وسىعان وراي, وسكەلەڭ ۇرپاقتىڭ بويىندا سىبايلاس جەمقورلىققا نولدىك توزبەۋشىلىك, ادالدىق, ادىلدىك, پاراساتتىلىق جانە وتانسۇيگىشتىك سياقتى قۇندىلىقتاردى قالىپتاستىرۋ ماقساتىندا ماڭعىستاۋ وبلىسىنىڭ ءبىلىم بەرۋ مەكەمەلەرىندە «1 قىركۇيەك – ءبىلىم كۇنى» مەرەكەسىنە وراي «ادالدىق ساعاتى» شاراسى وتكىزىلدى.
شارالاردى وتكىزۋگە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ قىزمەتكەرلەرى, «ماڭعىستاۋ – ادالدىق الاڭى» جوبالىق كەڭسەسىنىڭ مۇشەلەرى, «نۇر وتان» حدپ ماڭعىستاۋ وبلىستىق فيليالىنىڭ, «ازاماتتىق اليانس» زاڭدى تۇلعالار بىرلەستىگى جانە ارنايى مونيتورينگتىك توپ وكىلدەرى لەكتورلار رەتىندە قاتىستى.
ءاربىر لەكتور ءوز سوزىندە اگەنتتىك پەن دەپارتامەنت تاراپىنان اتقارىلىپ جاتقان جۇمىس جايىندا, وسى شاراعا ارنايى دايىندالعان بەينەروليكتەردى كورسەتە وتىرا تىڭداۋشىلارعا سىبايلاس جەمقورلىقتىڭ تەرىس سالدارى جايىندا جەتكىزدى.
جالپى, شارامەن وبلىستىڭ 141 ورتا ءبىلىم بەرۋ مەكتەپتەرى, 19 كوللەدجى جانە 2 جوعارى وقۋ ورنى قامتىلدى.
بۇدان بولەك, ش. ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتىندە وتكىزىلگەن شارامەن قاتار, دەپارتامەنت باسشىسىنىڭ ءبىرىنشى ورىنباسارى سەرىك قانىبەكوۆ وبلىس تۇرعىندارىنا جەرگىلىكتى «ماڭعىستاۋ» تەلەديدارىنا سۇحبات بەرۋ ارقىلى اتالعان تاقىرىپ جايىندا تۇسىندىرمە بەردى.
وسى شارالاردى جۇرگىزۋ بارىسىندا تىڭداۋشىلاردىڭ تاقىرىپ بويىنشا كوكەيدەگى سۇراقتارىنا ناقتى جاۋاپ بەرىلدى جانە ولار سىبايلاس جەمقورلىققا قارسى مادەنيەتتى قالىپتاستىرۋ باعىتىنداعى الدا وتكىزىلەتىن ءىس-شارالارعا بەلسەندى قاتىسۋعا شاقىرىلدى.
