ساياسات • 20 قىركۇيەك، 2019

قازاقستان ەلشىسى تۇرىكمەنستان پرەزيدەنتىنە سەنىم گراموتالارىن تابىستادى

44 رەتكورسەتىلدى

قازاقستان رەسپۋبليكاسىنىڭ تۇرىكمەنستانداعى ەلشىسى ەركەبۇلان ساپيەۆتى سەنىم گراموتالارىن تابىستاۋ ءۇشىن تۇرىكمەنستان پرەزيدەنتى گۋربانگۋلى بەردىمۇحامەدوۆ قابىلدادى. بۇل تۋرالى ءسىم ءباسپاسوز قىزمەتى حابارلادى.

«وعىزحان» سارايىندا وتكەن كەزدەسۋ بارىسىندا تۇرىكمەنستان باسشىسى باۋىرلاس ەلدەر اراسىندا قالىپتاسقان دوستىق قارىم-قاتىناستار مەن ءوزارا سەنىم احۋالىن، سونداي-اق وڭىرلىك جانە جاھاندىق كۇن تارتىبىندەگى نەگىزگى ماسەلەلەر بويىنشا ەكى مەملەكەتتىڭ ىنتىماقتاستىعىن اتاپ ءوتتى. بۇل رەتتە، ول قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ ەكىجاقتى قارىم-قاتىناستاردىڭ قالىپتاسۋىنا جانە قازاقستان-تۇرىكمەن ستراتەگيالىق سەرىكتەستىگىنىڭ دامۋىنا قوسقان زور ۇلەسىنە ەرەكشە نازار اۋداردى.

تاراپتار ساياسي-ديپلوماتيالىق ديالوگ، ساۋدا-ەكونوميكالىق ىنتىماقتاستىق، ەكى ەل اراسىنداعى عىلىمي-تەحنيكالىق پەن مادەني-گۋمانيتارلىق ءوزارا ارەكەتتەستىكتى دامىتۋدى قوسا العاندا، بىرقاتار وزەكتى ماسەلەلەردى تالقىلادى.

كەزدەسۋ سوڭىندا گ.بەردىمۇحامەدوۆ ەلباسى ن.نازارباەۆ جانە قازاقستان پرەزيدەنتى ق.توقاەۆقا جۇرەك تىلەگىن جەتكىزىپ، ەلشىگە قازاقستان-تۇرىكمەن ىنتىماقتاستىعىن نىعايتۋ ءۇشىن تابىستى جانە جەمىستى جۇمىس تىلەدى.

سول كۇنى قازاقستاندىق ەلشى سەنىم گراموتالارىنىڭ كوشىرمەلەرىن تابىستاۋ ءۇشىن تۇرىكمەنستاننىڭ مينيسترلەر كابينەتى توراعاسىنىڭ ورىنباسارى – سىرتقى ىستەر ءمينيسترى راشيد مەرەدوۆپەن كەزدەستى.

سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار