رۋحانيات • 16 قىركۇيەك، 2019

اعايىندى اڭقاۋوۆتاردىڭ ەرەكشە تەحنيكامەن وڭدەلگەن تۋىندىلارى كورمەگە قويىلدى

47 رەت كورسەتىلدى

ەلوردادا ۇلتتىق مۋزەيدە «QazaqGeography» رەسپۋبليكالىق قوعامدىق بىرلەستىگى جانە قازاق ۇلتتىق ونەر ۋنيۆەرسيتەتىنىڭ ۇيىمداستىرۋىمەن «گەوگرافيا – مادەني دامۋ باعىتى» اتتى كورمە ءوتىپ جاتىر. 

شارانىڭ ماقساتى – قولونەر شەبەرلەرى، وسى سالاداعى جاستار شىعارماشىلىعىنا قولداۋ بىلدىرە وتىرىپ، قولدانبالى ونەر تۋىندىلارىن تانىتۋ جانە ناسيحاتتاۋ. سونىمەن قاتار، قولدانبالى ونەر بويىنشا جاڭا تەحنولوگيالىق ىزدەنىستەر قولدانۋدا جاڭا باعىتتى تانىستىرۋ.

قولدانبالى ونەر – حالىقتىڭ مادەني ءومىرىن كورسەتەتىن سالا. بۇل ونەر ءتۇرى وتكەنىمىز بەن بۇگىنىمىزدى ورتاق ءبىر ارنادا توعىستىرادى. قولونەر تۋىندىلارىنىڭ اراسىندا كيىز ونىمدەرىن ەرەكشە اتاعان ءجون. سەبەبى ەرتە داۋىردەن حالىق مادەنيەتىنە ەنگەن بۇل ونىمدەر بۇكىل ەلدىڭ تاريحىن، رۋحاني ءومىرىن ناسيحاتتايدى.

اعايىندى اڭقاۋوۆتار – قوستاناي ءوڭىرىنىڭ ازاماتتارى. وزدەرىنىڭ زور ىزدەنىستەرى، ەڭبەكتەرى، زور تالانتتىڭ ناتيجەسىندە قولدانبالى ونەردىڭ جاۋھار تۋىندىلارىن دۇنيەگە اكەلگەن. ءوز شىعارمالارىندا قوي ءجۇنىنىڭ ەرەكشە تەحنيكامەن وڭدەلگەن ءتۇرىن كەڭىنەن قولدانادى. ولار قولدانعان جاڭا تەحنولوگيالىق باعىت – كيىزدى كەسكىندەمە جاعىنان كورسەتۋ. سونىمەن قاتار اتالعان كورمەگە ەلىمىزدىڭ ءتۇرلى ايماقتارىنداعى شەبەرلەردىڭ  كيىز بەن گوبەلەننەن جاساعان ەڭبەكتەرى، «Arlan Design» سۋرەت گالەرەياسىنىڭ تۋىندىلارى، قازاق ۇلتتىق ونەر ۋنيۆەرسيتەتىنىڭ پەداگوگتارى مەن ستۋدەنتتەرىنىڭ شىعارمالارى ۇسىنىلىپ وتىر.

كورمەنىڭ اشىلۋ سالتاناتىندا ءسوز العان قر ۇلتتىق مۋزەيىنىڭ ديرەكتورى ارىستانبەك مۇحامەدي ۇلى: «قازىرگى كۇنى ەلىمىزدىڭ ءسان-سالتاناتى جاراسقان وسىنداي ۋاقىتتا وڭىرلەردەگى ءار جاس تالانتقا قامقورشى بولىپ جاتقان «QazaqGeography» رەسپۋبليكالىق قوعامدىق بىرلەستىگىنىڭ ۇيىمداستىرۋىمەن بۇگىن ۇلتتىق مۋزەيدە ەرەكشە كورمە اشىلىپ وتىر. جاس تالانتتاردى قولداپ، ولاردىڭ كەلەشەگىنە جول اشۋ ءۇشىن اتالعان ۇيىم اۋقىمدى جۇمىستار اتقارىپ جۇرگەنىن اتاپ ايتقان ءجون. كورمەنى ۇيىمداستىرۋشىلارعا، قازاق ۇلتتىق ونەر ۋنيۆەرسيتەتىنە العىس بىلدىرەمىن»، - دەدى.

1

«QazaqGeography» رەسپۋبليكالىق قوعامدىق بىرلەستىگى قازاقستان مەن وزگە مەملەكەتتەردەگى گەوگرافيا جانە قوعام، تابيعات، مادەنيەت عىلىمدارىن ءوزارا ۇيلەستىرىپ، ءتۇرلى جاڭالىقتاردى دامىتۋ بويىنشا جەتەكشى ۇيىم بولۋدى كوزدەيدى. بۇل قوعامدىق بىرلەستىك قازىرگى ۋاقىتتا اتالعان سالالار بويىنشا ءوز ەلىمىز بەن شەت مەملەكەتتەر تۋرالى ساپالى ءبىلىم بەرۋ نەگىزىندە ءتۇرلى جوبالاردى جۇزەگە اسىرۋدا.

قوعام قايراتكەرى مىرزاتاي جولداسبەكوۆ: «بۇلاق كورسەڭ، كوزىن اش» دەگەن حالىقتا ماقال بار. جاس تالانتتارعا ءمان بەرىپ، كوڭىل اۋدارىپ، ولاردىڭ ۇلتتىق مۋزەيدە كورمەسىن وتكىزىپ جاتقان ازاماتتارعا العىس ايتامىن. اعايىندى بالالاردىڭ ەڭبەكتەرى قويىلىپتى كورمەگە. بارىن حالقىمەن، وسى جەردەگى جاقىندارىمەن ءبولىسىپ، ءوز تۋعان جەرىنە قىزمەت ەتسە، ودان ارتىق باقىت جوق دەپ ويلايمىن.  كورمەگە كوز جۇگىرتىپ، ارالاپ شىقتىم. كەرەمەت ەڭبەك ەكەن. ەش قيىندىققا مويىماي، قىزمەت ەتىپ جۇرگەن ءتورت اعايىندىعا دا شىن جۇرەكتەن العىسىمدى ايتامىن. كورمە قۇتتى بولسىن!»، - دەپ جىلى لەبىزىن ءبىلدىردى.

بۇعان دەيىن حابارلاعانداي كورمە 30 قىركۇيەككە دەيىن جالعاسادى.

        

سوڭعى جاڭالىقتار

مۇراعاتتار مۇڭ شاعادى

ادەبيەت • كەشە

"Balapan" تەلەارناسىنا - 10 جىل

قازاقستان • كەشە

بۇگىن – ەڭبەك كۇنى

قازاقستان • كەشە

اقتاۋدا گەولوگتار اللەياسى اشىلدى

ايماقتار • 26 قىركۇيەك، 2020

شەكتەن شىققان احۋال جوق

ايماقتار • 26 قىركۇيەك، 2020

دەمالىس كۇندەرى اۋا رايى قانداي بولادى

اۋا رايى • 26 قىركۇيەك، 2020

ەپيزووتيكالىق جاعداي تۇراقتانۋدا

ايماقتار • 26 قىركۇيەك، 2020

وتكەن تاۋلىكتە 170 ادام جازىلىپ شىقتى

قازاقستان • 26 قىركۇيەك، 2020

قازاقستاندا تاعى 69 ادام ىندەت جۇقتىردى

كوروناۆيرۋس • 26 قىركۇيەك، 2020

اتىراۋدا ەگىز ۇل امان-ەسەن تابىلدى

ايماقتار • 25 قىركۇيەك، 2020

اتىراۋدا جول بويىندا تراكتور اۋدارىلدى

ايماقتار • 25 قىركۇيەك، 2020

ۇقساس جاڭالىقتار