2019 جىلدىڭ وقۋ جىلىنا ارنالعان جاۋىنگەرلىك دايارلىق جوسپارىنا سايكەس «كارابوتان» وقۋ پوليگونىندا «باتىس» وڭىرلىك قولباسشىلىعىنىڭ وگنەمەتتىك بولىمشەلەرى جاۋىنگەرلىك اتىستارىن جۇرگىزدى. وگنەمەتشىلەر اتىس پوزيتسياسىن دايىنداۋ جانە ورنالاسۋى بويىنشا, ولاردىڭ ينجەنەرلىك قامسىزدانۋى مەن جاسىرۋ بويىنشا جانە رپو-ا «شمەل» رەاكتيۆتى جاياۋ اسكەرى وگنەمەتتەرىنىڭ اتىسىن باسقارۋ بويىنشا سۇراقتاردى پىسىقتادى.
- اتىس بارىسىندا وگنەمەتشى-جاۋىنگەرلەر رپو-ا «شمەل» وگنەمەتتەرىن قولدانۋ بارىسىنداعى قاۋىپسىزدىك ەرەجەلەرىن مەڭگەردى. اتىسقا دايىندالۋ جانە ولاردى جۇرگىزۋ بويىنشا, نىسانانى تاڭداۋ, كوزدەۋ جانە ىلەستىرىپ جۇرگىزۋ بويىنشا ماشىقتىلىقتارىن پىسىقتادى. كۇندىزگى جانە تۇنگى ۋاقىتتا, توپپەن جانە جالعىز ارەكەت ەتۋ الگوريتىمدەرىن ورىندادى, دەيدى «باتىس» وڭىرلىك قولباسشىلىعىنىڭ رادياتسيالىق, حيميالىق جانە بيولوگيالىق قورعاۋ اسكەرلەرىنىڭ باستىعى پولكوۆنيك ءادىل ماحامبەتوۆ.
وگنەمەتتىڭ ءوزى, اسكەرىمىزدەگى جەكە قارۋدىڭ ەڭ قۋاتتى تۇرلەرىنىڭ ءبىرى بولىپ تابىلادى. ول قارسىلاستىڭ جاسىرىن اتىس ورىندارىن, جەڭىل ساۋىتتى تەحنيكانى, اشىق جەردەگى جانە بەكىنىستەگى جەكە قۇرامنىڭ كوزىن جويۋعا ارنالعان. بۇل قارۋ قاجەت ايماقتا جوعارى قىسىم مەن جوعارى تەمپەراتۋرالىق زونانى جاساۋ پرينتسيپىمەن جۇمىس ىستەيدى. ونىڭ ەكىنشى اتاۋى «قالتالى ارتيللەريا», سەبەبى ول ءوزىنىڭ فۋگاستىق نەمەسە جويۋ ارەكەتى ارقىلى 122 مم گاۋبيتسالىق سناريادپەن ءبىر قاتاردا تۇر. بىراق ونىڭ سالماعى بولسا, نەبارى 11 كگ. بۇل فاكتورلار وسى قارۋدى وتە ماڭىزدى ەتىپ تۇر, ويتكەنى ارتيللەريا مەن اۆياتسيانىڭ قولدانىلۋى قاۋىپتى تاۋلى, مەتەوجاعدايى شەكتەۋلى نەمەسە تۇرعىلىقتى ايماقتاردا رپو-ا «شمەل» ءوز جۇمىسىن ءمىنسىز جانە از زارداپپەن ورىنداي الادى.
قارسىلاستىڭ وگنەمەتتىك-جاعۋ جانە جويۋ, رادياتسيالىق, حيميالىق جانە بيولوگيالىق قورعاۋ اسكەرلەرىنىڭ تاپسىرماسى بولىپ تابىلادى. وسى ماقساتتا ول اسكەرلەر رپو-ا «شمەل» وگنەمەتتەرىنەن باسقا توس-1ا «سولنتسەپەك» اۋىر وگنەمەتتىك جۇيەلەرىمەن قارۋلانعان.
