بىرىڭعاي ساعات تۇركىستان وبلىسىنا قاراستى بارلىق ءبىلىم وشاقتارىن, ونىڭ ىشىندە 903 مەكتەپ, 68 كوللەدج, 2 جوعارى وقۋ ورنىن (ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتى, سىرداريا ۋنيۆەرسيتەتى) قامتىدى.
«ادالدىق ساعاتىنىڭ» نەگىزگى ماقساتى - وسكەلەڭ جاس ۇرپاقتىڭ ءون بويىنا ادالدىق, پاراساتتىلىق, ادىلدىك, سەنىم قۇندىلىقتارىن سىڭىرۋگە جانە جاس بۋىننىڭ رۋحاني بولمىسىن بەكىتىپ, سىبايلاس جەمقورلىققا قارسى مادەنيەتىن قالىپتاستىرۋ.
وسى يگى باستاماعا لەكتورلار رەتىندە اۋدان, قالا اكىمدەرى مەن ولاردىڭ ورىنباسارلارى, وبلىستىق جانە اۋداندىق ءماسليحات حاتشىلارى, «نۇر وتان» پارتياسىنىڭ وبلىستىق, اۋداندىق فيليالىنىڭ ءبىرىنشى ورىنباسارلارى, مەملەكەتتىك, قۇقىق قورعاۋ جانە سوت ورگاندارىنىڭ باسشىلارى مەن ارنايى مونيتورينگتىك توپ وكىلدەرى قاتىستى.
ەلىمىزدەگى جالعىز حالىقارالىق دەڭگەيدەگى قازاق - تۇرىك ۋنيۆەرسيتەتىنىڭ ستۋدەنتتەرىنە ءدارىس وقىعان اگەنتتىكتىڭ تۇركىستان وبلىسى بويىنشا دەپارتامەنتىنىڭ باسشىسى ح.كوشقاليەۆ جاستاردى جاڭا وقۋ جىلىمەن قۇتتىقتاپ, سىبايلاس جەمقورلىقپەن قارقىندى كۇرەسۋ ەل ساياساتىنىڭ نەگىزگى باسىم باعىتتارىنىڭ ءبىرى ەكەندىگىن اتاپ ءوتتى.
وڭىردەگى جالپى سانى 50 000-عا جۋىق ءبىلىم الۋشىنى قامتىعان شارادا قوعام بەلسەندىلەرى دە قالىس قالمادى. اتاپ ايتقاندا, دارىندى جازۋشى, جۋرناليست م.بايعۇت, وبلىستىڭ ادەپ جونىندەگى ۋاكىلى ءا.الىشەۆ, Egemen Qazaqstan گازەتىنىڭ وبلىستاعى مەنشىكتى ءتىلشىسى, جۋرناليستەر وداعى وبلىستىق فيليالىنىڭ توراعاسى ع.ەلشىباي, بەلگىلى ايتىسكەر-اقىن, بالالار مەن جاسوسپىرىمدەر ورتالىعىنىڭ ديرەكتورى ب.شويبەكوۆ, قازاق كۇرەسىنەن قازاقستاننىڭ بىرنەشە دۇركىن چەمپيونى ا.ناربەك سەكىلدى زيالى قاۋىم وكىلدەرى مەن سپورت شەبەرلەرى بەلسەنە اتسالىستى.
شارا بارىسىندا لەكتورلار قازاقتىڭ بويىندا باعزىدان قالىپتاسقان ادالدىق پەن ادىلدىك قۇندىلىقتارىنىڭ قاسيەتىن قازبالاپ, تاعىلىمعا تولى تاريح بەتتەرىندەگى ادىلدىكتى تۋ ەتكەن كەمەڭگەرلەردىڭ تۋرالىعىنا توقتالدى. سونداي-اق ەلباسى بيىلعى جىلدى «جاستار جىلى» دەپ جاريالاپ, ەل جاستارىنا زور سەنىم بىلدىرگەندىگىن, قازاقستاننىڭ جارقىن بولاشاعى – بۇگىنگى جاس بۋىننىڭ قولىندا ەكەندىگىن جەتكىزدى.
«ادالدىق ساعاتىندا» ءبىلىم الۋشىلارعا ارنايى ازىرلەنگەن بەينەروليكتى كورسەتۋ ارقىلى ادالدىق – پاراساتتىلىقتىڭ ەڭ بيىك شىڭى, ءارى ادام بويىنداعى ەڭ اسىل قاسيەت ەكەندىگى ءجىتى ءتۇسىندىرىلدى.
ايتا كەتەيىك, بۇل يگى باستاما ءداستۇرلى تۇردە جىل سايىن «1 قىركۇيەك – ءبىلىم كۇنىندە» باستاۋ الىپ, وقۋ جىلىنىڭ سوڭىنا دەيىن جۇيەلى تۇردە ەلىمىزدىڭ ابىرويىن اسقاقتاتىپ جۇرگەن ەل ماقتانىشتارى مەن قوعام بەلسەندىلەرىن قاتىستىرا وتىرىپ وتكىزىلەتىن بولادى.
