قوعام • 19 قىركۇيەك، 2019

«ەگەمەن قازاقستان» باسشىسى قاراعاندىلىق ستۋدەنتتەرمەن كەزدەستى

139 رەتكورسەتىلدى

كەنشىلەر استاناسىندا اقىن-جازۋشى، مەملەكەت جانە قوعام قايراتكەرى ساكەن سەيفۋلليننىڭ 125 جىلدىعىنا ارنالعان جاس اقىندار مەن جازۋشىلاردىڭ رەسپۋبليكالىق فورۋمىنىڭ جۇمىسىنا قاتىسقان «ەگەمەن قازاقستان» گازەتىنىڭ باسشىسى دارحان قىدىرالى ە.بوكەتوۆ اتىنداعى قارمۋ-دىڭ جۋرناليستيكا ءبولىمىنىڭ ستۋدەنتتەرىمەن كەزدەستى.

كەزدەسۋدى اشقان قارمۋ رەكتورىنىڭ مىندەتىن اتقارۋشى ەلدوس تۇيتە باس باسىلىم باسشىسىنا ستۋدەنتتەرمەن جۇزدەسۋگە ۋاقىت تاۋىپ كەلگەنى ءۇشىن ريزاشىلىق سەزىمىن جەتكىزىپ، العىس حات تابىس ەتتى.

دارحان قىدىرالى ستۋدەنت جاستار الدىندا عاسىر جاساعان «ەگەمەن قازاقستان» گازەتىنىڭ بۇگىنگى تىنىس-تىرشىلىگى مەن 100 جىلدىق مەرەيتوي اياسىندا ىسكە اسىرىلىپ جاتقان جوبالار جايىندا، جالپى قازاق جۋرناليستيكاسىنىڭ جاي-جاپسارى تۋرالى ءبىر ساعاتتان استام ءدارىس وقىدى.

«ەگەمەن» باسشىسى قازىرگى تاڭدا باس باسىلىمنىڭ كادر تۇرعىسىنان ايتارلىقتاي جاسارعانىن، ونىڭ ەسىگىنىڭ تالانتتى دا تالاپتى جاس ماماندارعا ارقاشان اشىق ەكەنىن جەتكىزدى.

بۇدان كەيىن اڭگىمە سۇراق-جاۋاپ تۇرىندە ءوربىدى. ستۋدەنتتەردىڭ ءبىرى «جۋرناليست بولۋ ءۇشىن جوعارى وقۋ ورنىن ءبىتىرۋ مىندەتتى مە؟»، دەپ سۇرادى. بۇعان دارحان قىدىرالى «بولاشاق جۋرناليست مىقتى مامان بولۋى ءۇشىن ءبىر ەمەس، بىرنەشە ماماندىقتى وقىپ، يگەرۋى كەرەك»، دەگەن جاۋاپ بەردى.

سونىمەن قاتار، بولاشاق جۋرناليستەردى قاعاز تۇرىندەگى گازەتتەردىڭ بولاشاق تاعدىرى دا الاڭداتاتىن بولىپ شىقتى. بۇل ورايدا «ەگەمەن» باسشىسى وقىرمان سۇرانىسى باردا، گازەتتەردىڭ ءومىر سۇرە بەرەتىنىن بىرقاتار ناقتى دەرەكتەر كەلتىرە وتىرىپ دالەلدەپ بەردى.

«قازىر ەلىمىزدە 400-دەن استام ەلدى مەكەندە ينتەرنەت جوق. ياعني، بۇل دەگەنىڭىز الگى جەرلەردەگى تۇرعىنداردىڭ رۋحاني سۇرانىسىن گازەت قاناعاتتاندىرادى دەگەن ءسوز. تاعى ءبىر مىسال: امەريكالىق عالىمداردىڭ زەرتتەۋىنشە، ادام گازەتتى قولىنا الىپ 40 مينۋتتاي ۋاقىت جۇمساپ وقي الادى ەكەن. سونان سوڭ، قازىرگى تاڭدا گازەت ينتەرنەتپەن جىلدامدىق جاعىنان جارىسا الماسا دا، ساراپتاما، تالداۋ ماتەريالدارى ارقىلى وق بويى وزىق تۇرادى»، دەدى «ەگەمەن قازاقستان» گازەتىنىڭ باسشىسى.

كەزدەسۋدىڭ سوڭىنا تامان ستۋدەنتتەردىڭ ءبىرى دارحان قىدىرالىدەن باتا بەرۋىن سۇرادى. باس باسىلىمنىڭ باسشىسى ستۋدەنتتەرگە تەرەڭ ءبىلىم الىپ، بولاشاق ماماندىعىنىڭ ناعىز شەبەرى بولىپ شىعۋلارىنا تىلەك ءبىلدىردى. سونداي-اق ول جەرگىلىكتى جۋرناليستيكا كافەدراسىنىڭ جۇمىسىنا تابىس تىلەدى.

كەزدەسۋدىڭ سوڭىندا ستۋدەنت جاستار دارحان قىدىرالىمەن بىرگە ەستەلىك سۋرەتكە ءتۇستى.

  

قاراعاندى وبلىسى

سوڭعى جاڭالىقتار

گۇلزادا تىككەن بەتپەردە

ايماقتار • بۇگىن، 07:12

شتاب قۇرىلدى

ايماقتار • بۇگىن، 07:08

ەلىن ورگە سۇيرەيتىندەر

رۋحانيات • بۇگىن، 07:06

باس قالا اۋەجايىنىڭ كودى وزگەردى

قازاقستان • بۇگىن، 06:59

تورىمىزدە تۇرۋى ءتيىس

اباي • بۇگىن، 06:46

ۇلى مۇرا – ۇلت مۇراتى

اباي • بۇگىن، 06:42

تۇتقاداعى تازالىق

قوعام • بۇگىن، 06:33

تاسقىنعا مونيتورينگ جۇرگىزىلدى

ايماقتار • بۇگىن، 06:31

جامان ىندەت جانازا كەزىندە جۇققان

كوروناۆيرۋس • بۇگىن، 06:27

جۇمىسسىزدار قولداۋعا مۇقتاج

پارلامەنت • بۇگىن، 06:25

ۇقساس جاڭالىقتار