قوعام • 20 قىركۇيەك، 2019

ا. كولگىنوۆ: ەلوردا تۇرعىندارىنىڭ 60% شاعىن جانە ورتا بيزنەس اياسىندا جۇمىسپەن قامتىلعان

36 رەتكورسەتىلدى

نۇر-سۇلتان بيزنەسپەن اينالىساتىن ازاماتتارعا قولايلى قالا بولادى. بۇل تۋرالى كاسىپكەرلەردىڭ جىل سايىنعى VI كونفەرەنتسياسىندا «اتامەكەن» ۇكپ تورالقا توراعاسى ت. ق ۇلىباەۆ مالىمدەدى. بۇل تۋرالى ەلوردا اكىمدىگىنىڭ ءباسپاسوز قىزمەتى حابارلادى.


مەملەكەت باسشىسى حالىققا جولداۋىندا شاعىن جانە ورتا بيزنەس  - قالا مەن اۋىلدى دامىتۋدىڭ بەرىك نەگىزى ەكەنىن اتاپ ءوتتى.

ەلوردا اكىمى ا. كولگىنوۆتىڭ ايتۋىنشا، وتاندىق بيزنەسمەندەر الەۋمەتتىك نىسانداردىڭ اشىلۋىنا ەرەكشە كوڭىل بولە باستادى.

«قالادا جەكە مەنشىك بالاباقشالار سانى ارتىپ كەلەدى، قازىر بىزدە 213 جەكەمەنشىك بالاباقشا، 14 جەكەمەنشىك ەمحانا، 23 مىڭعا جۋىق وقۋشى ورنىمەن قامتاماسىز ەتىپ وتىرعان مەكتەپ بار»،  دەدى ا. كولگىنوۆ.

قالا اكىمدىگى «اتامەكەن» ۇكپ-مەن بىرلەسىپ بيزنەسمەندەر ء«بىر تەرەزە» قاعيداتى بويىنشا بارلىق قاجەتتى قىزمەتتەردى الا الاتىن «بيزنەسكە ارنالعان ۇكىمەت» الاڭىن ىسكە قوسۋدى جوسپارلاۋدا.

الەۋمەتتىك كاسىپكەرلىكتى دامىتۋ ءۇشىن «1000 ورىن – كوشە ساۋداسى» جوباسى تابىستى جۇمىس ىستەۋدە. جوبا اياسىندا 1،5 مىڭنان استام جۇمىس ورنى اشىلىپ، 1 ملرد-تان استام جەكە ينۆەستيتسيالار تارتىلدى.

«اتامەكەن» وڭىرلىك پالاتاسىنىڭ ديرەكتورىنىڭ ايتۋى بويىنشا «1000 ساۋدا ورنى» جوباسىنا قاتىسۋ ءۇشىن الەۋمەتتىك وسال توپتار ءۇشىن ساۋدا نۇكتەلەرىن بەرەدى.

سوڭعى 10 جىلدا شوب سۋبەكتىلەرىنىڭ سانى 5 ەسە ءوستى، بۇل سالادا حالىقتىڭ 60% - عا جۋىعى جۇمىسپەن قامتىلعان. ءونىم شىعارۋ كولەمى 800 ملرد تەڭگەدەن 5 ترلن تەڭگەگە دەيىن ءوستى. بيزنەس وكىلدەرىمەن كەزدەسۋلەر جۇيەلى تۇردە وتەدى. قالا اكىمى كاسىپكەرلەردى  «بيزنەسكە ارنالعان ۇكىمەت» الاڭىندا جەكە قابىلدايدى.

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار