تىكەلەي تۇرعىن ءۇي-كوممۋنالدىق شارۋاشىلىققا قاتىستى 31 ماسەلە, ونىڭ ىشىندە, ينجەنەرلىك كوممۋنيكاتسيا سالۋعا بايلانىستى 13 – سۋمەن جابدىقتاۋ جانە كارىزگە;
6 – گازبەن قامتۋعا; 4 - ەلەكترمەن قامتۋعا ارنالعان سۇراقتار دا قاراستىرىلۋدا.
كوتەرىلگەن ماسەلەلەردىڭ 3-ءۋى بالالار الاڭىن سالۋدى, 2-ءۋى جەر قاتىناستارىن جاقسارتۋدى وتىنگەن. پيك-تەردىڭ جۇمىسىنا, ەسكى ۇيلەرگە, اشىق ليۋكتارعا قاتىستى دا ماسەلەلەر بار. وسى ساۋالداردىڭ 5-ءۋىنىڭ شەشىمى تابىلىپ, المەرەك ىقشام اۋدانى مەن ءسۇيىنباي داڭعىلى بويىنداعى ۇيلەرگە گاز جەلىسى تارتىلاتىندىعى, 2 بالالار الاڭدارى سالىنىپ جاتقاندىعى ءمالىم بولدى. ۇيلەر زاڭداستىرىلىپ, المەرەك ىقشام اۋدانىندا گاز ماگيسترالى قولعا الىناتىن بولادى. قايرات, نۇرشاشقان, المەرەك ىقشام اۋداندارىنا سۋ, كارىز, ەلەكتر جەلىلەرى تارتىلادى, قتق تاسىمالداۋدا جەڭىلدىكتەر كورسەتىلۋدە, جەر ۋچاسكەلەرى ءبولىنىپ, ەسكى ۇيلەر سۇرىلۋدە, ياعني 10 سۇراق بويىنشا تۇسىنىك جۇمىستارى جۇرگىزىلدى. ماياك قالا بالانسىندا, قايرات ىقشام اۋدانى سۋمەن قامتىلادى. بورالداي جانە جانسۇگىروۆ كوشەلەرىنە كارىز جەلىسى جۇرگىزىلەدى, «ۆوكزال-1» ايماعىنداعى تۇرعىن ۇيلەرگە ىستىق سۋ بەرىلەدى.
پاۆەل كۋلاگيننىڭ ايتۋى بويىنشا, ماڭىزدى سۇراقتاردىڭ ءبىرى - تۇرعىن ۇيلەرگە گاز بەرۋ. المەرەك ىقشام اۋدانىنا گاز جەلىسى تارتىلدى. سونىڭ ارقاسىندا 1100 ءۇي گازعا قوسىلدى, بۇل 5 مىڭ ادام دەگەن ءسوز, ياعني تۇرعىنداردىڭ تۇرمىسى جاقسارۋدا.
قالا اكىمدىگى ءباسپاسوز قىزمەتىنىڭ ناقتى مالىمەتتەرى بويىنشا, قالا اكىمى اۋدان تۇرعىندارىمەن كەزدەسۋىندە اباتتاندىرۋعا قاتىستى 16 سۇراق قويىلعان بولاتىن, ونىڭ ىشىندە 6 سۇراق جولدار مەن تروتۋارلاردى جوندەۋگە, 3 كوشە جارىعىنا, قالعاندارى اعاشتاردى كەسۋگە, جول بەلگىلەرىن, قويۋعا, جاياۋ جۇرگىنشى جولدارىن رەتتەۋگە, ارىق جەلىلەرىن سالۋعا قاتىستى بولدى.
قوعامدىق كولىككە قاتىستى (11 سۇراق) №41 اۆتوبۋستىڭ قوزعالىس ينتەرۆالى قىسقاردى, №51 اۆتوبۋستىڭ باعىتى وزگەردى. سپاسسكايا كوشەسىندە بەكەت كەشەنى سالىنۋدا, نۇرشاشقان, ماياك ەلدى مەكەندەرىنەن قالا ورتالىعىنا قاتىنايتىن كولىك باعىتىن اشۋ ماسەلەسى قاراستىرىلۋدا, №74 باعىتتىڭ ينتەرۆالى قىسقارۋدا.
بۇلاردان وزگە, الەۋمەتتىك ماسەلەلەر, قوعامدىق قاۋىپسىزدىك وڭ شەشىمىن تابۋدا.
تۇركىسب اۋدانىنىڭ اكىمى بيىلعى جىلدىڭ جەتى ايى ىشىندە اۋداننىڭ الەۋمەتتىك-ەكونوميكالىق دامۋى تۋرالى دا ايتتى. ونەركاسىپتىك ءونىمنىڭ فيزيكالىق يندەكس كولەمى 104,5%-دى قۇرادى. ءوندىرىس ءونىمىن شىعارۋ ءوسىپ, 101,2 ملرد تەڭگەگە جەتتى. 2018 جىلمەن سالىستىرعاندا ءوسىم – 118,7% ( 2018 جىلدىڭ 7 ايى ىشىندە – 86,2 ملرد. تەڭگە بولعان). قالاداعى ۇلەس – 18,4%.
نەگىزگى كاپيتالدىڭ ينۆەستيتسيالىق كولەمى ارتۋدا – 35,3 ملرد تەڭگە, وتكەن جىلدىڭ وسى مەرزىمىمەن سالىستىرعاندا 175,3%-دى(2018 جىلدىڭ 7 ايى ىشىندە 19,4 ملرد تەڭگە بولعان) قۇرادى. قالاداعى ۇلەس – 8,8%.
2018 جىلدىڭ قورىتىندىسى بويىنشا 78,2 ملرد تەڭگەنىڭ سالىعى جينالدى. بولشەك ساۋدا كولەمى 155 ملرد تەڭگە نەمەسە وتكەن جىلدىڭ وسى كەزەڭىمەن سالىستىرعاندا 112,1% (130 ملرد تەڭگە) بولدى. كوتەرمە ساۋدا – 481,5 ملرد تەڭگە نەمەسە 119%-كە (455,5 ملرد تەڭگە) جەتتى. قالا اكىمدىگى ۇسىنعان مالىمەتتەر نەگىزىندە اۋداننىڭ بۇگىنگى دەرەكتەرىنە توقتالاتىن بولساق, تۇركسىب اۋدانىنىڭ اۋماعى 75 مىڭ شارشى مەتردەن استام اۋماقتى الىپ جاتىر. 236 مىڭنان استام تۇرعىنى بار اۋداندا 1168 كوپپاتەرلى جانە 24 678 جەكە سەكتورداعى ۇيلەر بار.
7 395 زاڭدى تۇلعا تىركەلگەن, 477 ءوندىرىس ورىندارى بار (9 ءىرى, 16 ورتاشا جانە 452 شاعىن), بۇلاردا 46 637 ادام جۇمىس جاسايدى.
اۋداندا ءبىلىم بەرۋدىڭ 135 وبەكتىسى (1 جوو, 6 ارنايى ورتاشا ءبىلىم وشاقتارى, 28 مەكتەپ,100 مەكتەپ جاسىنا دەيىنگى بالالار مەكەمەلەرى (22 مەملەكەتتىك, 78 جەكەشە), 12 دەنساۋلىق نىسانى (7 ەمحانا مەن 5 ستاتسيونار), 23 ءدىني بىرلەستىكتەر, 7 مادەني ورتالىقتار بار.
