«نەگىزگى پروبلەما - جالاقىنىڭ ۋاقتىلى تولەنبەۋى. قازىرگى ۋاقىتتا رەسپۋبليكانىڭ جۇمىس ىستەپ تۇرعان 39 كاسىپورنىندا جالاقى بويىنشا مەرزىمى وتكەن بەرەشەك سوماسى 1,8 مىڭ جۇمىسكەرگە 683 ميلليون تەڭگەنى قۇرايدى. ەلوردادا زاڭ تالاپتارىن ەسكەرمەيتىن جانە 2 ايدان استام ۋاقىت جۇمىسشىلارىنا جالاقى تولەمەيتىن كاسىپورىن باسشىلارى دا كەزدەسەدى. بۇل, ەڭ الدىمەن, «شار-قۇرىلىس» جشس (326 جۇمىسكەرگە 206,5 ملن. تەڭگە) جانە «دجيەلبي» جشس (10 جۇمىسكەرگە 59 ملن. تەڭگە), جالپى قارىزى 265 ملن. تەڭگە », – دەدى ءبىرجان نۇرىمبەتوۆ.
سونىمەن قاتار جالاقىنى ۇزاق ۋاقىتقا كەشىكتىرۋ فاكتىلەرى «موستوسترويتەلنىي وترياد – 25 يم. ريازانوۆا» جشس-دا كوپتەگەن جانجالدىڭ سەبەبى بولىپ وتىر. بۇگىنگى تاڭدا رەسپۋبليكاداعى بۇل كومپانيانىڭ جالپى بەرەشەگى 30 ميلليون تەڭگەدەن اسادى, ونىڭ 5 ميلليون تەڭگەسى نۇر-سۇلتان قالاسىندا ءالى تولەنبەگەن, ال جۇمىسكەرلەر وسى جىلدىڭ قىركۇيەگىندە تاعى دا نارازىلىق ميتينگىسىن ۇيىمداستىردى
«كەلەسى پروبلەمالىق ماسەلە – بانكروتقا ۇشىراعان كاسىپورىندارداعى جالاقى بويىنشا بەرەشەك. رەسپۋبليكا بويىنشا 86 كاسىپورىندا 2,3 مىڭ جۇمىسشى الدىنداعى قارىزى 983 ميلليون تەڭگەنى قۇرايدى. ونىڭ ىشىندە نۇر-سۇلتان قالاسىنداعى 4 بانكروتتىق كاسىپورىننىڭ 9,4 ملن تەڭگە بەرەشەگى بار», – دەپ تولىقتىردى مينيستر.
