سەنات باسشىسى سەزد حاتشىلىعىنىڭ جۇمىسىنا بەلسەندى قاتىسقانى جانە كوپ جىلدان بەرى قولداۋ كورسەتىپ كەلە جاتقانى ءۇشىن العىس ايتتى.
د.سافونوۆ ءوز كەزەگىندە قازاقستانعا پراۆوسلاۆ تۇرعىنداردى قولداعانى ءۇشىن ريزاشىلىعىن ءبىلدىردى.
«رەسەيدىڭ دىنارالىق كەڭەسى قازاقستانعا زور قۇرمەتپەن قارايدى, ديالوگ الاڭىنىڭ بارلىق ۇسىنىستارىن قولداپ كەلەدى جانە بۇدان بىلايعى ىنتىماقتاستىققا ءۇمىت ارتادى. ءبىز دىنارالىق فورۋمدى شاقىرۋداعى قازاقستاننىڭ تاجىريبەسىن زەردەلەۋ ءۇشىن الدىڭعى سەزدەرگە قاتىسۋشىلاردىڭ ماتەريالدارى مەن سويلەگەن سوزدەرىن العىمىز كەلەدى», - دەپ اتاپ ءوتتى د.سافونوۆ.
ماسكەۋ پاتريارحاتىنىڭ وكىلى سونداي-اق پاتريارح كيريللدىڭ قازاقستانعا ساپارى 2021 جىلعا جوسپارلانعانىن ايتتى.
داريعا نازارباەۆا ء«ال-ازھار» يسلام زەرتتەۋلەرى اكادەمياسىنىڭ باس حاتشىسى نازير مۇحاممەد مۇحاممەد ءال-نازير ايادپەن اڭگىمە بارىسىندا بۇكىل الەمدەگى يسلامنىڭ ءرولىن نىعايتۋعا, توزىمدىلىك پەن بارلىق حالىقتى ىنتىماققا شاقىراتىن ءدىننىڭ شىنايى, بەيبىتسۇيگىش ءمان-ماعىناسىن ناسيحاتتاۋعا باعىتتالعان ءال-ازحاردىڭ كۇش-جىگەرىن جوعارى باعالادى.
«يسلامنىڭ ءىرى ورتالىعىندا قازاقستاندىق ستۋدەنتتەر جاقسى ءبىلىم الۋدا, ولاردى وقىتۋداعى كومەكتەرىڭىز ءۇشىن ريزامىز», - دەپ اتاپ ءوتتى سەنات توراعاسى.
سەزد حاتشىلىعىنىڭ باسشىسى سونداي-اق دۇنيەجۇزىلىك يسلام ليگاسى باس حاتشىسىنىڭ وكىلى, كومەك كورسەتۋ, كۇتىمگە الۋ جانە دامۋ ماسەلەلەرى جونىندەگى حالىقارالىق ۇيىمىنىڭ باس حاتشىسى ءابدۋلازيز احماد سارحانمەن كەزدەستى. تاراپتار سەزدىڭ قىزمەتىن دامىتۋ, ونىڭ جاڭا ساپالىق دەڭگەيگە شىعۋى جونىندەگى بىرلەسكەن ىنتىماقتاستىقتى تالقىلادى.
ءابدۋلازيز بەن احماد سارحان كوپتەگەن الەمدىك دىندەر قاجەت ەتەتىن شىنايى بەيبىت الاڭ قۇرعانى ءۇشىن قازاقستان باسشىلىعىنا العىسىن ءبىلدىردى.
ء«سىز باسشىلىق ەتەتىن ديالوگ الاڭى ۇلتارالىق كەلىسىم مەن ىشكى تۇراقتىلىقتىڭ ۇلگىسىن كورسەتىپ وتىر», - دەدى دۇنيەجۇزىلىك كومەك كورسەتۋ جانە دامۋ ماسەلەلەرى جونىندەگى ۇيىمنىڭ باس حاتشىسى.
