ايماقتار • 20 قىركۇيەك، 2019

تارازدا جەدەل بايلانىس ورتالىعى اشىلدى

114 رەتكورسەتىلدى

تاراز قالاسىندا «JÁRDEM-109» بىرىڭعاي بايلانىس ورتالىعى ىسكە قوسىلدى. اتالعان ورتالىقتا حالىقتىڭ سۇراناسىنا وراي 1000-نان استام قىزمەت تۇرلەرى بىرىكتىرىلگەن. ەندىگى جەردە تاراز تۇرعىندارى بارلىق ماسەلەنىڭ شەشىمىن وسى جەردەن تابا الاتىن بولادى. بۇل ورىن قالاداعى تاۋلىك بويى جۇمىس ىستەيتىن جالعىز ورتالىق. تاراز قالالىق اكىمدىگىنىڭ مالىمەتىنشە، تۇرعىنداردىڭ وتىنىمدەرى بارلىق بايلانىس ارنالارى ارقىلى قابىلدانىپ، ءارى قاراي ءتيىستى مەملەكەتتىك ورگاندارعا نەمەسە كوممۋنالدىق مەكەمەلەرگە جىبەرىلەدى.

جاڭا اشىلعان «JÁRDEM-109» بىرىڭعاي بايلانىس ورتالىعىنىڭ باعىتى – تۇرعىنداردىڭ وتىنىشتەرىن قابىلداۋ، سونىمەن قاتار ورىن العان جايتتاردى، اپاتتاردى شەشۋدە كوممۋنالدىق جانە جەدەل قىزمەتتەر جۇمىسىن ۇيلەستىرۋ. اتالعان امبەباپ كومەكشى كاتالوگىندە 1000-نان استام قىزمەت ءتۇرى بار. كەز-كەلگەن تۇرعىننىڭ سۇرانىسىنا وپەراتور ءبىرىنشى قوڭىراۋدان-اق جاۋاپ بەرەدى. بارلىق وتىنىشتەر وڭدەلىپ، ولارعا تىركەۋ ءنومىرى دە بەرىلەدى. قىركۇيەك ايىندا عانا ءوز جۇمىسىن باستاعان كوممۋنالدىق مەكەمەگە از ۋاقىتتىڭ ىشىندە 276 ءوتىنىش تۇسكەن.

ء«بىز تاراز قالاسىنىڭ بىرىڭعاي كوممۋنالدىق ديسپەتچەرلىك ورتالىعىنىڭ قىزمەتىن ۇيىمداستىرۋ جۇمىستارىن جۇرگىزىپ وتىرمىز. مەكەمەنىڭ باستى ماقساتى – تاراز قالاسىنىڭ تۇرعىندارىنا مەملەكەتتىك قىزمەتتەردى لايىقتى دەڭگەيدە كورسەتۋ بولىپ تابىلادى. كوممۋنالدىق-تۇرمىستىق سيپاتتاعى ماسەلەلەر، جەرگىلىكتى مەملەكەتتىك قىزمەتتەر جانە اكىمدىكتىڭ قىزمەتىنە بايلانىستى باسقا دا ماسەلەلەر بويىنشا ءارتۇرلى كوممۋنيكاتسيا قۇرالدارى ارقىلى تاراز قالاسى تۇرعىندارى مەن قوناقتارىنىڭ وتىنىشتەرىن قابىلداۋ باستالىپ كەتتى. بىرىڭعاي بايلانىس ورتالىعىنا شۇعىل قىزمەتتەردەن باسقا بارلىق سۇراقتار بويىنشا «109»  ءنومىرى ارقىلى حابارلاسۋعا بولادى. بۇل حالىقتىڭ ءومىر ءسۇرۋ ساپاسىن ايتارلىقتاي جاقسارتادى. قوڭىراۋدى ۇيالى تەلەفون ارقىلى شالۋعا دا بولادى. بارلىعى تەگىن. بۇل جوبا نۇر-سۇلتان قالاسىندا تاجىريبەدەن وتكەن»، دەيدى «تاراز قالاسىنىڭ بىرىڭعاي كوممۋنالدىق ديسپەتچەرلىك قىزمەتى» مەكەمەسىنىڭ ديرەكتورى الەكساندر نەوبياۆليايۋششي.

الداعى ۋاقىتتا «109» قوڭىراۋ شالۋ نومىرىنەن باسقا، «Facebook» جانە «Telegram» مەن «WhatsApp» الەۋمەتتىك جەلىلەرى ارقىلى دا ءوتىنىش قابىلداۋ جوسپارلانۋدا ەكەن. تاراز قالاسىندا ورنالاسقان كەڭسەدە 12 ديسپەتچەر جۇمىس ىستەيدى. ولار بارلىق مالىمەتتەرگە ونلاين تۇردە مونيتورينگ جاساپ وتىرادى.

سوڭعى جاڭالىقتار

انا ءتىلى – ارىڭ بۇل...

رۋحانيات • كەشە

اباي مۇراسى ماڭگىلىك

اباي • 22 اقپان، 2020

قىلمىستىق ءىس قوزعالدى

ايماقتار • 22 اقپان، 2020

ماڭعىستاۋدا «ANTIKOR ORTALYGY» اشىلدى

رۋحانيات • 22 اقپان، 2020

تەننيس: ەلەنا رىباكينا فينالدا

تەننيس • 22 اقپان، 2020

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار