ەلباسى, «Nur Otan» پارتياسىنىڭ توراعاسى ن. ءا. نازارباەۆ جاريالاعان «جاستار جىلى» اياسىندا, «Jas Otan» جق «ازاماتتىق باستامالاردى قولداۋ ورتالىعى» كەاق جانە اقپارات جانە قوعامدىق دامۋ مينيسترلىگىنىڭ قولداۋىمەن "Jastar Alany 2019" رەسپۋبليكالىق دەبات ءتۋرنيرى اتتى الەۋمەتتىك جوباسىن بىرلەسىپ جۇزەگە اسىرۋدا. جالپى جۇلدە قورى 4 ملن تەڭگەنى قۇرايدى.
جوبانىڭ ماقساتى - قازاقستانداعى دەبات قوزعالىسىن جانداندىرۋ جانە دامىتۋ, دەبات فەدەراتسياسىن قۇرۋ.
جاز بويى ەلىمىزدىڭ دەباتەرلەرى تۋرنيرگە دايىندالىپ, ونلاين تىركەلىم جاسادى. كوميسسيا تۋرنيرگە قاتىسۋ ءۇشىن 18-29 جاس ارالىعىنداعى قازاق ليگاسىنىڭ 40 كومانداسىن, ورىس ليگاسىنىڭ 20 كومانداسىن ىرىكتەدى. تۋرنير العاش رەت وتكىزىلىپ وتىرعانىمەن قاتىسۋشىلار تاراپىنان جوباعا ۇلكەن قىزىعۋشىلىق تانىتۋدا, ال تۋرنير گەوگرافياسى ەلىمىزدىڭ بارلىق وڭىرلەرى دەبات قوزعالىسىنا بەلسەنە قاتىساتىنىن كورسەتتى. جوبا اياسىندا قاتىسۋشىلار ءۇشىن سەمينار ترەنينگ وتكىزىلدى. تۋرنير جاتتىقتىرۋشىلارى مەن تورەشىلەرى جاس دەباتەرلەرگە كەڭەس بەرىپ, نەگىزگى ەرەجەلەرىن ءتۇسىندىردى, جاعدايلىق كەيستەردى تالداپ, حالىقارالىق رەگلامەنتىمەن تانىستىردى. ارنايى تۋرنير قاتىسۋشىلارىنا ارنالعان ەكى تىلدەگى ادىستەمەلىك ماتەريالدارمەن, سونداي–اق امەريكاندىق, بريتاندىق پارلامەنت جانە لينكولن-دۋگلاس (LD) فورماتىمەن تانىستىردى. باسقا ايماقتارداعى قاتىسۋشى بەينە بايلانىس ارقىلى ترەنينگكە قاتىسا الدى.
شادەەۆا ايگەرىم, جاتتىقتىرۋشى: - مەنىڭ ويىمشا, بۇل جوبا ءبىزدىڭ ەلدەگى دەبات قوزعالىسىنا ۇلكەن سەپتىگىن بەردى. مەكتەپ, ۋنيۆەرسيتەت قابىرعالارىندا جاس دەباتەرلەر وسە باستايدى. ولار ويىننىڭ نەگىزگى ەرەجەلەرىمەن, فورماتتارىمەن تانىسادى. ءوز داعدىلارىن جەتىلدىرەدى. ۇزدىكتەردىڭ ۇزدىگى بۇدان ءارى رەسپۋبليكالىق جانە حالىقارالىق دەڭگەيدە ويناۋعا مۇمكىندىك الادى.
داۋلەت كارىبەك, "Jas Otan" جق توراعاسى: - وسى ءتۋرنيردىڭ ارقاسىندا جاستار ءوز پىكىرلەرىن ايتىپ, ۇستانىمىن قورعاپ, اقپاراتتى تالداۋعا ۇيرەنەدى. اتاپ وتكەن ءجون, دەبات قوزعالىسىن تانىتۋ ماقساتىندا, ءتۋرنيردىڭ فينالدىق ويىندارى تۆ جانە ينتەرنەت كەڭىستىگىندە كورسەتىلەدى.
اقتىق ويىندار 22 قىركۇيەكتە نۇر-سۇلتان قالاسىنداعى «وقۋشىلار سارايىندا» وتەدى. سونداي-اق, تۋرنير قاتىسۋشىلارى مەن قوناقتارىنا ارنالعان بەلگىلى ونەر, ينتەرنەت جانە سپورت وكىلدەرىنىڭ قاتىسۋىمەن دەباتتان «جۇلدىزدى ويىن» كۇتىپ تۇر.
