وبلىس باسشىسى وڭداسىن ءورازاليننىڭ قاتىسۋىمەن وتكەن باسقوسۋعا قالا تۇرعىندارى دا كەلىپ, كوكەيدەگى ساۋالدارىن جولدادى. ماۆر ابدۋللين وسى جىلدىڭ 7 ايداعى ەكونوميكالىق كورسەتكىشتەرگە توقتالدى. ماسەلەن, ونەركاسىپ, ءوندىرىسىنىڭ كولەمى – 338,9 ملرد. تەڭگە, وڭدەۋ ونەركاسىبى – 288,6 ملرد. تەڭگەنى قۇراعان. ينۆەستيتسيا كولەمى, اۋىلشارۋاشىلىق, قۇرىلىس, تۇرعىن ءۇي سالۋ, كاسىپكەرلىك سالالارىنداعى اتقارىلعان جۇمىستارمەن ءبولىستى.
اۋىل شارۋاشىلىعىندا جالپى ءونىمىنىڭ كولەمى 10,3 ملرد. تەڭگەنى قۇراعان.قۇرىلىس جۇمىستارىنىڭ كولەمى 29,2 ملرد. تەڭگەنى قۇراسا, شاعىن جانە ورتا كاسىپكەرلىك سالاسىندا تىركەلگەن سۋبەكتىلەر سانى - 48,1 مىڭ بىرلىك نەمەسە 2018 جىلدىڭ سايكەس كەزەڭىمەن سالىستىرعاندا 4,3 %-عا جوعارى ەكەنىن ايتتى. قالا اكىمى بارلىق سالا بويىنشا الداعى ءۇش جىلعا تالداۋ جاساعان. قالا ەكونوميكاسىن دامىتۋعا 700,0 ملرد. تەڭگە ينۆەستيتسيا تارتۋدى جوسپارلايدى قازىرگى تاڭدا ينۆەستيتسيالىق جوبالاردىڭ ءتىزىمى جاساقتالدى. ونىڭ ىشىنە 6,6 مىڭ جۇمىس ورىنىن اشاتىن جالپى قۇنى 616,7 ملرد.تەڭگە بولاتىن 48 ءىرى جوبالار كىرگەن.
"نۇرلى جەر" تۇرعىن ءۇي قۇرىلىسى باعدارلاماسى بويىنشا سوڭعى ءۇش جىلدا 41,8 ملرد. تەڭگەگە 388 مىڭ م2 تۇرعىن ءۇي بەرىلگەن.
بۇگىنگى كۇنى اقتوبە قالاسىندا قول جەتىمدى باسپانا الۋعا 23,0 مىڭ وتباسى كەزەكتە تۇر.
قالادا 1801 كوپ قاباتتى تۇرعىن ءۇي بار. سونىڭ ىشىندە 17 ءۇي اپاتتىق جانە 500 گە جۋىعى ەسكى ۇيلەر. اپاتتىق ۇيلەردىڭ جاعدايلارىن شەشۋ ماقساتىندا ينۆەستورلار تارتىلىپ, اتالعان جەرلەردە تۇرعىن ءۇي كومپلەكسىن سالىپ, ەكىنشى دەڭگەيلى پاتەرلەر ساتىپ الۋ بويىنشا جۇمىستارى جۇرگىزىلۋدە. اقتوبە قالاسىنىڭ «جاستار قۇرىلىس» جاڭاقونىس اۋدانىندا 250 پاتەرلى 5 كوپ قاباتتى تۇرعىن ءۇي سالۋ جوسپارلادى.
سونىمەن قاتار, 500گە جۋىق ەسكى ۇيلەر 1960 جىلعا دەيىن قالامىزدىڭ تۇرعىن ءۇي قالاشىعى, اۆياقالاشىق, كونە قالا, قارعالى اۋىلى سەكىلدى بولىكتەرىندە تۇرعىزىلعان ەسكى عيماراتتار. اپاتتى جانە توزىعى جەتكەن تۇرعىن ۇيلەردىڭ ماسەلەسىن شەشۋ ءۇشىن الماتى, نۇر-سۇلتان قالالارىندا «نۇرلى جەر» باعدارلاماسىنا سايكەس اپاتتى ۇيلەردى بۇزۋ جوباسىن اقتوبە قالاسىندا ەنگىزۋ بويىنشا, ۇكىمەتكە ۇسىنىس دايىندالۋدا.
ماۆر ابدۋللين وبلىس اكىمىنە جوسپارلانعان جۇمىستاردى جۇزەگە اسىرۋ ءۇشىن قىرۋار قاراجاتتىڭ قاجەت ەكەنىن ايتتى. اباتتاندىرۋ جۇمىستارىن ىسكە اسىرۋ ءۇشىن الداعى ءۇش جىلدا 40,5 ملرد.تەڭگە قاراجات, قالاعا ونعا جۋىق قوقىس پوليگونى سالىنۋ كەرەك. ءبىر پوليگوننىڭ قۇرىلىسىنا 200,0 ملن. تەڭگە قاجەت بولادى. 2022 جىلعا دەيىن ءۇش اۋىسىمدىق مەكتەپتەردى جويۋ ءۇشىن 15,6 ملرد. تەڭگەگە 6100 وقۋ ورىندىقتى قۇرايتىن 9 مەكتەپ جانە 8 جاپسارجاي سالۋدى قاجەت ەتەدى.
قالادا جولاۋشىلار تاسىمالىمەن 2 كاسىپورىن اينالىسادى. 52 باعىت بويىنشا 398 اۆتوبۋس تاسىمالداۋى ءتيىس بولعانمەن اۆتوبۋستىڭ جەتىسپەۋشىلىگىنەن 300 قوعامدىق كولىك قىزمەت كورسەتۋگە ءماجبۇر.
كەلەسى جىلى «برك-ليزينگ» اق ارقىلى 40 دانا جاڭا اۆتوبۋسپەن تولىقتىرىلادى.
وبلىس اكىمى جوعارىدا اتالعان بىرقاتار ماسەلەلەرگە قاتىستى ولاردىڭ ورىندالۋ بارىسىنا كوڭىلى تولمايتىنىن ايتتى.
«جول ماسەلەسى, تازالىق, كوگالداندىرۋ جۇمىستارى ناشار, قىرۋار قاراجاتقا اعاشتار وتىرعىزىلعانمەن ونى سۋارۋ ماسەلەسى ءالى كۇنگە دەيىن ءبىر جۇيەگە كەلتىرىلمەگەن. الەۋمەتتىك جەلىلەردەن ۇنەمى بايقاعانىم اقتوبەلىكتەردى وسى جول ساپاسى, قوعامدىق كولىك, تازالىق ماسەلەلەرى كوپتەپ الاڭداتادى. تۇرعىنداردىڭ وتىنىشتەرىن قاناعاتتاندىرۋ بويىنشا ناقتى جۇمىستار اتقارىڭىز»,-دەدى وبلىس اكىمى.
جيىن سوڭىندا تۇرعىندار ساۋالدارىن جولداپ,ۇسىنىس-پىكىرلەرىن ءبىلدىردى. جارىقتاندىرۋ, وزەن ارنالارىن كەڭەيتۋ ماسەلەسى, قوعامدىق كولىك, ايالداما, جول ساپاسىنىڭ ناشارلىعىنا قاتىستى ماسەلەلەر كوتەرىلدى. قالا اكىمى ساۋالدارعا جاۋاپ بەرىپ, بۇل پروبلەمالار كەزەڭ-كەزەڭىمەن شەشىلەتىندىگىن جەتكىزدى.
