مۇنداي تاكتيكالىق جانە ارنايى جاتتىعۋلار وقۋ ءبولىمىنىڭ نەگىزگى جانە بارىنشا ءتيىمدى ءتۇرى بولىپ تابىلادى.
جەكە قۇرام جاۋىنگەرلىك دايىندىقتىڭ جوعارعى دەڭگەيىنە كەلتىرىلدى, اسكەري قىزمەتشىلەر وزدەرى اسكەري پوليگون ايماعىنا مارش جاساپ, بارلاۋ-ازدەستىرۋ ءىس-قيمىلدارىنا كىرىستى. اۋا-رايىنىڭ قولايسىزدىعى وقۋعا قيىندىق تۋعىزدى. پوليگون ايماعىندا شاڭنىڭ جانە اۋا تەمپەراتۋراسىنىڭ 44 گرادۋسقا دەيىن كوتەرىلۋى بايقالدى.
وقۋ-جاتتىعۋ بارىسىندا بارلاۋ بولىمشەلەرىنىڭ ارنايى كۇشتەرىنە اۋە قورعانىسى كۇشتەرىنىڭ كوپ ماقساتتى مي-8 تىكۇشاقتارى اۋەدەن قولداۋ كورسەتۋدى, ال جەردەن مينومەتتەر اتىس قولداۋدىن قامتاماسىز ەتسە, «گراد» دۇركىن اتىستىڭ زىمىران جۇيەلەرى مەن «باتىس» وڭىرلىك قولباسشىلىعىنىڭ گاۋبيتسالارى جۇزەگە اسىردى.
بارلاۋشىلار جاۋىنگەرلىك مىندەتتەردى ورىنداۋعا بارىنشا دايىن ەكەندەرىن كورسەتتى.
وقۋ-جاتتىعۋدىڭ نەگىزگى ماقساتى ءوزىنىڭ تىكەلەي مىندەتتەرىن ورىنداۋ بويىنشا جەكە قۇرامنىڭ ازىرلىگىن تەكسەرۋ. بارلاۋشىلار العان تەوريالىق بىلىمدەرىن, ماشىقتارى مەن ەپتىلىكتەرىن ءىس جۇزىندە ناقتىلايدى.
ماڭعىستاۋ وبلىسى
