ەكونوميكا • 20 قىركۇيەك، 2019

ورتالىق ازيا مەن قىتاي ستراتەگيالىق كەلەشەگى الماتىدا تالقىلاندى

37 رەتكورسەتىلدى

الماتىدا وسى تاقىرىپتا ءوتىپ جاتقان  باس قوسۋدا  تۇڭعىش پرەزيدەنت-ەلباسى قورى جانىنداعى الەمدىك ەكونوميكا جانە ساياسات ينستيتۋتىنىڭ ديرەكتورى  ەرجان سالتىباەۆ ورتالىق ازيا ەلدەرى مەن قىتاي اراسىنداعى ىنتىماقتاستىقتىڭ گەوەكونوميكالىق ولشەمى تۋرالى پىكىرىن ورتاعا سالدى.

قازىرگى تاڭدا قحر-ىنىڭ ەكونوميكالىق الەۋەتى ورتالىق ازيا دامۋىنىڭ ماڭىزدى فاكتورىنا اينالدى. قىتاي ايماق ەلدەرىنىڭ ءىرى ساۋدا سەرىكتەسى رەتىندە ورنىقتى جانە ورتالىق ازيا ەكونوميكاسىنىڭ ماڭىزدى سالالارىنا قۇيىلعان قىتاي ينۆەستيتسياسىنىڭ كولەمى جىل سايىن ارتىپ كەلەدى. قازاقستان رەسپۋبليكاسى پرەزيدەنتى جانىنداعى قازاقستاندىق ستراتەگيالىق زەرتتەۋلەر ينستيتۋتىنىڭ باس عىلىمي قىزمەتكەرى ۆياچەسلاۆ دودونوۆ «قازاقستان مەن قىتايدىڭ BRI جوباسىن ىسكە اسىرۋ كەزىندەگى ساۋدا جانە ينۆەستيتسيالىق سالالارىنداعى ىنتىماقتاستىعى» تۋرالى ايتىپ ءوتتى. قىتايمەن ەكونوميكالىق ىنتىماقتاستىقتىڭ جوعارى قارقىنىن ساقتاي وتىرىپ، ورتالىق ازيا ەلدەرىنىڭ ينۆەستيتسيالىق تاۋەكەلدەرىن قالاي تومەندەتۋگە بولادى؟ ايماق ەلدەرى ءۇشىن قىتاي ينۆەستيتسيالارىنا ۇزاقمەرزىمدى قارىز تاۋەلدىلىگى ماسەلەسى قانشالىقتى وزەكتى؟ قىتايمەن ەكونوميكالىق قاتىناس قۇرۋدا ورتالىق ازيا ەلدەرىنىڭ كوزقاراستارى مەن قادامدارىن بىرىكتىرۋدىڭ بولاشاعى قانداي؟ مۇنداي ستراتەگيانىڭ ارتىق-كەمشىن تۇستارى قايسى؟

ساراپشىلاردىڭ پايىمداۋىنشا، بۇل تاقىرىپتار جەكە-دارا تالقىلاناتىن ماسەلەلەر.  

سەبەبى ساۋدا-ەكونوميكالىق قاتىم-قاتىناستىڭ قارقىندى دامۋىمەن قاتار بىرقاتار ەكىۇداي تەندەنتسيالار بايقالادى. اتاپ ايتساق، ەكونوميكالىق قاتىناس قۇرىلىمىندا تەڭگەرىمسىزدىك ايقىن سەزىلەدى. اسىرەسە، قحر-ىنىڭ قارجى ينستيتۋتتارى الدىنداعى قارىز كولەمىنىڭ ءوسۋى ۇلكەن الاڭداۋشىلىق تۋعىزادى.

ورتالىق ازيا ەلدەرىنىڭ قوعامى بۇل ۇدەرىستەردى ەكىۇداي قابىلداۋدا. ورتالىق ازيا ەلدەرىنەن ات ارىلتىپ كەلگەن ساراپشىلار دوڭگەلەك ۇستەل بارىسىندا اسپان استى ەلىمەن كەڭەيا تۇسكەن ىنتىماقتاستىققا بايلانىستى تۋى مۇمكىن سىن-تەگەۋرىندەر مەن مۇمكىندىكتەر تۋرالى ءوز پىكىرلەرىن ورتاعا سالدى.

سوڭعى جاڭالىقتار

انا ءتىلى – ارىڭ بۇل...

رۋحانيات • كەشە

اباي مۇراسى ماڭگىلىك

اباي • 22 اقپان، 2020

قىلمىستىق ءىس قوزعالدى

ايماقتار • 22 اقپان، 2020

ماڭعىستاۋدا «ANTIKOR ORTALYGY» اشىلدى

رۋحانيات • 22 اقپان، 2020

تەننيس: ەلەنا رىباكينا فينالدا

تەننيس • 22 اقپان، 2020

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار