الەم • 16 قىركۇيەك، 2019

باعداد امىرەەۆ: وزبەكستان تۇركى كەڭەسىنىڭ تولىققاندى مۇشەسى بولدى

52 رەتكورسەتىلدى

وزبەكستان رەسپۋبليكاسىنىڭ تۇركى كەڭەسىنە مۇشەلىگى تۋرالى تۇركى كەڭەسىنىڭ باس حاتشىسى باعداد امىرەەۆ مالىمدەمە جاسادى.

«تۇركى كەڭەسىنىڭ باس حاتشىسى رەتىندە 2019 جىلدىڭ 14 قىركۇيەكتە وزبەكستان رەسپۋبليكاسىنىڭ 2009 جىلى تۇركىتىلدەس مەملەكەتتەردىڭ ىنتىماقتاستىق كەڭەسىن (تۇركى كەڭەسى) قۇرۋ تۋرالى ناحچىۆان كەلىسىمىن راتيفيكاتسيالاعانىن زور قۋانىشپەن حابارلايمىن.

بۇل قاداممەن وزبەكستان رەسپۋبليكاسىنىڭ تۇركى كەڭەسىنىڭ تولىققاندى مۇشەسى بولدى. وسى تاريحي شەشىم ناحچىۆان كەلىسىمىنە قول قويىلۋىنىڭ 10 جىلدىعىنا جانە 2019 جىلى 15 قازاندا باكۋدە وتەتىن تۇركى كەڭەسىنىڭ 7-سامميتىنە تۇسپا-تۇس كەلىپ وتىر. الداعى سامميتتە تۇركىتىلدەس ەلدەرى باسشىلارى وزبەكستان رەسپۋبليكاسىنىڭ پرەزيدەنتى شاۆكات ميرزيوەۆ باستاعان باۋىرلاس وزبەك ەلىن رەسمي تۇردە قۇرمەتپەن قارسى الادى.

باۋىرلاس وزبەكستاننىڭ تۇركى كەڭەسى ۇجىمىنا كىرۋىن شىن جۇرەكتەن قۇپتاي وتىرىپ، بۇل ايتۋلى وقيعا تۇركى كەڭەسىنىڭ جۇمىسىنا جانە تۇركىتىلدەس ەلدەر مەن حالىقتار اراسىنداعى ۇدايى دامىپ كەلە جاتقان ىنتىماقتاستىققا ۇلكەن سەرپىن بەرەدى دەپ سانايمىن.

وزبەكستان ءاردايىم تۇركى الەمىنىڭ اسا ماڭىزدى فاكتورلارىنىڭ ءبىرى جانە ۇلى جىبەك جولىنىڭ بويىندا ورنالاسقان سامارقاند، بۇحارا جانە حيۋا سياقتى قالالارىمەن تۇركى-يسلام دۇنيەسىنىڭ ەكونوميكالىق جانە مادەني بەسىگى بولدى. سونىمەن بىرگە باۋىرلاس وزبەك حالقىنىڭ ءوزىنىڭ باي ۇلتتىق جانە تاريحي مۇراسىمەن الەمدىك وركەنيەتكە قوسقان ۇلەسى زور. بۇگىنگى تاڭدا وزبەكستان تەك ءوزىنىڭ باۋىرلاس ەلدەرىنە عانا ەمەس، سونىمەن قاتار بۇكىل ايماق ءۇشىن دە ىنتىماقتاستىق پەن دامۋدىڭ جاڭا ءۇردىسىن ۇسىنىپ وتىر.

وسى ەرەكشە ءساتتى پايدالانا وتىرىپ، باۋىرلاس وزبەكستاندى جاڭا داۋىرگە باستاعان رەسپۋبليكا پرەزيدەنتى شاۆكات ميرزيوەۆكە ۇلكەن قۇرمەتىمدى بىلدىرگىم كەلەدى. وزبەكستان مەن باسقا دا تۇركىتىلدەس ەلدەر اراسىنداعى عاسىرلار بويعى مىزعىماس تامىرلارعا نەگىزدەلگەن باۋىرلاستىق قاتىناستار تۇركى كەڭەسىنىڭ بىرتۇتاستىق تۋى استىندا جاڭا كەنەستىك پەن جارقىن بولاشاققا يە بولاتىنىنا سەنىمدىمىن» دەلىنگەن حابارلامادا. 

بۇعان دەيىن قازاقستاننىڭ سىرتقى ىستەر مينيسترلىگى وزبەكستاننىڭ تۇركىتىلدەس مەملەكەتتەردىڭ ىنتىماقتاستىق كەڭەسىنە كىرۋىن قولدايتىنىن مالىمدەگەن ەدى.

سوڭعى جاڭالىقتار

انا ءتىلى – ارىڭ بۇل...

رۋحانيات • كەشە

اباي مۇراسى ماڭگىلىك

اباي • 22 اقپان، 2020

قىلمىستىق ءىس قوزعالدى

ايماقتار • 22 اقپان، 2020

ماڭعىستاۋدا «ANTIKOR ORTALYGY» اشىلدى

رۋحانيات • 22 اقپان، 2020

تەننيس: ەلەنا رىباكينا فينالدا

تەننيس • 22 اقپان، 2020

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار