سۋبسيديالار تۋرالى كىرىسپە ماقالا اتاۋىمەن قالاي بايلانىستى؟ ءبارى وپ-وڭاي – بۇل جەردەگى ماسەلە, ستۋدەنتتىك جاتاقحانالاردى سالۋعا ارنالعان سۋبسيديالار تۋرالى بولىپ وتىر. سوڭعى ەكى جىلدا بيزنەستىڭ وسى باعىتى بىرقاتار ارتىقشىلىقتارعا يە بولدى. وسى رەتتە ارنايى تەتىك ازىرلەندى, ونىڭ تۇجىرىمى ستۋدەنتتەر تۇراتىن ءۇي-جايلار سالۋدا بيزنەستىڭ مەملەكەتپەن ارىپتەستىگىنە نەگىزدەلگەن. ونىڭ بىرەگەيلىگى سوندا – عيماراتتىڭ مەنشىك يەسىندە ماقساتتى مەملەكەتتىك تاپسىرىستى ورنالاستىرۋ ەسەبىنەن اقشا اعىندارىنا كەپىلدىك بەرىلەدى. بىلايشا ايتقاندا, مەملەكەت ءاربىر ستۋدەنتتىڭ تۇرۋىنا 300 مىڭ تەڭگەدەن استام اقشا تولەۋگە دايىن.
مەملەكەتتىڭ بۇل ماسەلەگە قاتىستى الاڭداۋشىلىعى ورىن-جايلاردىڭ تاپشىلىعىمەن عانا ەمەس, سونداي-اق ونىڭ ءوسۋ پەرسپەكتيۆاسىمەن دە بايلانىستى. دەموگرافيالىق احۋالعا ەڭ قىسقا تالداۋ جاساعاننىڭ وزىندە الداعى ۋاقىتتا ەلدە 2000 جىلدارداعى baby-boom-نىڭ ناتيجەسى بولىپ تابىلاتىن ستۋدەنتتىك كونتينگەنتتىڭ كۇرت ۇلعايۋىن بولجاۋعا بولادى. وسى ماقالانىڭ مانماتىنىندە بۇل – سۇرانىستىڭ تۇراقتىلىعى مەن قۇرىلاتىن بيزنەستىڭ پەرسپەكتيۆالىلىعى تۇرعىسىنان, كاسىپكەر ءۇشىن ايقىن باسىمدىلىق.
ماقالانىڭ نەگىزگى تاقىرىبىنا كوشە وتىرىپ, ونىڭ رەلەۆانتىلىعىن ەرەكشە اتاپ ءوتۋ كەرەك. وسىدان ءبىر اي بۇرىن عانا ستۋدەنتتىك جاتاقحانالاردى سالۋعا ارنالعان بانكتىك كرەديتتەردى سۋبسيديالاۋ مولشەرلەمەسى 7-دەن 9%-عا دەيىن كوتەرىلدى. باعدارلاماعا قاتىسۋشى بانكتەر قازىرگى ۋاقىتتا كرەديت مولشەرلەمەسىن سۋبسيديالاۋ شارتتارىندا 7 جىلعا دەيىن العاشقى قارىزداردى (زايمدەر) ۇسىنۋدا. بۇل رەتتە بانكتىڭ ماكسيمالدى مولشەرلەمەسى 15%-دان اسپاۋى ءتيىس. وسىلايشا جاتاقحانانى سالۋشى ءۇشىن تۇپكىلىكتى مولشەرلەمە نەبارى 6%-دى قۇراۋى مۇمكىن. سونداي-اق تارتىلاتىن قارىزدىڭ (زايمنىڭ) سوماسى شەكتەلمەگەندىگىن دە ايتا كەتكەن ءجون.
جوبالاردى سۋبسيديالاۋ جالپى قورى 600 ملرد تەڭگەنى قۇرايتىن «قاراپايىم زاتتار ەكونوميكاسى» باعدارلاماسىنىڭ اياسىندا جۇزەگە اسىرىلادى. باعدارلامانىڭ وپەراتورى «دامۋ» كاسىپكەرلىكتى دامىتۋ قورى» اق بولىپ تابىلادى. تولىعىراق اقپارات الۋ ءۇشىن www.damu.kz سايتىنا نەمەسە 8 (727) 244-55-66(77) تەلەفون نومىرلەرىنە حابارلاسا الاسىزدار.
سونىمەن قاتار ستۋدەنتتىك جاتاقحانالار قۇرىلىسىن قولداۋ تەتىگى تۋرالى مازمۇندى كەڭەستى 8 800 080 28 28 (قوڭىراۋ شالۋ تەگىن) تەلەفون نومىرلەرىنە حابارلاسىپ نەمەسە www.studdom.kz سايتىنان الۋعا بولادى.
«قارجى ورتالىعى» اق
