نۇر-سۇلتاندا جاھاندىق يننوۆاتسيالىق سامميت باستالدى

- بۇل كەزدەسۋ ءبىزدىڭ فورۋم اياسىندا 10 رەت كەزدەسۋىمىز. نۇر-سۇلتان قالاسى وسى كەزدەسۋگە وتە جاقسى، قولايلى قالا، سەبەبى قازاقستان قازىرگى تاڭدا ءومىردىڭ بارلىق سالالارىن قامتيتىن ترانسفورماتسيالىق پروتسەستەردىڭ جۇرەگى بولىپ تابىلادى، - دەدى GFCC پرەزيدەنتى دەبورا ل. ۆينس سميت.

پرەمەر-ءمينيستردىڭ ءبىرىنشى ورىنباسارى - قارجى ءمينيسترى ا. سمايىلوۆ دۇنيەجۇزىلىك بانكتىڭ Doing Business رەيتينگىسىندە قازاقستان 28-ءشى ورىنعا كوتەرىلگەنىن، جاھاندىق باسەكەگە قابىلەتتىلىك يندەكسىندە ەلىمىز 59-شى ورىنعا يە بولعانىن اتاپ ءوتتى. ءسامميتتىڭ تاڭدالعان تاقىرىبىنىڭ وزەكتىلىگى تۋرالى ايتا كەلە، تۇڭعىش پرەزيدەنت – ەلباسى قورىنىڭ اتقارۋشى ديرەكتورى ءا. يسەكەشەۆ سوڭعى ونجىلدىقتا بولعان ءومىردىڭ ءتۇرلى سالالارىنداعى ەلەۋلى «ىلگەرىلەۋلەردى» اتاپ ءوتتى.

- قازاقستان تۇڭعىش پرەزيدەنتى قورىنىڭ ميسسياسى – ەلدىڭ تۇراقتى دامۋىنا جانە ۇلتىمىزدىڭ باسەكەگە قابىلەتتى بولۋىنا ىقپال ەتۋ. ەلباسىنىڭ تاپسىرماسى بويىنشا بىرنەشە جوبانى ىسكە قوسامىز. ولاردىڭ ءبىرى-ەلىمىزدىڭ باسەكەگە قابىلەتتىلىك قاسيەتىن ارتتىرۋ، تۇراقتى ينكليۋزيۆتى ءوسۋدىڭ الەۋمەتتىك-ەكونوميكالىق مودەلى بويىنشا مەملەكەت ءۇشىن ۇسىنىستار ازىرلەۋ جانە دە عىلىمي - پراكتيكالىق زەرتتەۋلەر جۇرگىزۋ، - دەدى ءا. يسەكەشەۆ.

ءا. يسەكەشەۆ نۇر-سۇلتان، الماتى جانە شىمكەنت سىندى ءىرى قالالار ءاردايىم تالانتتاردىڭ ورتالىعى ەكەندىگىن اسا اتاپ ءوتتى. ال ەلوردامىز نۇر-سۇلتان قالاسى تالانتتار ءۇشىن ەڭ وزىق ورتالىق رەتىندە تانىلعانىن ايتتى.

- ەلباسىنىڭ شەشىمىنىڭ ارقاسىندا قالا العاشقى ترانسفورماتسيادان ءساتتى ءوتتى. حالىق سانى 3،5 ەسەگە ارتىپ، قازىرگى تاڭدا 1 ملن ادامنان استى. قازاقستان پرەزيدەنتى قاسىم-جومارت توقاەۆ قالانىڭ ودان ءارى دامۋىنا ۇلكەن ءمان بەرەدى. بۇگىندە نۇر-سۇلتان قازىرگى زامانعى يننوۆاتسيالاردى: ءبىلىم بەرۋ، مەديتسينالىق جانە سپورت كلاستەرىن قامتيتىن ورىن بولىپ تابىلادى. سونداي - اق نازارباەۆ ۋنيۆەرسيتەتى، ەكسپو، «استانا» حالىقارالىق قارجى ورتالىعى جانە باسقا دا ماڭىزدى نىساندارى بار باستى قالاعا اينالدى، - دەدى ەلوردا اكىمى ا. كولگىنوۆ.

سونىمەن، قالانىڭ باسەكەگە قابىلەتتىلىگىن ارتتىرۋ ماقساتىندا 5 نەگىزگى قۇرالدى پايدالانۋ جوسپارلانىپ وتىر: احقو پلاتفورماسى، يننوۆاتسيالىق ەكوجۇيەنى قۇرۋ، تسيفرلاندىرۋدى كۇشەيتۋ، وڭىرلىك ينتەگراتسيالىق بىرلەستىكتەردىڭ ارتىقشىلىقتارى (جاڭا جىبەك جولى، ەاەو، شىۇ)، سونداي-اق گەوگرافيالىق جاعدايدىڭ كولىكتىك-لوگيستيكالىق الەۋەتى. سامميتكە قاتىسۋشىلار مەملەكەت جۇرگىزىپ وتىرعان رەفورمالارعا قاتىستى وڭ پىكىر ءبىلدىردى، باسەكەگە قابىلەتتىلىك جونىندەگى جاھاندىق كەڭەس فەدەراتسياسىنىڭ اتقارۋشى ديرەكتورى ر. الۆارەز قازاقستان - وا-داعى اسا سەرپىندى دامىپ كەلە جاتقان مەملەكەتتەردىڭ ءبىرى ەكەنىن ايتتى.