كورمەگە الەمنىڭ 60 ەلىنەن تۋريستىك يندۋستريانىڭ 1000-نان استام وكىلى قاتىسۋدا. كورمە قازاقستان رەسپۋبليكاسىنىڭ مادەنيەت جانە سپورت مينيسترلىگى مەن «Kazakh Tourism» ۇك» اق ۇيىمداستىرۋىمەن ءوتىپ جاتىر.
ءىس-شارا بارىسىندا كورمە, ىسكەرلىك كەزدەسۋلەرگە ارنالعان نەتۆوركينگ-پلاتفورما جانە ىسكەرلىك ەكى فورۋم وتەدى. PATA Travel Mart جەرگىلىكتى جانە حالىقارالىق تۋريستىك نارىق ويىنشىلارىنا ارنالعان كوممۋنيكاتسيالىق, ىسكەرلىك جانە نەتۆوركينگ الاڭ بولماق. بۇل - قازاقستاندىق تۋروپەراتورلار مەن بيزنەس-قاۋىمداستىق ءۇشىن, وتاندىق جانە شەتەلدىك تۋرونىمدەردى دامىتۋ ماقساتىنداعى حالىقارالىق بايلانىستى نىعايتۋدىڭ بىرەگەي مۇمكىندىگى.
تمد كەڭىستىگى مەن ەۋرازيانىڭ ەۋروپالىق بولىگىندە راتا كورمەسىن العاش رەت وتكىزۋ قۇقىعىن قازاقستاننىڭ جەڭىپ العانىنا اسا قۋانىشتىمىز. مەملەكەت تاراپىنان قازاقستاندا ءتۋريزمدى دامىتۋ باعىتىنداعى كوپتەگەن ءىس-شارالار اتقارىلۋدا; ءبىز ەلىمىزدە تۋريستىك بيزنەسكە ارنالعان پلاتفورمانى قالىپتاستىرىپ جاتىرمىز. مىسالى, 72 ساعاتقا ۆيزاسىز رەجيم ەنگىزدىك, تۋريستەردىڭ كەلۋىنە جاعداي جاساۋدى جالعاستىرۋدامىز, - دەپ مادەنيەت جانە سپورت ءمينيسترى اقتوتى رايىمقۇلوۆا اتاپ ءوتتى.
راتا پرەزيدەنتى دوكتور ماريو حاردي, تۋريستىك بولاشاق ازيانىڭ ەنشىسىندە بولعاندىقتان قازاقستانعا وسىنداي ءىس-شارالاردى جالعاستىرۋ قاجەت ەكەنىنە نازار اۋداردى. ماريو حاردي تۋريستىك الەۋەتتى دامىتۋدا ەلىمىزدىڭ دۇرىس جولدى تاڭداعانىنا سەنىمدى.
شارا سپيكەرلەرىنىڭ قاتارىندا BBC Global News-ءتىڭ سينگاپۋر, وڭتۇستىك جانە وڭتۇستىك-شىعىس ازيا ايماقتارى بويىنشا جارنامانى ساتۋ جونىندەگى ۆيتسە-پەرزيدەنتى دجون ۋيليامس, Air Astana اۆياكومپانياسىنىڭ پرەزيدەنتى پيتەر فوستەر, iFree Group-تىڭ كورپوراتيۆتىك دامۋ جانە كوممۋنيكاتسيا جونىندەگى ۆيتسە-پرەزيدەنتى توني سميت جانە باسقالارى بار.
سونداي-اق PATA Travel Mart 2019 اياسىندا PATA Gold Awards 2019 ماراپاتى تابىستالادى. قازىر ءىس-شاراعا 32 ەلدەن 250-دەن استام سەللەر جۇمىلدىرىلعان, ولار ءوز كلاسىنداعى ۇزدىك ونىمدەر مەن قىزمەتتەردى, ەرەكشە تاعامدار مەن جاپونياداعى «فوتو-كانيكۋلدان» قىتاي مۇراسىنا ساياحاتقا دەيىن كورسەتەدى.
