ەكونوميكا • 17 قىركۇيەك، 2019

رۋسلان دالەنوۆ: قازاقستان «Doing Business» رەيتينگىندە 28-ورىندا

39 رەتكورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا دۇنيەجۇزىلىك بانكتىڭ «Doing Business» رەيتينگىندەگى جانە باسقا دا حالىقارالىق رەيتينگتەردەگى قازاقستاننىڭ پوزيتسيالارىن جاقسارتۋ شارالارى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ۇلتتىق ەكونوميكا ءمينيسترى ر. دالەنوۆ «Doing Business» بيزنەستى جۇرگىزۋ جەڭىلدىگى رەيتينگىندە قازاقستان 2019 جىلى الەمنىڭ 140 ەلىنىڭ ىشىندە 28-ورىندى العانىن اتاپ ءوتتى.

ء«بىز ءوزىمىزدىڭ الدىمىزعا 2025 جىلى العاشقى جيىرما ەلدىڭ قاتارىنا كىرۋگە ماقسات قويىپ وتىرمىز. بۇگىنگى كۇنى بۇل فينليانديا، اۆستراليا جانە لاتۆيا سەكىلدى ەلدەردىڭ دەڭگەيى»، دەدى مينيستر.

قازاقستاننىڭ وڭىرلەرى بولىنىسىندە، بيزنەستى جۇرگىزۋ جاعدايلارى بويىنشا الماتى، اقتاۋ جانە اقتوبە قالالارى كوش باستاپ تۇر. 

ر. دالەنوۆتىڭ ايتۋىنشا، ساۋدا جانە كولىك ينفراقۇرىلىمىنىڭ دامۋ دەڭگەيى دۇنيەجۇزىلىك بانكتىڭ LPI (Logistics Performance Index) رەيتينگىمەن ولشەنەدى. يندەكس ەلدەردىڭ ساۋدا لوگيستيكاسىن دامىتۋداعى سىن-قاتەرلەر مەن مۇمكىندىكتەرىن ايقىنداۋعا جاردەمدەسەدى.

«قازاقستان بۇل رەيتينگتە 2018 جىلدىڭ قورىتىندىسى بويىنشا 71-ورىندى يەلەندى. ەلىمىز 2025 جىلعا قاراي توپ-40 ەلدىڭ قاتارىنا كىرۋى قاجەت. ولار – يزرايل، يسلانديا، مالايزيا سەكىلدى ەلدەر»، دەدى ر. دالەنوۆ.

جاھاندىق باسەكەگە قابىلەتتىلىك يندەكسىن دۇنيەجۇزىلىك ەكونوميكالىق فورۋم ەسەپتەيدى. بۇل رەيتينگتە قازاقستان 2018 جىلدىڭ قورىتىندىسى بويىنشا 59-ورىنعا يە بولدى. 2025 جىلعا قاراي ەلىمىز العاشقى 40 ەلدىڭ قاتارىنا كىرۋى ءتيىس. بۇل يتاليا، ەستونيا، چيلي سياقتى ەلدەردىڭ دەڭگەيى.

«جاھاندىق باسەكەگە قابىلەتتىلىك يندەكسىندە كەدەندىك رەسىمدەۋدىڭ تيىمدىلىگىن ولشەيتىن قۇرامداۋىشتى ەرەكشە اتاپ ءوتۋ كەرەك. بۇل فاكتور بويىنشا قازاقستان 64-ورىندا. 2025 جىلعا قاراي العاشقى 40 ەلدىڭ قاتارىنا كىرۋىمىز قاجەت. بۇل يزرايل، چەحيا، چيلي سياقتى ەلدەردىڭ دەڭگەيى»، دەدى ر. دالەنوۆ.

بۇدان وزگە، ۇلتتىق ەكونوميكا ءمينيسترىنىڭ ايتۋىنشا، ينۆەستورلار ءبىلىم بەرۋ دەڭگەيىنە ەرەكشە نازار اۋدارادى. بۇل ورتا جانە جوعارى ءبىلىم دايىندىعىنىڭ دەڭگەيى. ەكونوميكالىق ىنتىماقتاستىق جانە دامۋ ۇيىمى ەلدەرىنىڭ اراسىندا نەگىزگى ينديكاتور «PISA» — ءبىلىم الۋشىلاردى باعالاۋ حالىقارالىق باعدارلاماسى. اتالعان رەيتينگ مەكتەپتە ءبىلىم بەرۋ ساپاسىن ءۇش ءپان بويىنشا ولشەيدى: ماتەماتيكا، جاراتىلىستانۋ، وقۋ. رەيتينگ ءاربىر 3 جىلدا قالىپتاستىرىلادى. 2018 جىلدىڭ قورىتىندىسى  بويىنشا رەيتينگ بيىلعى جىلعى جەلتوقسان ايىندا جاريالاناتىن بولادى.

ر. دالەنوۆتىڭ ايتۋىنشا، ەگەمەن كرەديتتىك رەيتينگتەر ينۆەستورلار ءۇشىن بارىنشا ماڭىزدى فاكتور. بۇل رەيتينگتەردى Standard&Poor’s، Moody’s ي Fitch سياقتى اگەنتتىكتەر جاسايدى. 2019 جىلدىڭ تامىز ايىندا اتالعان رەيتينگتىك اگەنتتىكتەر ءوز رەيتىنگىلەرىن راستادى (BBB-/Baa3/BBB). بۇل رەتتە  Moody’s «تۇراقتى» بولجامىن ء«پوزيتيۆتى» بولجامىنا جاقسارتتى.

«بۇگىنگى تاڭدا قازاقستاننىڭ ەگەمەن كرەديتتىك رەيتينگى باعالاۋدىڭ «ينۆەستيتسيالىق» ساناتىنا كىرەدى، بىراق تاۋەكەل دەڭگەيى  «ورتاشا» دەپ سيپاتتالادى. 2025 جىلعا قاراي ەلىمىزگە تاۋەكەل دەڭگەيى تومەن ەلدەردىڭ ساناتىنا اۋىسۋ قاجەت. بۇل ا دەڭگەيىندەگى كرەديتتىك رەيتينگ. بۇل توپقا چيلي، جاپونيا، پولشا سياقتى ەلدەر كىرەدى»، دەدى ر. دالەنوۆ.

اتالعان رەيتينگكە قول جەتكىزۋ ءۇشىن ەلىمىزگە ەكونوميكا قۇرىلىمىن ءارتاراپتاندىرۋ، بانك سەكتورىن ساۋىقتىرۋ، بيۋدجەت ءتارتىبىن كۇشەيتۋ قاجەت.

بەكىتىلگەن ءىس-شارالار جوسپارىن ورىنداۋ مونيتورينگىن ۇكىمەتتىڭ جوبالىق ءوفيسىنىڭ جۇمىسى شەڭبەرىندە جۇزەگە اسىرۋ ۇسىنىلادى. 

سوڭعى جاڭالىقتار

قياناتقا قارسى تۇرعان گازەت

رۋحانيات • بۇگىن، 07:49

جەمقورلىق جەرگە قاراتادى

قوعام • بۇگىن، 07:48

«ءبىر سىناعان جاماندى...»

ايماقتار • بۇگىن، 07:46

ەرلى-زايىپتىلاردىڭ ەرلىگى

ايماقتار • بۇگىن، 07:43

ەل يگىلىگىن ەسەلەگەن جان

رۋحانيات • بۇگىن، 07:32

ەڭ قىمبات ۇلتتىق برەندتەر

الەم • بۇگىن، 07:23

تەڭگەنىڭ تەگەۋرىنى

قارجى • بۇگىن، 07:21

سەنىم كاپيتالى

ەكونوميكا • بۇگىن، 07:18

قور الدىندا ۇلكەن مىندەتتەر تۇر

پرەزيدەنت • بۇگىن، 07:04

قايتا ورالعان قۇمارشىق

ايماقتار • كەشە

حازىرەتتەر قازىناسى

رۋحانيات • كەشە

ۇقساس جاڭالىقتار