الەم • 26 تامىز، 2019

بارسەلونادا بۇزاقىلار كوبەيگەن

29 رەت كورسەتىلدى

قر سىرتقى ىستەر مينيسترلىگى بارسەلونادا قىلمىس كوبەيگەنى تۋرالى ەسكەرتتى دەپ حابارلايدى قازاقپارات.

بۇل تۋرالى قر سىرتقى ىستەر مينيسترلىگىنىڭ رەسمي وكىلى ايبەك سمادياروۆ مالىمدەدى.

«كاتالونيا ورتالىعىندا ۇرلىق پەن توناۋ جيىلەپ كەتكەنىنە نازار اۋدارامىز. بىرنەشە كۇن بۇرىن كاتالونيا پوليتسياسى بارسەلونانىڭ تۋريستىك ايماقتارىندا قىلمىستىڭ وسكەنى تۋرالى مالىمدەمە جاسادى. پوليتسيانىڭ مالىمەتىنشە، تەك بارسەلونا كوشەلەرىندە وسى جىلى 5 331 توناۋ ارەكەتى جاسالعان. بارسەلوناداعى قر كونسۋلدىعىنىڭ مالىمەتىنشە، 2019 جىلدىڭ العاشقى جارتى جىلىندا زارداپ شەككەن ازاماتتار سانى ەكى ەسەگە ارتتى» دەدى ايبەك سمادياروۆ مينيسترلىكتە وتكەن بريفينگتە.

2019 جىلدىڭ ءبىر عانا شىلدە ايىندا قازاقستانعا قايتىپ ورالۋعا 24 تولقۇجات بەرىلگەن.

«كوپتەگەن ادام تولقۇجاتتان جانە شەنگەن ۆيزاسىمەن ساياحاتتى جالعاستىرۋ مۇمكىندىگىنەن ايىرىلۋدا، سونىمەن قاتار، ولار جەكە زاتتارىن، اقشالاي قاراجاتى مەن باسقا ماتەريالدىق قۇندى بۇيىمدارىن جوعالتادى. وسىعان بايلانىستى بارسەلونادا قۇجاتتارىڭىز بەن زاتتارىڭىزعا ساق بولۋلارىڭىزدى سۇرايمىز. ەلگە ۇشىپ كەتەر الدىندا قۇجات ۇرلانعانىن نەمەسە قۇجاتتاردى قالپىنا كەلتىرۋ فاكتىسىن راستايتىن حاتتاما الۋدى جانە وقيعا بولعان جاعدايدا جاقىن ماڭداعى پوليتسيا ۋچاسكەسىنە جۇگىنۋگە كەڭەس بەرەمىز» دەدى ءسىم رەسمي وكىلى.

سوڭعى جاڭالىقتار

11 تامىزعا ارنالعان ۆاليۋتا باعامى

ەكونوميكا • بۇگىن، 09:40

ۇقساس جاڭالىقتار