ەكونوميكا • 20 قىركۇيەك، 2019

الماتى: ءماسليحات اپپاراتىنىڭ شىعىنى بيىل 84 ميلليون 154 مىڭ تەڭگە

67 رەتكورسەتىلدى

ونىڭ 81 ملن 854 مىڭ تەڭگەسى  ءماسليحات قىزمەتىن قامتاماسىز ەتۋگە جۇمسالادى. قالعان 2،3 ملن تەڭگە ونىڭ «كۇردەلى شىعىستارىنىڭ» ورىندالۋىن قامتاماسىز ەتەدى. بۇل اقپاراتتى بۇگىن ءتۇس اۋا الماتى قالاسى اكىمدىگىنىڭ ءباسپاسوز قىزمەتى جاريالادى.  

الماتى اكىمى اپپاراتىنىڭ ءتول شىعىسى 3 ملرد 332 ملن 871 مىڭ تەڭگەنى قۇرايدى. الگى سومانىڭ 2 ملرد 710،2 ميلليونى تەك قالا اكىمىنىڭ قىزمەتىن قامتاماسىز ەتۋگە جۇمسالادى دەپ جوسپارلانعان. اكىمدىكتىڭ كۇردەلى شىعىستارى 547،8 ملن تەڭگەنى قۇراماق. ال 74،7 ملن-نان استام تەڭگە «الماتىنىڭ قازاقستان حالقى اسسامبلەياسىنىڭ قىزمەتىن قامتاماسىز ەتۋگە» كەتەدى.

شاھارداعى قاپتاعان ءىرىلى-ۇساقتى اكىمدىكتەردىڭ قىزمەتى دە ەلگە ارزانعا تۇسپەيدى. قازىرگى كەزدە الماتى قالاسىنىڭ قۇرامىندا 8 اۋدان – الاتاۋ، المالى، اۋەزوۆ، بوستاندىق، جەتىسۋ، مەدەۋ، ناۋرىزباي جانە تۇركسىب اۋداندارى بار. اۋدان اكىمىنىڭ اپپاراتتارى جۇمىس جاساۋى ءۇشىن ەل قازىناسى بيىل 2 ملرد 33،6 ملن تەڭگەگە شىعىندالۋى قاجەت.

ءىرى شىعىن الماتىنىڭ مەملەكەتتىك اكتيۆتەر باسقارماسى ەنشىسىندە-  449،7 ملن تەڭگە. جارتى ميللياردقا جۋىق وسىنشا قاراجاتتىڭ 370،4 ميلليونى «جەرگىلىكتى دەڭگەيدە كوممۋنالدىق م ۇلىكتى جانە مەملەكەتتىك ساتىپ الۋ سالاسىنداعى مەملەكەتتىك ساياساتتى ىسكە اسىرۋ قىزمەتتەرىنە» جۇمسالادى.

اكىمدىكتىڭ ستراتەگيا جانە بيۋدجەت باسقارماسى 622،1 ملن تەڭگە قول جەتكىزىپتى. ونىڭ ىشىندە باسقارما شەنەۋنىكتەرى وزدەرىنىڭ «ەكونوميكالىق ساياسات، جوسپارلاۋ جانە بيۋدجەتتى اتقارۋ سالاسىنداعى مەملەكەتتىك ساياساتتى ىسكە اسىرۋ قىزمەتىن» 594،4 ميلليون باعالاعان.

بۇدان بولەك جەرگىلىكتى پوليتسياعا، ياعني جەرگىلىكتى بيۋدجەتتەن قارجىلاندىرىلاتىن اتقارۋشى ىشكى ىستەر ورگانىنا «ونىڭ الماتى اۋماعىندا قوعامدىق ءتارتىپ پەن قاۋىپسىزدىكتى ساقتاۋ سالاسىنداعى مەملەكەتتىك ساياساتتى ىسكە اسىرۋ قىزمەتتەرىن قامتاماسىز ەتۋى» ءۇشىن 12،6 ملرد تەڭگە قوسىمشا جىبەرىلەدى. ءبىر قىزىعى، ونىڭ 18 ميلليونى – «قوعامدىق ءتارتىپتى قورعاۋعا قاتىساتىن ازاماتتاردى كوتەرمەلەۋگە» جۇمسالادى.

قالالىق سپورت باسقارماسىنا  بولىنگەن قارجى 2 ملرد 464،3 ملن تەڭگە.  ونىڭ باسىم بولىگىن – 2 ملرد 79 ميلليونىن باسقارما «بالالار مەن جاسوسپىرىمدەرگە سپورت بويىنشا قوسىمشا ءبىلىم بەرۋگە» شىعىندايدى. ال مەملەكەتتiك تiلدi دامىتۋ شارالارىنا تەك 35،4 ملن تەڭگە بەرىلگەن. اكىمدىك ءوز مەنشىگىندەگى نەگىزگى كاپيتالدى ساتۋدان 11 ملرد 749 ملن 700 مىڭ تەڭگە ءتۇسىم تۇسەدى دەپ جوسپارلاۋدا. الماتىنىڭ بيۋدجەتتىك دەفيتسيتى 2019 جىلى «18 ملرد 870 ملن 221،8 مىڭ تەڭگەگە» جەتپەك.

سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار