دەپارتامەنتىڭ ءباسپاسوز قىزمەتى حابارلاعانىنداي, بايقاۋعا ەلىمىزدىڭ بارلىق وڭىرلىك دەپارتامەنتتەرى مەن ىشكى ىستەر مينيسترلىگىنە قاراستى وقۋ ورىندارىنان 21 كوماندا قاتىستى. مۇندا قۇرامىندا اسان اۋباكىروۆ, اسەم جيەنعاليەۆ, قۋانىش ەسەنبەكوۆ, راۆيل ءابىلحانوۆ, ۆيكتور گەينتس بار «كوكشە ساقشىلارى» كومانداسى وبلىس نامىسىن قورعاپ, جۇلدەلى ءۇشىنشى ورىندى جەڭىپ الدى. جەرلەستەرىمىز جاۋاپتى سىنعا تىڭعىلىقتى دايىندالىپ, كەزەڭدىك بايقاۋلاردىڭ مازمۇنىن ۇلى اقىن اباي قۇنانباەۆتىڭ 175 جىلدىعىمەن بايلانىستىرۋى ۇتىمدى شىقتى. سونداي-اق, بايقاۋدا اقتاۋ بالالار ءۇيىنىڭ تاربيەلەنۋشىلەرى دە بەلسەندىلىكپەن قاتىسۋى شارانىڭ سالماعىن ارتتىرا ءتۇستى.
ماراپاتتاۋ ءراسىمى اياقتالىسىمەن اقمولالىق پوليتسەيلەر بالالار ۇيىندە قوناقتا بولدى. وندا كوماندا مۇشەلەرى دەپارتامەنت باسشىسى گەنەرال-مايور بەرىك ءبىلالوۆتىڭ اتىنان جۇلدە سىيلىعىن مەكەمە ديرەكتورى ءمادي قالاشا ۇلىنا تاپسىردى. سونداي-اق, ولار اقتاۋلىق جاس دوستارىن كەلەسى جىلى اقمولا وبلىسىندا وتكىزىلەتىن «پاراساتتى پوليتسەي» بايقاۋى قارساڭىندا كوكشەتاۋعا قوناق بولىپ كەلۋگە شاقىردى.
