جوندەۋ جۇمىستارىمەن قاتار, قوردىڭ باستاماسىمەن مەكتەپتەردە اعاش تەرەزەلەر پلاستيكتەن جاسالعان تەرەزەلەرگە, ەسكى فۋتبول الاڭى جاڭاسىنا اۋىستىرىلدى. سونداي-اق, قالپىنا كەلتىرىلگەن بارلىق مەكتەپتەر جاڭا مەكتەپ جيھازىمەن جابدىقتالدى. سونىمەن قاتار, قوسىمشا جاڭا مەكتەپ مۇكاممالى ساتىپ الىندى.
"ءبىز الەۋمەتتىك ينفراقۇرىلىمنىڭ 68 نىسانىن قالپىنا كەلتىردىك, بىراق جاڭا وقۋ جىلىن ەسكەرە وتىرىپ, مەكتەپتەرگە ەرەكشە نازار اۋدارىلدى. بۇگىن بۇل تەك وقۋشىلار مەن ولاردىڭ اتا – انالارى ءۇشىن عانا ەمەس, سونىمەن قاتار ءبىز ءۇشىن - قۇرىلىسشىلار ءۇشىن دە مەرەكە", - دەدى "Samruk Kazyna Construction" اق باسقارما توراعاسىنىڭ ءبىرىنشى ورىنباسارى ارمان جەتپىسباي.
ايتا وتكەن ءجون, 1 شىلدەدە قور 16 مەكتەپ, 36 بالاباقشا, 8 دەنساۋلىق ساقتاۋ نىسانى, 4 سپورت نىساناسىن, كوللەدج, تەمىرجول ۆوكزالى, داڭق اللەياسى جانە ورتالىق الاڭدى قيراعان الەۋمەتتىك نىسانداردى جوندەۋ جۇمىستارىن باستادى.
بۇگىنگى تاڭدا ارىس قالاسىندا قور قالپىنا كەلتىرەتىن 68 الەۋمەتتىك ينفراقۇرىلىم نىساندارىنىڭ 63 نىسانى پايدالانۋعا بەرىلدى. قايتا قالپىنا كەلتىرىلگەن قالعان 5 نىسان قىركۇيەك جانە قازان ايلارىندا تاپسىرىلادى. ولاردىڭ قاتارىندا جەدەل مەديتسينالىق كومەك جانە ستوماتولوگيا بولىمشەلەرى, ۆوكزال, بالالار جاسوسپىرىمدەر سپورت مەكتەبى مەن بالاباقشا بار.
ارىس قالاسىن قالپىنا كەلتىرۋ جانە قۇرىلىس جۇمىستارىنا قور 7 ملرد تەڭگە ءبولدى. قوردىڭ اتىنان جوبانىڭ وپەراتورى - "Samruk Kazyna Construction" اق.
ايتا كەتكەن ءجون, شىلدە ايىندا "سامۇرىق-قازىنا "ۇاق" اق باسقارما توراعاسى احمەتجان ەسىموۆ ارىس جانە تۇركىستان قالالارىندا بولدى. قۇرىلىس جۇمىستارىنىڭ بارىسىمەن تانىسقاننان كەيىن قور باسشىسى جوسپارعا سايكەس ۋاقىتىلى جۇمىستاردى ورىنداۋ تۋرالى تاپسىرما بەردى. قر پرەزيدەنتى ك. ك. توقاەۆتىڭ جانە ۇكىمەتتىڭ تاپسىرماسى بويىنشا قور ارىس قالاسىن قالپىنا كەلتىرۋگە بەلسەنە قاتىستى.
