وبلىس اكىمى وڭداسىن ءورازاليننىڭ توراعالىعىمەن وتكەن جيىنعا وبلىس اكىمىنىڭ ورىنباسارلارى امانعالي بەردالين, ولجاس سماعۇلوۆ, يندۋستريالىق-يننوۆاتسيالىق دامۋ باسقارماسىنىڭ باسشىسى دارحان ەرماعانبەتوۆ, كاسىپكەرلىك باسقارماسىنىڭ باسشىسى ەرلان نازاروۆ, اۋىلشارۋاشىلىق باسقارماسىنىڭ باسشىسى قۇسايىن سارسەمباي, دامۋ باسشىلارى, ەكىنشى دارەجەلى بانك وكىلدەرى جانە ۆيدەوبايلانىس ارقىلى اۋدان اكىمدەرى قاتىستى.
وڭىرىمىزدەگى قاراپايىم زاتتار ەكونوميكاسىنىڭ بۇگىنگى جاعدايى تۋرالى «اتامەكەن» وڭىرلىك كاسىپكەرلەر پالاتاسىنىڭ ديرەكتورى, جوبالىق ءوفيستىڭ ءتورايىمى انار دارجانوۆا بايانداما جاسادى. ايتۋىنشا, بيزنەس سۋبەكتىلەرىمەن جانە قارجى ينستيتۋتتارى وكىلدەرىمەن كەزدەسىپ, بىرقاتار ماسەلەلەردى تالقىلاعان. رەسپۋبليكالىق جوبالىق كەڭسەگە ۇسىنىستار بەرىلگەن. تاۋارلار تىزبەسىن كەڭەيتۋ بولىگىندە جوبا سوماسىنا 4 156,0 ملن. تەڭگە 10 ۇسىنىس ەنگىزىلىپ, ونىڭ ىشىندە نەسيە سوماسى 332,0 ملن. تەڭگە بولاتىن 2 جوبا جۇزەگە استى. جوبالىق كەڭسەمەن جالپى سوماسى 34,1 ملرد تەڭگە بولاتىن 97 جوبا بويىنشا جۇمىس جۇرگىزىل ۇستىندە. «تىكەلەي پرەزيدەنتتىڭ تاپسىرماسىنا ساي, قاراپايىم زاتتار ەكونوميكاسى باعدارلاماسىنا ەرەكشە ءمان بەرىلىپ وتىر, اقتوبە وڭىرىندە وسى جۇمىستى دامىتىپ, جوبالاردىڭ سانىن ارتتىرۋ قاجەت», - دەپ اتاپ ءوتتى ايماق باسشىسى.
انار دارجانوۆا سونداي-اق قاراپايىم زاتتار ەكونوميكاسى اياسىندا اۋدان باسشىلارىنىڭ جۇمىسى ماردىمسىز جۇرگىزىلىپ جاتقاندىعىن جەتكىزدى. اۋدان اكىمدەرى قاراپايىم زاتتار ەكونوميكاسىنا ەنگىزىلگەن وزگەرىستەر جايىندا كاسىپكەرلەردى اقپاراتتاندىرماعان. وڭداسىن ورازالين اتالعان باعدارلاما اياسىندا جۇمىستى دۇرىس ۇيلەستىرمەگەن, ءارى جاڭا جوبالاردى اشۋعا اسىقپاعان اۋدان باسشىلارىنا ەسكەرتۋ جاسادى. وبلىس اكىمى يندۋستريالىق-يننوۆاتسيالىق دامۋ, كاسىپكەرلىك, اۋىلشارۋاشىلىق باسقارماسىنىڭ باسشىلارى مەن اۋدان اكىمدەرىنە قاجەتتى شارالاردى قولعا الىپ, بانك مەكەمەلەرىمەن ەتەنە جۇمىس جاساۋدى تاپسىردى. وڭداسىن ورازالين بۇل تۇرعىدا بانك وكىلدەرىنىڭ دە ىنتالى بولۋى قاجەتتىگىن ايتتى.
اقتوبە
