«اسا ماڭىزدى ماسەلەلەردىڭ ءبىرى – اۋىلدى كەشەندى تۇردە دامىتۋ. اۋىلدارعا ناقتى قولداۋ كورسەتىپ, زاماناۋي ينفراقۇرىلىمدى دامىتۋىمىز كەرەك. ەلىمىزدە 6,5 مىڭنان استام اۋىلدىق ەلدى مەكەن بار. حالىقتىڭ 40 پايىزدان استامى سوندا تۇرادى. سولاردىڭ 85 پايىزى نەگىزگى ەلدى مەكەندەردە نەمەسە جاقىن ماڭداعى سەرىكتەس اۋىلداردا قونىستانعان. ۇكىمەت ءوڭىر اكىمدەرىمەن بىرلەسىپ, تىرەكتى ەلدى مەكەندەردى دامىتۋ ماسەلەلەرىن مۇقيات قاراۋى كەرەك. ولار لايىقتى ينفراقۇرىلىمعا جانە زاماناۋي تالاپتارعا ساي جاڭعىرتىلۋى قاجەت. بۇل ءۇشىن, ارينە, جايلى جولدار, قولجەتىمدى بايلانىس پەن ينتەرنەت, زاماناۋي ءبىلىم بەرۋ, دەنساۋلىق ساقتاۋ, مادەنيەت جانە سپورت نىساندارى قاجەت», دەدى قاسىم-جومارت توقاەۆ.
