مۇنايشىلاردى قۇتتىقتاۋعا ارنايى كەلگەن وبلىس اكىمى وڭداسىن ورازالين قارا التىن ءوندىرۋ سالاسىندا ەڭبەك ەتكەن ارداگەرلەر مەن ءوندىرىس ماماندارىنا مەرەكەلىك مەدال تابىس ەتتى.
«مۇنايشىلار مەن گاز سالاسى قىزمەتكەرلەرىنىڭ ەڭبەگى ۇلتتىق ەكونوميكانى دامىتۋعا جانە حالىقتىڭ ءال-اۋقاتىن ارتتىرۋعا قوماقتى ۇلەس قوسۋدا. ەلىمىز بويىنشا اقتوبە وبلىسى ءىرى ونەركاسىپتىك ايماقتاردىڭ ءبىرى, ال تاۋ-كەن ءوندىرىسى ايماق ەكونوميكاسىن دامىتۋدىڭ نەگىزگى درايۆەرى. رەسپۋبليكادا وندىرىلەتىن مۇناي مەن گاز كولەمىنىڭ 7 پايىزى اقتوبە وڭىرىندە وندىرىلەدى», - دەپ اتاپ ءوتتى ايماق باسشىسى.
وڭىردە جىل سايىن 6 ملن توننا مۇناي جانە 7 ملرد تەكشە مەتر كولەمىندە گاز وندىرىلەدى. 25 مىڭ ازامات وندىرىستە جانە 15 مىڭ ادام قىزمەت كورسەتۋ كومپانيالارىندا جۇمىس ىستەيدى.
مەرەكەلىك جيىندا ەسترادا جۇلدىزدارى ونەر كورسەتىپ, كەلۋشىلەرگە كوتەرىڭكى كوڭىل-كۇي سىيلادى.
