قوعام • 19 قىركۇيەك، 2019

جىلىتۋ ماۋسىمىنا دايىندىق: قازاندىقتاردىڭ 93 پايىزى جوندەلدى

47 رەتكورسەتىلدى

بۇگىن ۇكىمەتتىڭ ءباسپاسوز ورتالىعىندا وتكەن بريفينگ بارىسىندا ەنەرگەتيكا ۆيتسە-ءمينيسترى سۇڭعات ەسىمحانوۆ جىلىتۋ ماۋسىمىنا دايىندىق بارىسى تۋرالى ايتىپ بەردى. بۇل تۋرالى primeminister.kz حابارلادى.

س. ەسىمحانوۆ قازاقستاننىڭ بىرىڭعاي ەلەكتر ەنەرگەتيكالىق جۇيەسى شتاتتىق رەجيمدە جۇمىس ىستەپ تۇرعانىن ايتتى. وسى جىلدىڭ 19 قىركۇيەگىندەگى مالىمەتتەرگە سايكەس رەسپۋبليكا بويىنشا ەلەكتر ەنەرگياسىن تۇتىنۋ 72،5 ملرد كۆتس قۇرادى، بۇل وتكەن جىلدىڭ دەڭگەيىنەن 1،7%-عا ارتىق.

سونىمەن قاتار ۆيتسە-مينيستر ەنەرگيا كاسىپورىندارىن كۇزگى-قىسقى كەزەڭگە دايىنداۋ بەكىتىلگەن جوندەۋ كەستەلەرىنە سايكەس جۇرگىزىلىپ جاتقانىن اتاپ ءوتتى.

اعىمداعى كۇنگە 5 ەنەرگوبلوكتا جوندەۋ جۇرگىزىلدى، بۇل جىلدىق كولەمنىڭ 45%-ىن، 40 قازاندىقتى قۇرايدى، بۇل جىلدىق كولەمنىڭ 63%-ى جانە 23 تۋربينا، بۇل جىلدىق كولەمنىڭ 50%-ىن قۇرايدى. جوندەۋدىڭ ءارتۇرلى كەزەڭىندە 4 ەنەرگيا بلوگىندا، 28 قازاندىقتا جانە 18 تۋربينادا جۇمىستار جۇرگىزىلۋدە.

«ەلەكتر جەلىلەرى بويىنشا 21 مىڭ شاقىرىم ەلەكتر جەتكىزۋ جەلىلەرى مەن 1152 شاعىن ستانتسياعا جوندەۋ جۇمىستارى جۇرگىزىلدى، بۇل جىلدىق جوسپاردىڭ تيىسىنشە 84% جانە 92%-ىن قۇرايدى»، - دەدى س. ەسىمحانوۆ.

الداعى جىلىتۋ ماۋسىمىنا دايىندىق ءۇشىن ورتالىقتاندىرىلعان جىلۋمەن قامتۋ ايماعىندا 459 قازاندىقتىڭ 428 قازاندىعىنا جوندەۋ جۇمىستارى جۇرگىزىلدى، بۇل جىلدىق جوسپاردىڭ 93%-ىن قۇرايدى.

سونىمەن قاتار س. ەسىمحانوۆتىڭ ايتۋىنشا، بىرقاتار وڭىرلەردە جوندەۋ كەستەسىندە بەلگىلەنگەن مەرزىمدەردىڭ ساقتالماۋى جانە ارتتا قالۋى بايقالادى.

«وسى كەستە بويىنشا جۇرمەي جاتقان بىرنەشە مىسالدى كەلتىرۋگە بولادى. مۇنى ءبىز كاسىپورىندارعا ەسكەرتۋ رەتىندە ايتامىز. ماسەلەن، پاۆلودار وبلىسىندا ورنالاسقان «ەۋروازياتتىق ەنەرگەتيكالىق كورپوراتسيا» اق ەلەكتر ستانتسياسى. بۇل - ەڭ ءىرى مەملەكەتتىك اۋداندىق ەلەكتر ستانتسياسى (ماەس). مۇندا اكىمدىك، اكتسيونەرلەرمەن قاتار، ءبىزدىڭ كوميتەت تە باقىلاۋ جاسايدى. بۇگىندە ەكى بلوك №5 جانە №8 بويىنشا كەستەدەن قالىپ جۇمىس ىستەۋدە. ولار ماۋسىم مەن تامىز ايلارىندا اياقتالۋى ءتيىس ەدى، الايدا تەك قازان ايىنىڭ سوڭىندا اياقتالادى. بىردەن ايتىپ وتەيىن، ماەس-تىڭ جىلۋ بەرۋگە ەشقاندايدا قاتىسى جوق، جىلىتۋ ماۋسىمى تۇرعىسىنان ەشقانداي دا پروبلەما ول ءۇشىن تۋىندامايدى. بۇل ەنەرگيا جۇيەسىنە اسەر ەتۋى مۇمكىن بولعان سوڭ اتاپ ءوتىپ جاتىرمىز»، - دەدى ۆيتسە-مينيستر.   

سونىمەن قاتار س. ەسىمحانوۆ ستانتسيالاردا وتىن دايىنداۋ تۋرالى اقپاراتتاندىردى.

«وڭتۇستىك وڭىرلەر بىزدە گازبەن جىلىتىلادى، سوندىقتان وندا وتىن دايىنداۋدىڭ قاجەتى جوق، كەلىسىمشارتتار بار. «قازترانسگاز» جەتكىزەدى، ارتىق سۇراعى جوق. كومىر بويىنشا – بىزدە كومىرمەن جىلىتىلاتىن 20 ءىرى ەنەرگەتيكالىق كاسىپورىن بار. قازىرگى تاڭدا وسى ستانتسيالاردا 4 ملن توننا كومىر بار. بيىل كاسىپورىندار ايتارلىقتاي جاقسى جۇمىس اتقاردى. وتكەن جىلمەن سالىستىرعاندا 600 مىڭ توننا كومىرگە ارتىق دايىندالدى»، - دەپ اتاپ ءوتتى ۆيتسە-مينيستر.   

س. ەسىمحانوۆتىڭ ايتۋىنشا، مىناداي نورماتيۆتەر بار — كومىر رازرەزدەرىنەن ەنەرگيا كوزدەرىنىڭ قويمالارىنا دەيىنگى اراقاشىقتىق 10-20 تاۋلىك بولۋى كەرەك. سونىمەن، بۇگىندە بارلىق ستانتسيالاردىڭ كومىر قورى بار. ماسەلەن، وسكەمەن جەو-دا كومىر قورى 20 تاۋلىككە دەيىن بولۋى كەرەك، قازىر كومىر قورى 38 تاۋلىككە جەتەتىن كولەمدە ساقتالۋدا. از عانا كومىر تۇتىنۋمەن سيپاتتالاتىن بالقاش جەو-نا 2-3 ايعا جەتەتىن كومىر جەتكىزىلدى.

ەلىمىزدە ورتالىقتاندىرىلعان جىلۋمەن قامتۋ جۇيەسىمەن جۇمىس ىستەيتىن 460 قازاندىق بار. ولاردىڭ ىشىندە 428-ءى جىلىتۋ ماۋسىمىنا دايىن. وڭتۇستىك وڭىرلەردەگى 30-عا جۋىق قازاندىق ىسكە قوسۋ مەن جوندەۋ جۇمىستارىن اياقتاپ جاتىر جانە قازان ايىنىڭ باسىنا دەيىن دايىن بولۋى كەرەك.

وسى جىلدىڭ 19 قىركۇيەگىندەگى جاعداي بويىنشا ەنەرگيا كوزدەرىنىڭ قويمالارىندا مازۋت قورى 101،9 مىڭ توننانى قۇرايدى، بۇل وتكەن جىلعى كورسەتكىشپەن سالىستىرعاندا 24%-عا كوپ.

ەنەرگەتيكا مينيسترلىگى قوسىلعان قۇن سالىعى ەسەبىمەن 100 مىڭ تەڭگە باعامەن 277 مىڭ توننا كولەمىندە «الەۋمەتتىك» مازۋت جەتكىزۋ كەستەسىن بەكىتتى.

«جالپى العاندا، الداعى جىلۋ بەرۋ ماۋسىمىنا دايىندىق تۇراقتى رەجيمدە ءجۇرىپ جاتىر»، - دەپ تۇيىندەدى ەنەرگەتيكا ۆيتسە-ءمينيسترى.

سوڭعى جاڭالىقتار

جاڭا ۇلگىدەگى كولىكتەر

قوعام • بۇگىن، 09:08

Grand Slam جارىسىندا بەلدەسەدى

سپورت • بۇگىن، 08:30

مەكسيكالىقتىڭ قارسىلاسى اتانۋى مۇمكىن

كاسىپقوي بوكس • بۇگىن، 08:29

وقىرمانمەن وي ءبولىستى

رۋحانيات • بۇگىن، 08:17

قياناتقا قارسى تۇرعان گازەت

رۋحانيات • بۇگىن، 07:49

جەمقورلىق جەرگە قاراتادى

قوعام • بۇگىن، 07:48

«ءبىر سىناعان جاماندى...»

ايماقتار • بۇگىن، 07:46

ەرلى-زايىپتىلاردىڭ ەرلىگى

ايماقتار • بۇگىن، 07:43

ەل يگىلىگىن ەسەلەگەن جان

رۋحانيات • بۇگىن، 07:32

ەڭ قىمبات ۇلتتىق برەندتەر

الەم • بۇگىن، 07:23

تەڭگەنىڭ تەگەۋرىنى

قارجى • بۇگىن، 07:21

سەنىم كاپيتالى

ەكونوميكا • بۇگىن، 07:18

قور الدىندا ۇلكەن مىندەتتەر تۇر

قازاقستان • بۇگىن، 07:04

ۇقساس جاڭالىقتار