30 تامىز، 2019

قازاقستان قۇراماسى الەمنىڭ ۇزدىك 20 ەلىنىڭ قاتارىنا ەندى

130 رەتكورسەتىلدى

"WorldSkills Kazan-2019" چەمپيوناتىنىڭ قورىتىندىسى بويىنشا قازاقستان قۇراماسى ايتارلىقتاي ىلگەرىلەپ، ءوز پوزيتسياسىن جاقسارتتى. چەمپيونات قورىتىندىسى بويىنشا قازاقستان قۇراماسى 14-ءشى ورىندى يەلەنىپ، الەمنىڭ ۇزدىك 20 ەلىنىڭ قاتارىنا ەندى. بۇل تۋرالى ءبىلىم جانە عىلىم مينيسترلىگى حابارلادى. 

WorldSkills

رەسەي فەدەراتسياسىنىڭ قازان قالاسىندا وتكەن "WorldSkills-2019" الەم چەمپيوناتى اياقتالدى. الەمنىڭ تۇپكىر-تۇپكىرىنەن 18-22 جاس ارالىعىنداعى 1 400-دەن استام جاس مامان جۇمىس ماماندىقتارى بويىنشا WorldSkills الاڭدارىندا جارىستى.

چەمپيوناتتا قازاقستان ۇلتتىق قۇراماسىنىڭ 34 مۇشەسى 31 قۇزىرەتتىلىك بويىنشا ەل نامىسىن قورعادى. قازاقستانداعى WorldSkills قوزعالىسىنىڭ جەتەكشىسى – قازاقستان رەسپۋبليكاسىنىڭ پرەمەر-ءمينيسترى اسقار مامين "WORLDSKILLS KAZAN-2019" چەمپيوناتىنىڭ اشىلۋ سالتاناتىنا قاتىستى. ءوز كەزەگىندە قازاقستان قۇراماسىنىڭ مۇشەلەرىمەن كەزدەسىپ، ساتتىلىك پەن جەڭىس تىلەدى.

قازاقستان اتاۋلى الەمدىك چەمپيوناتقا 2015 جىلدان باستاپ ەكى مارتە قاتىسقان. جىل سايىن قازاقستاندىق قۇراما ءوز پوزيتسيالارىن جاقسارتىپ كەلەدى. ماسەلەن، سان-پاولو قالاسىندا (برازيليا) WorldSkills الەم چەمپيوناتىندا قازاقستاندىق قۇراما كوماندا 6 قۇزىرەتتىلىك بويىنشا ونەر كورسەتىپ، جالپى كوماندالىق ەسەپتە 74 ەلدىڭ اراسىندا 55-ورىندى تابان تىرەگەن ەدى. ال 2017 جىلى قازاقستاننىڭ ۇلتتىق قۇراماسى ابۋ-دابي قالاسىندا ء(باا) 23 قۇزىرەتتىلىك بويىنشا ونەر كورسەتىپ، 24-ءشى ورىندى يەلەندى.

"مەحاترونيكا" قۇزىرەتتىلىگى بويىنشا سەمەي قالاسىنىڭ ەلەكتروتەحنيكالىق كوللەدجىنىڭ ستۋدەنتتەرى الەكساندر بەرتسولد پەن يساجان رايسوۆ "Medallon for Excellence" جانە "Best of nation" ۇزدىك بەلگىسىن الدى. "سىرلاۋ جانە ساندىك جۇمىستار" JuniorSkills قۇزىرەتتىلىگى بويىنشا جاڭاوزەن سەرۆيس جانە جاڭا تەحنولوگيالار كوللەدجىنىڭ ستۋدەنتى ەرداۋلەت تۇرار كۇمىس مەدال يەلەنسە، "ۇشقىشسىز ۇشۋ اپپاراتتارىن باسقارۋ" JuniorSkills قۇزىرەتتىلىگى بويىنشا سەمەي قالاسىنىڭ ەلەكتروتەحنيكالىق كوللەدجىنىڭ ستۋدەنتى ءالي اسكەرحانوۆ قولا مەدال يەگەرى اتاندى.

سوڭعى جاڭالىقتار

عاسىر زۇلماتى

قوعام • كەشە

ۇقساس جاڭالىقتار