ايماقتار • 16 قىركۇيەك، 2019

قوستانايدا بيزنەس اشقان كوپ بالالى انالار قاتارى كوبەيگەن

34 رەتكورسەتىلدى

بۇل تۋرالى وبلىستىق كاسىپكەرلىك جانە يندۋستريالىق-يننوۆاتسيالىق دامۋ باسقارماسى باسشىسىنىڭ مىندەتىن اتقارۋشى روزا گورياننايا بۇقارالىق اقپارات قۇرالدارى ءۇشىن بەرگەن بريفينگتە ايتتى.

ول اسىرەسە، «ەڭبەك» بادارلاماسى شەڭبەرىندە بەرىلەتىن شاعىن كرەديتتەردى ەرەكشە اتادى. جىل باسىنان بەرى قىركۇيەك ايىنا دەيىن وبلىستا ەكىنشى دەڭگەيلى بانكتەرگە 594 ملن تەڭگە تۇراتىن 50 جوبا ۇسىنىلعان. سودان 46 جوبا قارجىسىن الىپ، ومىرگە جول تارتقان.

ۇلتتىق ەكونوميكا مينيسترلىگىنىڭ مالىمەتىنشە، باعدارلامانى جۇزەگە اسىرىپ كەلە جاتقان كەزەڭ ىشىندە ميكروكرەديت الۋ جونىنەن قوستاناي وبلىسى 6 ورىن الادى. اسىرەسە، ايەل كاسىپكەرلەردىڭ بەلسەندىلىگى كۇشتى، ميكروكرەديتتىڭ 47 پايىزىن ايەلدەر العان. ولاردىڭ باسىم كوپشىلىگى رۋدنىي جانە ارقالىق قالاسىندا تۇرادى.

«سوڭعى جىلدارى ايەل كاسىپكەرلەر اراسىندا كوپ بالالى انالار ءجيى كورىنىپ ءجۇر. سولاردىڭ ءبىرى ارقالىق قالاسىنداعى گۇلزيرا سەيداحانوۆا دەر ەدىم. ول 5 بالا ءوسىرىپ وتىر، قالاداعى ساۋدا عيماراتىن قالپىنا كەلتىرىپ، ء«الي» قۇرىلىس ماتەريالدارىن ساتاتىن دۇكەن اشتى. ول نارىقتى زەرتتەي بىلگەن، تۇرعىندار سۇرانىسىن قاناعاتتاندىرىپ وتىر»،- دەدى روزا بالاگەردەنقىزى.

سنىمەن قاتار ول جاستار اراسىندا دا كاسىپكەرلىك دامىپ كەلە جاتقانىن جارقىن مىسالدارمەن ايتتى.

 

قوستاناي

سوڭعى جاڭالىقتار

ۇقساس جاڭالىقتار