قازاقستان مۇسىلماندارى ءدىني باسقارماسى جانىنداعى «زەكەت» قورىنىڭ وسكەمەن ايماقتىق ءبولىمىنىڭ ۇيىتقى بولۋىمەن ۇلان اۋدانى اسۋبۇلاق اۋىلىندا تۇراتىن جالعىزباستى انا ءاسيا قاليەۆاعا 4 بولمەلى ءۇيدىڭ كىلتى تابىس ەتىلدى. يگى شاراعا وبلىستىق «حاليفا التاي» مەشىتى مەن «زەكەت» قورىنىڭ وكىلدەرى, ۇلان اۋدانى اكىمدىگىنىڭ قىزمەتكەرلەرى مەن كاسىپكەرلەر, اۋىل تۇرعىندارى قاتىستى. «قازاقستان مۇسىلماندارى ءدىني باسقارماسى «ەل ۇلەسى – پاتەرگە» اكتسياسىن جاريالاعان بولاتىن. اكتسيانىڭ ناتيجەسىندە ەل كولەمىندە قىسقا مەرزىم ىشىندە 125 وتباسى باسپانالى بولىپ جاتىر. بۇل ءۇي شىعىس وڭىرىندە بەرىلىپ جاتقان 5-ءشى باسپانا, ءبىز باسپاناعا مۇقتاج وسى وتباسىنى ادەيى تاڭداپ, اللا رازىلىعى ءۇشىن قايىرىمدىلىق شاراسىن قولعا الىپ وتىرمىز» دەيدى «زەكەت» قورىنىڭ وسكەمەن ايماعى بويىنشا وكىلى امانبول قۋات ۇلى.
شىعىس قازاقستان وبلىسى,
ۇلان اۋدانى
