىندە نەسيە الىپ ءوزىن – ءوزى جۇمىسپەن قامتىدى. 6 ادام بيزنەسىن باستاۋعا 252 مىڭ تەڭگە، 9 ادام 505 مىڭ تەڭگە مولشەرىندە مەملەكەتتىك گرانت الدى.

-قازىرگى تاڭدا اۋدان كولەمىندە جۇمىس جاسايتىن 18 كومپانيامەن مەموراندۋمعا وتىردىق. ول بويىنشا وسى مەكەمەلەر جۇمىس ورىنى اشىلعان جاعدايدا ءبىرىنشى كەزەكتە ماڭعىستاۋ اۋدانىنىڭ جۇمىسسىز تۇرعىندارىن جۇمىسقا الاتىن بولادى، دەدى بريفينگتە ماڭعىستاۋ اۋدانىنىڭ اكىمى ت.كوشماعانبەتوۆ.

سوڭعى جاڭالىقتار

قايتا ورالعان قۇمارشىق

ايماقتار • كەشە

حازىرەتتەر قازىناسى

رۋحانيات • كەشە

زاڭ كەرەك!

ەكولوگيا • كەشە

يت جۇگىرتىپ، قۇس سالدى

ايماقتار • كەشە

سەنىم ءھام سەرپىن

رۋحانيات • كەشە

ۇقساس جاڭالىقتار