وسى رەتتە اعىمداعى جىلى جالپى ۇزىندىعى 4,4 مىڭ شاقىرىمدى قۇرايتىن رەسپۋبليكالىق ماڭىزى بار اۆتوموبيل جولدارىنىڭ قۇرىلىسى مەن جوندەلۋىنە قاتىستى 24 جوبانى جۇزەگە اسىرۋ جۇمىستارى جالعاستىرىلۋدا. بۇل ماقساتتارعا 213 ملرد تەڭگە قاراستىرىلعان.
2019 جىلدىڭ قورىتىندىلارىنا سايكەس قازاقستانداعى جولداردىڭ 641 شاقىرىمىندا قوزعالىس اشىلادى دەپ جوسپارلانعان. جۇمىستار «نۇر-سۇلتان – پاۆلودار», «ششۋچە – زەرەندى», «بەينەۋ – اقجىگىت», «جەتىباي – جاڭاوزەن», «تاسكەسكەن – باقتى», «تەمىرتاۋ – قاراعاندى» ۋچاسكەلەرىندە تولىقتاي اياقتالماق.
سونداي-اق «نۇرلى جول» باعدارلاماسىن جالعاستىرۋ اياسىندا 2020 جانە 2026 جىلدار ارالىعىندا جالپى ۇزىندىعى 7 مىڭ شاقىرىمدى قۇرايتىن جولداردىڭ قۇرىلىسى مەن جوندەلۋىنە قاتىستى 13 جوبا جۇزەگە اسىرىلادى دەپ جوسپارلانۋدا.
اتالمىش شارالار جاقسى جانە قاناعاتتاندىرارلىق جاعدايداعى رەسپۋبليكالىق ماڭىزى بار جولداردىڭ ۇلەسىن 2025 جىلعا قاراي 100%-عا جەتكىزۋگە مۇمكىندىك بەرەدى.
مۇنىمەن قوسا, جەرگىلىكتى جول جەلىلەرىن سالۋ, قايتا قالپىنا كەلتىرۋ جانە جوندەۋدى قارجىلاندىرۋدىڭ 200 ملرد تەڭگەگە دەيىن ۇلعايتىلعاندىعىن اتاپ ءوتۋ كەرەك. وسىلايشا 2025 جىلدىڭ سوڭىنا دەيىن جاقسى جانە قاناعاتتاندىرارلىق جاعدايداعى جەرگىلىكتى جولداردىڭ ۇلەسى 2025 جىلعا قاراي 95% قۇرايتىن بولادى.
ەسكە سالايىق, قازاقستانداعى اۆتوموبيل جولدارىنىڭ جالپى ۇزىندىعى 95 مىڭ شاقىرىمدى قۇرايدى. ونىڭ 24,4 مىڭ شاقىرىمى – رەسپۋبليكالىق ماڭىزى بار جولدار, 70,6 مىڭ شاقىرىمى – جەرگىلىكتى جولدار.
