17 قىركۇيەكتە بۇۇ-نىڭ جول قاۋىپسىزدىگى جونىندەگى ارنايى وكىلى جان تودتىڭ الماتى قالاسىنا ساپارى ءوتتى. ساپار بارىسىندا ول بۇۇ-نىڭ جاڭا عيماراتىن ارالادى جانە بۇل بۇۇ وكىلىنىڭ جاڭا عيماراتقا وسىنداي دارەجەدەگى العاشقى كەلۋى بولىپ تابىلادى. عيماراتتى ارالاۋ بارىسىندا بۇۇ-نىڭ ارنايى وكىلى قازاقستان رەسپۋبليكاسىنىڭ جاڭا عيمارات نەگىزىندە بۇۇ وڭىرلىك حابىن قۇرۋ تۋرالى باستاماسىمەن تانىستىرىلدى جانە وسى باستامانى ول وڭ قابىلدادى.
ونىڭ پىكىرىنشە, قازاقستان ۇيىمنىڭ ماڭىزدى سەرىكتەسى بولىپ تابىلادى جانە جول قاۋىپسىزدىگىن جاقسارتۋ ماقساتىندا جاھاندىق سەرىكتەستىكتى دامىتۋعا كۇش سالادى. سونداي-اق, قازاقستان ورنىقتى دامۋ ماقساتتارىننىڭ ىسكە اسىرۋىن تەك ءوزىنىڭ ەلىندە عانا ەمەس, سونىمەن بىرگە ورتالىق ازيا وڭىرىنە دە نازار اۋدارادى.
بۇۇ عيماراتىنان كەيىن ج.تودت الماتى قالاسىنىڭ اكىمى باقىتجان ساعىنتاەۆپەن, سودان كەيىن №90 ورتا مەكتەپتىڭ نەگىزىندەگى ورتا ءبىلىم وكىلدەرىمەن كەزدەستى.
