قازاقستان پرەزيدەنتىنە وبلىستىڭ الەۋمەتتىك-ەكونوميكالىق دامۋىنىڭ نەگىزگى كورسەتكىشتەرى مەن اگروونەركاسىپ كەشەنىنىڭ كەلەشەگى تۋرالى مالىمەت بەرىلدى. سونداي-اق قاسىم-جومارت توقاەۆقا ءداندى جانە مايلى داقىلداردىڭ جاڭا سۇرىپتارى كورسەتىلدى.
مەملەكەت باسشىسى مەحانيزاتورلارمەن اڭگىمەلەسكەندە اۋىل شارۋاشىلىعى القاپتارىن ءتيىمدى پايدالا-
نۋدىڭ ماڭىزدىلىعىن اتاپ ءوتىپ, مەملەكەت تاراپىنان اگروونەركاسىپ كەشەنىن وركەندەتۋگە باسا ءمان بەرىلىپ وتىرعانىن ايتتى.
– مەملەكەتىمىز ءۇشىن سىزدەردىڭ ەڭبەكتەرىڭىزدىڭ ءمانى زور. ۇكىمەت فەرمەرلەرگە جان-جاقتى قولداۋ كورسەتەدى, اۋىلدىڭ ءومىر ءسۇرۋ ساپاسىن ارتتىرۋ جونىندە شارالار قابىلدايتىن بولادى, – دەدى پرەزيدەنت.
كەزدەسۋ سوڭىندا قاسىم-جومارت توقاەۆ ديقاندارعا اۋا رايىنىڭ جاقسى جانە ءونىمنىڭ مول بولۋىن تىلەدى.
مەملەكەت باسشىسى بۇدان كەيىن جاقسى اۋىلىنداعى ت.ۋاليەۆ اتىنداعى سپورت مەكتەبىن ارالاپ كوردى.قازاقستان پرەزيدەنتىنە كۇرەس, بوكس جانە فۋتبول سپورتىنا ارنالعان زالدار كورسەتىلدى. قازىرگى ۋاقىتتا جاقسى اۋدانىنىڭ 170 وقۋشىسى بوكس, گرەك-ريم كۇرەسى جانە فۋتبول سەكتسيالارىندا سپورتپەن شۇعىلدانادى.
بۇل سپورت مەكتەبى ءوز تاريحىندا 4800 سپورتشىنى, سونىڭ ىشىندە قازاقستان رەسپۋبليكاسىنىڭ ەڭبەك سىڭىرگەن جانە حالىقارالىق دارەجەدەگى سپورت شەبەرلەرىن دايىنداپ شىعاردى. مەملەكەت باسشىسى گرەك-ريم كۇرەسىنەن وليمپيادا چەمپيونى يۋري مەلنيچەنكومەن جانە سپورت مەكتەبىنىڭ تاربيەلەنۋشىلەرىمەن اڭگىمەلەسۋ بارىسىندا اۋىلداعى بۇقارالىق سپورتتى دامىتۋدىڭ ماڭىزدىلىعىن اتاپ ءوتتى.
مەملەكەت باسشىسى سونداي-اق «ۋروجاي» جشس-ءنىڭ اگروونەركاسىپ كەشەنىندە بولدى.
قاسىم-جومارت توقاەۆقا كومپانيانىڭ قىزمەتى, ديىرمەن كەشەنىنىڭ, ەلەۆاتوردىڭ, كومبيكورم زاۋىتىنىڭ جانە نان-توقاش ونىمدەرىن شىعارۋ جونىندەگى ءوندىرىس نىساندارىنىڭ جۇمىسى تۋرالى مالىمەت بەرىلدى.
قازاقستان پرەزيدەنتىنە اگروكاسىپورىندا قۋاتى جونىنەن جىلىنا 12 مىڭ توننا ءتۇرلى جارمالار مەن جىلدام دايىندالاتىن س ۇلى قاۋىزدارىن ءوندىرۋدىڭ جاڭا تەحنولوگيالىق ۇدەرىسى, سونداي-اق دايىن ءونىمنىڭ ۇلگىلەرى كورسەتىلدى.
مەملەكەت باسشىسى اگرارشىلاردىڭ نازارىن مەملەكەت بولگەن اۋىل شارۋاشىلىعى سۋبسيديالارىن ءتيىمدى پايدالانۋ قاجەتتىگىنە اۋداردى.
