تابيعي مونوپوليالاردى رەتتەۋ كوميتەتىنە جاڭا توراعا تاعايىندالدى

ا. دارباەۆ 1984 جىلى اقمولا وبلىسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن، ت. رىسقۇلوۆ اتىنداعى قازاق ەكونوميكا ۋنيۆەرسيتەتىن، پرەزيدەنت جانىنداعى مەملەكەتتىك باسقارۋ اكادەمياسىن، Warwick ۋنيۆەرسيتەتىن («بولاشاق» باعدارلاماسىنىڭ ستيپەندياتى) تامامداعان.

ەڭبەك جولىن 2005 جىلى قارجى مينيسترلىگىنىڭ قۇرىلىمىندا باستاعان. ءتۇرلى جىلدارى «باسەكەلى ساياساتتى دامىتۋ جانە قورعاۋ ورتالىعىندا»، الماتى وبلىسى بويىنشا مونوپولياعا قارسى باسقارمادا باسەكەلەستىكتى قورعاۋ ءبولىمىنىڭ باس مامانى، باسشىسى قىزمەتتەرىن اتقارعان. 

2013-2014 جىلدارى باسەكەلەستىكتى قورعاۋ اگەنتتىگىندە كۆازيمەملەكەتتىك سەكتور جانە تۇتىنۋشىلاردىڭ قۇقىقتارىن قورعاۋ دەپارتامەنتى ديرەكتورىنىڭ ورىنباسارى، مەملەكەتتىك كاسىپورىندار مەن قوسىلۋلارىن باقىلاۋ دەپارتامەنتىنىڭ ديرەكتورىنىڭ ورىنباسارى بولدى. 

2014-2015 جىلدارى ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ مەملەكەتتىك كاسىپورىندار مەن قوسىلۋلارىن باقىلاۋ باسقارماسىن باسقاردى. 

2015-2017 جىلدارى — قر ۇەم تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ توراعاسىنىڭ ورىنباسارى. 2017 جىلدان باستاپ قازىرگە دەيىن قر ۇەم تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتى توراعاسىنىڭ ورىنباسارى بولىپ ەڭبەك ەتتى.