ايماقتار • 18 قىركۇيەك، 2019

پەداگوگيكالىق ۋنيۆەرسيتەت ءبىر جىلعى جۇمىسىنا ەسەپ بەردى

72 رەتكورسەتىلدى

اباي اتىنداعى ۋنيۆەرسيتەتكە تۇسەتىن ستۋدەنتتەردىڭ سانى جىل سايىن ارتىپ كەلەدى. بيىل  4381 ستۋدەنت وقۋعا قابىلدانسا، بۇل كورسەتكىش 2018 جىلمەن سالىستىرعاندا 20 پايىزعا ارتقان. باكالاۆر بويىنشا وقۋعا قابىلدانعاندار سانى 3745-ءتى قۇراسا، كورسەتكىش 2018 جىلى 2715 ادامدى قۇراعان.

جۇرتشىلىق الدىندا ەسەپ بەرگەن ۋنيۆەرسيتەت رەكتورى تاحير بالىقباەۆ وسىنداي مالىمەتتەردى العا تارتىپ، ءبىر جىل ىشىندە پەداگوگيكالىق ورنى قانداي جەتىستىكتەرگە جەتتى، ءبىلىم ساپاسى قانداي دارەجەدە كورىنىس بەردى دەگەن ساۋالدارعا ناقتى كورسەتكىشتەرمەن جاۋاپ بەردى.

كەزدەسۋ بارىسىندا م.اۋەزوۆ اتىنداعى ادەبيەت جانە ونەر اتىنداعى ينستيتۋتتىڭ ديرەكتورى كەنجەحان ماتىجانوۆ، اسكەري عىلىمدار دوكتورى، قوعام قايراتكەرى، پروفەسسور  كيم سەرىكباي، پەداگوگيكالىق عىلىمدار اكادەمياسىنىڭ پرەزيدەنتى اسقاربەك قۇسايىنوۆ،  ماتەماتيكا جانە فيزيكا مەكتەبىنىڭ ديرەكتورى  الماز كۇنعوجين، ت.ب. عالىمدار مەن وقىتۋشىلار قاتىستى. 

«بۇگىندە اباي اتىنداعى قازاق ۇلتتىق پەداگوگيكالىق ۋنيۆەرسيتەتى قازاقستانداعى  پەداگوگيكالىق جوعارى وقۋ ورىندارىنىڭ كوشباسشىسى بولىپ وتىر. وعان مىنا تومەندەگى جەتىستىكتەرىمىز دالەل. ۋنيۆەرسيتەت ءبىلىم بەرۋدەگى ساپانى قامتاماسىز ەتۋ جونىندەگى تاۋەلسىز اگەنتتىكتىڭ (ناوكو) ء«بىلىم» باعىتى بويىنشا ينستيتۋتسيونالدىق رەيتينگىسىندە 1 ورىن الدى. قازاقستان جوعارى وقۋ ورىندارى قر – 2019 تاۋەلسىز ۇلتتىق رەيتينگىسىندە (ناار) 5-ورىنعا شىقتى. 31- ءبىلىم بەرۋ باعدارلامالارى تاۋەلسىز ۇلتتىق رەيتينگىسىندە توپ -3 قاتارىنا ەندى.

حالىقارالىق رەيتينگىلەر بويىنشا: QS World University Ranking-2020 رەيتينگىسىندە 561-ورىن، قازاقستاندىق جوعارى وقۋ ورىندارى اراسىندا 4-ورىن الدى، ال «QS EECA-2020» رەيتينگىسىندە 103 ورىنعا جايعاستىق.Webometrics Ranking of World Universities (قاڭتار 2019) رەيتينگىسىندە قازاقستاندىق جوعارى وقۋ ورىندارى اراسىندا 4-ورىن (2018 جىلى – 15 ورىن)، ال پەداگوگيكالىق جوعارى وقۋ ورىندارى اراسىنان – 1 ورىندى الدىق. Web of Scicnce رەيتينگىسى بويىنشا قازاقستان رەسپۋبليكاسى پەداگوگيكالىق جوعارى وقۋ ورىندارى  اراسىندا 1-ورىنعا شىقتىق» دەپ اتاپ ءوتتى تاحير بالىقباەۆ.

2019 جىلى 1 كۋرسقا قابىلدانعاندار ىشىندە 316 «التىن بەلگى» يەگەرلەرى بار، ونىڭ 185 ء–ى پەداگوگيكالىق ماماندىقتار بويىنشا (59%)، 182 ۇزدىك اتتەستات يەگەرلەرى، ونىڭ 111-ءى پەداگوگيكالىق ماماندىقتار (61%)، 47 ۇزدىك ديپلوم يەگەرلەرى، ونىڭ ىشىندە 33 پەداگوگيكالىق ماماندىق بويىنشا (70%).

ءبىلىم ساپاسىنا كەلەر بولساق، ۆوۋد-2019-دىڭ ورتاشا  بالى 86 بولدى، ال رەسپۋبليكا بويىنشا ورتاشا كورسەتكىش 84 بالل بولعان ەدى. 12 ستۋدەنت قر پرەزيدەنتىنىڭ ستەپەندياسىن الدى. 203 ءبىلىم الۋشى وقۋدى ۇزدىك ديپلوممەن بىتىرگەن. 2018/2019 وقۋ جىلىندا ۇلگەرىم باكالاۆرياتتا 78 پايىز، ماگيستراتۋرادا 85 پايىز بولدى.  2019 جىلى 1800 تۇلەك ءبىتىردى، بۇل 2018 جىلى 1934 بولاتىن. بىتىرۋشىلەردىڭ 97 پايىزى جۇمىسقا ورنالاستىرىلدى. 2018 جىلى بۇل كورسەتكىش 95  پايىزدى قۇراعان. جۇمىس بەرۋشىلەر تاراپىنان بوس ورىن جارمەڭكەسىندە 120 تۇلەك جۇمىسقا ورنالاستىرىلدى. (2018 ج -72).

بۇگىندە ۋنيۆەرسيتەتتىڭ قۇرىلىمىندا 7 ءپروفيلدى ينستيتۋت، ءبىر شەتەلدىك ازاماتتارعا جانە جوعارى وقۋ ورنىنا دەيىنگى ءبىلىم بەرۋ فاكۋلتەتى، 30 كافەدرا، اسكەري كافەدرا، «يۋنەسكو» كافەدراسى جۇمىس ىستەيدى. يننوۆاتسيالىق پارك 8 عىلىمي ورتالىقتى بىرىكتىرىپ وتىر. وتكەن وقۋ جىلىندا جاڭادان «قازاقستان حالقى اسسامبلەياسى» كافەدراسى، پەداگوگيكالىق  STEM-پارك، مەدياتسيا ورتالىعى، «Smart students» كوۆوركينگ ورتالىعى، سoll-ورتالىعى اشىلدى. ۋنيۆەرسيتەتتىڭ بايقاۋ كەڭەسىندە 13 مامان بار، ونىڭ 3-ءى تاۋەلسىز بايقاۋشىلار. كەڭەستىڭ توراعاسى تۇڭعىش پرەزيدەنت – ەلباسى كەڭسەسىنىڭ باسشىسى – ماحمۇت قاسىمبەكوۆ.

بايقاۋ كەڭەسىندە ۋنيۆەرسيتەتتىڭ 2025 جىلعا دەيىنگى كەزەڭگە ارنالعان دامۋ ستراتەگياسىن بەكىتۋ جانە ونىڭ ورىندالۋ بارىسىنا قاتىستى وزەكتى ماسەلەلەر قارالعان بولاتىن.

اباي اتىنداعى قازۇپۋ-دىڭ «مانساپ» جەدەل قوسىمشاسى جۇمىس ىستەيدى. كادر ماسەلەسىنە توقتالاتىن بولساق، ۋنيۆەرسيتەتتە 915 پروفەسسور-وقىتۋشىلار جۇمىس ىستەيتىن بولسا، ونىڭ 819-ى شتاتتىق (89%) پروفەسسور-وقىتۋشىلار، عىلىمي دارەجەسى بار پروفەسسور-وقىتۋشىلار قۇرامىنىڭ ورتا جاسى – 51، پروفەسسور-وقىتۋشىلار قۇرامىنىڭ رەيتينگىسىندە جوعارى كورسەتكىشكە جەتكەن 71 وقىتۋشى ۇستەمە اقى الىپ وتىر. ۋنيۆەرسيتەت پروفەسسور-وقىتۋشىلار قۇرامىنىڭ ىشىندە 13 قر ۇلتتىق عىلىم اكادەمياسىنىڭ اكادەميكتەرى مەن كوررەسپوندەنت- مۇشەلەرى، 24 ءارتۇرلى قوعامدىق اكادەميالاردىڭ مۇشەلەرى، 17 شىعارماشىلىق وداقتارىنىڭ مۇشەلەرى، 8 ەڭبەك سىڭىرگەن جاتتىقتىرۋشى، 14 سپورت شەبەرلەرى، 137 اعىلشىن ءتىلدى وقىتۋشىلار ەڭبەك ەتەدى.

2018 جىلى قر جوعارى وقۋ ورىندارى پروفەسسور-وقىتۋشىلار قۇرامىنىڭ باس رەيتينگىسىندە (توپ-50) «حيميا» كافەدراسىنىڭ پروفەسسورى، حيميا عىلىمدارىنىڭ دوكتورى، قر ۇعا اكادەميگى  بەكتۇروۆ ەسەن ابىكەن ۇلى 8 ورىن، «فيزيكا» كافەدراسىنىڭ مەڭگەرۋشىسى، فيزيكا-ماتەماتيكا عىلىمدارىنىڭ دوكتورى، پروفەسسور، قر ۇعا كوررەسپوندەنت-مۇشەسى كوسوۆ ۆلاديمير نيكولاەۆيچ 24 ورىن الدى. 2018 جىلى قازاقستان عالىمدارى اراسىندا «Scopus» يندەكسى بويىنشا زاڭ عىلىمدارىنىڭ دوكتورى، پروفەسسور حامزينا جاننا امانگەلدىقىزى جانە «قۇقىقتانۋ» كافەدراسىنىڭ مەڭگەرۋشىسى، زاڭ عىلىمدارىنىڭ دوكتورى، پروفەسسور بورىباەۆ ەرمەك ءابىلتاي ۇلى الەۋمەتتىك عىلىمدار سالاسىنداعى ۇزدىك زەرتتەۋشىلەر اتاندى.

الماتى

سوڭعى جاڭالىقتار

ەگەمەندىكتەر ەلگە شىقتى

قازاقستان • بۇگىن، 11:19

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

ۇقساس جاڭالىقتار