«التىنشى بەكەت» تەلەحيكاياسى قازاقستاندا 2010 جىلى قاتاڭ رەجيمدەگى تۇزەۋ كولونياسىنان جاپپاي قاشپاق بولعان سوتتالۋشىلار تۋرالى شىنايى وقيعا جەلىسىمەن تۇسىرىلگەن. سيۋجەت جەلىسى بويىنشا ەرلان ەسىمدى سولدات جيىرمادان استام قىلمىسكەردى ۇستاۋ پروتسەسىنە قاتىسادى. قىلمىسكەرلەردىڭ ءبىرى - اقتاۋداعى گم 172/1 تۇزەتۋ مەكەمەسىنەن مەرزىمىن وتەۋشى بۇرىنعى دوسى داۋرەن بولىپ شىعادى.
ء «فيلمنىڭ باستى ماقساتى – قازاقستاننىڭ بۇگىنگى باتىرلارىن كورسەتۋ ارقىلى, جاستاردى شابىتتاندىرىپ, سولداتتاردى ەرلىك ءىس جاساۋعا رۋحتاندىرۋ», - دەدى «حابار» تەلەارناسىنىڭ ديرەكتورى دينارا بيسەمبينا.
«تەفي-دوستاستىق» فەستيۆالى – 2011 جىلى قۇرىلعان. بيىلعى جىلدىڭ تاقىرىبى: «تەلەحيكايا – ۇلتتىق تەلەۆيزيالىق جوبا رەتىندە» دەپ اتالدى. تورەشىلەردىڭ نازارىنا 80-گە جۋىق كارتينا ۇسىنىلدى.
قازاقستاننىڭ, رەسەيدىڭ, لاتۆيانىڭ,ارمەنيانىڭ, ءازىربايجاننىڭ, بەلورۋسيانىڭ, وزبەكستاننىڭ, ۋكراينا مەن ەستونيانىڭ كارتينالارى لاۋرەات اتاندى.
