ءبىرىنشى كەزەكتە, ەڭبەك جانە حالىقتى الەۋمەتتىك قورعاۋ مينيسترلىگىنىڭ باسشىسى «№1 ارناۋلى الەۋمەتتىك قىزمەتتەردى كورسەتۋ ورتالىعى» كمم بولىمشەسى بولىپ تابىلاتىن ءوز الدىنا دەربەس تۇرۋ ءۇيىنىڭ جۇمىسىمەن تانىستى. بۇل ۇيىم 18 جاستان اسقان پسيحونەۆرولوگيالىق اۋرۋلارى بار ادامدارعا ارنايى الەۋمەتتىك قىزمەتتەر كورسەتىلەدى.
سودان كەيىن مينيستر 3-تەن 18 جاسقا دەيىنگى I-II توپتاعى مۇگەدەك بالالارعا ارنالعان «№2 ارناۋلى الەۋمەتتىك قىزمەتتەردى ۇسىنۋ ورتالىعى» كمم-دە بولدى.
جوعارىدا كورسەتىلگەن ۇيىمداردىڭ جەتەكشىلەرىمەن كەلىسسوزدەر بارىسىندا ءبىرجان نۇرىمبەتوۆ قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ سايلاۋالدى باعدارلاماسىندا بەلگىلەنگەن نەگىزگى مىندەتتەردىڭ ءبىرى مۇگەدەكتەرگە كورسەتىلەتىن الەۋمەتتىك قىزمەتتەردىڭ ساپاسىن جاقسارتۋ جانە ولاردىڭ قول جەتىمدىلىگىن قامتاماسىز ەتۋ ەكەنىن اتاپ ءوتتى. مەملەكەت باسشىسى «سىندارلى قوعامدىق ديالوگ - قازاقستاننىڭ تۇراقتىلىعى مەن گۇلدەنۋىنىڭ نەگىزى» اتتى جولداۋىندا ەرەكشە قاجەتتىلىكتەرى بار ادامدار ءۇشىن تەڭ مۇمكىندىكتەر جاساۋعا ەرەكشە نازار اۋداردى.
«وسى جىلعى مامىر ايىندا مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى 2025 جىلعا دەيىنگى جاڭا ۇلتتىق جوسپار قابىلداندى. وعان الەۋمەتتىك قورعاۋ, ءبىلىم بەرۋ, دەنساۋلىق ساقتاۋ جانە الەۋمەتتىك قىزمەتكەرلەردىڭ بىلىكتىلىگىن ارتتىرۋدىڭ كەشەندى شارالارى كىرەدى. ءبىزدىڭ بۇگىنگى باستى مىندەتىمىز - ۇلت جوسپارىنىڭ ءىس-شارالارىن بارلىق دەڭگەيدە ساپالى ىسكە اسىرۋ, مۇگەدەكتىگى بار ادامداردى تەحنيكالىق قۇرالدارمەن جانە وڭالتۋ قىزمەتتەرىمەن قامتاماسىز ەتۋ. ولاردىڭ ءومىر ءسۇرۋ ساپاسىن ارتتىرۋ, تاۋەلسىزدىككە قول جەتكىزۋ, الەۋمەتتىك جانە كاسىبي قابىلەتتەرىن ساقتاۋ جانە ولاردى ءومىردىڭ بارلىق سالالارىنا ەنگىزۋ قاجەت », - دەدى مينيستر.
سونداي-اق ءبىرجان نۇرىمبەتوۆ الماتى قالاسىنىڭ حالىقتى جۇمىسپەن قامتۋ ورتالىعىندا بولىپ, ۆوكزال ماڭى الاڭىندا ورنالاسقان ءموبيلدى جۇمىسپەن قامتۋ ورتالىعىنىڭ جۇمىسىمەن تانىستى. جۇمىسپەن قامتۋ ورتالىعى قىزمەتكەرلەرىنىڭ الدىندا سويلەگەن سوزىندە ەڭبەكمينىنىڭ باسشىسى حالىقتى جۇمىسپەن قامتۋدى قامتاماسىز ەتۋ مينيسترلىك ءۇشىن عانا ەمەس, جەرگىلىكتى اتقارۋشى ورگاندار ءۇشىن دە ماڭىزدى مىندەتتەردىڭ ءبىرى بولىپ تابىلاتىنىن اتاپ ءوتتى.
«قابىلدانعان شارالاردىڭ ناتيجەسىندە بۇگىن ەلدەگى جۇمىسسىزدىق دەڭگەيى 4,8%-دان اسپايدى. الايدا قول جەتكىزىلگەن ناتيجەلەرمەن توقتالىپ قالماۋىمىز قاجەت. مەملەكەت باسشىسى ءوز جولداۋىندا بيزنەستى قولداۋدىڭ جاڭا نىساندارىن بەلسەندى تۇردە ەنگىزۋ قاجەتتىگىن, ەڭ الدىمەن, كوپ بالالى جانە تابىسى از وتباسىلار ءۇشىن وتباسىلىق بيزنەس قۇرۋعا الەۋمەتتىك اسپەكتىلەرگە باسا نازار اۋدارۋ قاجەت ەكەنىن اتاپ ءوتتى.
2017 جىلدان باستاپ قازاقستاندا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ «ەڭبەك» مەملەكەتتىك باعدارلاماسى جۇزەگە اسىرىلۋدا, ونىڭ باعىتتارىنىڭ ءبىرى - ميكروكرەديتتەر, سونداي-اق قايتارىمسىز نەگىزدە مەملەكەتتىك گرانتتار بەرۋ ەسەبىنەن ازاماتتاردىڭ كاسىپكەرلىك باستاماشىلىعىن دامىتۋ بولىپ تابىلادى. بۇل جۇمىستى جانداندىرۋ قاجەت, سونىمەن قاتار ازاماتتاردى باسقا باعىتتاعى ىسكە اسىرۋ شارالارىمەن قامتۋ, ياعني, جۇمىسسىزداردى مۇمكىندىگىنشە قوعامدىق جۇمىسقا تارتۋ, ولاردى قىسقا مەرزىمدى وقۋ كۋرستارىنا جىبەرۋ, الەۋمەتتىك جۇمىس ورىندارىن قۇرۋ, وقۋ ورىندارىنىڭ تۇلەكتەرىنە العاشقى كاسىبي تاجىريبەلەرىن الۋ ءۇشىن جاستار پراكتيكاسىن ۇسىنۋ كەرەك», - دەدى نۇرىمبەتوۆ.
كەزدەسۋ سوڭىندا مينيستر جۇمىسپەن قامتۋ ورتالىعى تابىسى از وتباسىلاردىڭ ەڭبەككە قابىلەتتى مۇشەلەرىن بەلسەندى جۇمىسپەن قامتۋعا بارلىق كۇش-جىگەرىن جۇمساۋ كەرەكتىگىن ايتتى.
