ەسەپتەسەك, بوكەيلىكتىڭ ءار تۇرعىنىنا ورتا ەسەپپەن 4 سيىر, 2 جىلقى, 6 قويدان تيەدى ەكەن.
- بيىلعى 1 قىركۇيەكتە اۋداندىق بيۋدجەت 3 ملرد. 60 ملن. 890 مىڭ تەڭگەنى قۇرادى. 8 ايدىڭ قورىتىندىسىندا اۋداندىق بيۋدجەتكە 222 ملن. 675 مىڭ تەڭگە سالىق ءتۇسىپ, جوسپار 111%-عا ورىندالدى. 2019 جىلدىڭ 8 ايى بويىنشا جالپى ينۆەستيتسيا كولەمى 1 ملرد. 666 ملن. 290 مىڭ تەڭگەنى قۇراپ وتىر. وسى ۋاقىتتا اۋىل شارۋاشىلىعى سالاسىندا 4 ملرد. 152 ملن. تەڭگەنىڭ ءونىمىن وندىردىك. اۋداندا 513 شارۋا قوجالىق بار. اۋدان شارۋاشىلىقتارى 4360 توننا ەت, 10490 توننا ءسۇت ءوندىردى, - دەيدى باتىس قازاقستان وبلىستىق وڭىرلىك كوممۋنيكاتسيالار قىزمەتىندە جۋرناليستەرمەن كەزدەسكەن بوكەي ورداسى اۋدانىنىڭ اكىمى نۇرلان راحىمجانوۆ.
اۋدان اكىمىنىڭ ايتۋىنشا, اۋداندا شەتەلدىك اسىل تۇقىمدى مال ساتىپ الۋعا باعىتتالعان جۇمىس قارقىندى جۇرۋدە. «سىباعا» باعدارلاماسى بويىنشا 5 شارۋا قوجالىعى رەسەيدەن 166 باس, بەلورۋسسيادان 143 باس گەرەفورد جانە انگۋس تۇقىمدى سيىر ساتىپ العان. جاقىندا تاعى ءبىر شارۋا قوجالىعى بەلورۋسسيادان 105 باس اسىل تۇقىمدى قاشار اكەلۋدى جوسپارلاپتى. اۋداندا «اسىل تۇقىمدى مال شارۋاشىلىعى» مارتەبەسىن العان 24 قوجالىق بار ەكەن, ولار 6872 باس اسىل تۇقىمدى مال ءوسىرىپ وتىر.
ءبىر ايتا كەتەرلىگى, الىستاعى مال قىستاقتارى جاڭا تەحنولوگيانى جاپپاي يگەرىپ جاتىر. سوڭعى جىلداردا 165 قىستاق كۇن باتارەياسىن ورناتىپ العان. بيىلدىڭ وزىندە 80 كۇن باتارەياسى جاڭادان قولدانىلا باستاپتى. مەملەكەتتىڭ مال ءوسىرۋشى شارۋاشىلىقتاردى سۋمەن قامتاماسىز ەتۋ جوباسى اياسىندا بيىل 18 قۇدىق قازىلعان. «كۇن باتارەيالارىن ورناتقان جانە قۇدىقتارىن سوققان شارۋا قوجالىقتار مەملەكەتتەن ءتيىستى سۋبسيديالارىن الىپ وتىر» دەيدى اۋدان باسشىسى.
باتىس قازاقستان
