– «نۇرلى جول» ينفراقۇرىلىمدىق دامۋ جانە «وڭىرلەردى دامىتۋ» مەملەكەتتىك باعدارلامالارى شەڭبەرىندەگى جوبالاردىڭ جۇزەگە اسىرىلۋىن, ەنەرگيا ساقتاۋ جانە تسيفرلاندىرۋ سالالارىنداعى مەملەكەتتىك-جەكە مەنشىك ارىپتەستىك ماسەلەلەرىن باقىلاۋعا الۋ قاجەت. جۇمىس وتە كوپ, سوندىقتان وسى سالالار ءسىزدىڭ نازارىڭىزدا بولۋ ىقاجەت, - دەدى ايماق باسشىسى.
سونىمەن قاتار وبلىس اكىمى دەنساۋلىق ساقتاۋ باسقارماسى باسشىسىنىڭ ورىنباسارى كۇزەكوۆ ارداق پەن وبلىس اكىمى اپپارات باسشىسىنىڭ ورىنباسارى بولىپ تاعايىندالعان مۇقانوۆ ساياندى تانىستىردى.
مۇرات ابىلقالىقوۆ 1988 جىلى دۇنيەگە كەلگەن. «جىلۋ ەنەرگەتيكاسى» جانە «ەكونوميكا» ماماندىقتارى بويىنشا ەكى جوعارى ءبىلىمى بار. ول 2009-2014 جىلدار ارالىعىندا يندۋستريا جانە جاڭا تەحنولوگيالار مينيسترلىگىنىڭ ەلەكتر ەنەرگەتيكاسى جانە كومىر ونەركاسىبى دەپارتامەنتى ەلەكتر ەنەرگەتيكاسىن دامىتۋ باسقارماسىنىڭ ساراپشىسى بولىپ جۇمىس ىستەدى. 2014 جىلعى قاڭتار مەن 2015 جىلعى شىلدە ارالىعىندا پاۆلودار وبلىسى ەنەرگەتيكا باسقارماسى ەنەرگومەنەدجمەنت ءبولىمىنىڭ باسشىسى لاۋازىمىن اتقاردى. جاڭا تاعايىنداۋعا دەيىن ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى باسشىسىنىڭ ورىنباسارى بولىپ قىزمەت ەتتى. وعان دەيىن بۇل ۆەدومستۆونى جاقىندا عانا ەكىباستۇز قالاسىنىڭ اكىمى بولىپ تاعيىندالعان ەرجان يمانزايىپوۆ باسقارعان ەدى.
