ايماقتار • 26 تامىز، 2019

ءماجىلىس دەپۋتاتى اقتوبە مۇناي جابدىقتارى زاۋىتىنىڭ جۇمىسىمەن تانىستى

77 رەت كورسەتىلدى

بۇگىن ءماجىلىس دەپۋتاتى، Nur Otan پارتياسى فراكتسياسىنىڭ مۇشەسى سەرگەي سيمونوۆ اقتوبە مۇناي جابدىقتارى زاۋىتىنا باردى.

زاۋىتتىڭ تىنىس-تىرشىلىگىمەن «اقتوبە مۇناي جابدىقتارى زاۋىتى» اق باس ديرەكتورى گاسال مۋسين تانىستىردى.

زاۋىتتىڭ اشىلۋ رəسىمىنە قاتىسقان ەدىك. ول كەزدە كاسىپورىننىڭ وزەكتى ماسەلەلەرى وتە كوپ بولعان-دى. ارادا وتكەن جىلدار ىشىندە وسى ماسەلەلەردىڭ شەشىمىن تاپقانىن كورىپ وتىرمىن. كاسىپورىننىڭ تالپىنىسى وتە جاقسى. ءƏرى قاراي دامي تۇسسە، ادامداردىڭ دا تۇراقتى جۇمىسقا، تۇراقتى جالاقىعا قىزىعۋشىلىق تانىتارى انىق. سونىمەن قاتار جۇمىسشىلاردى تەگىن تاماقتاندىرىپ، تاسىمالداۋ جاعى قاراستىرىلعان. ياعني، ادامدار قۋانا جۇمىس ىستەپ، تابىس تابادى. سوندىقتان وسى كاسىپورىندا بارلىق وندىرىستىك، الەۋمەتتىك ماسەلەلەردى شەشۋ ساياساتى ءتيىستى دەڭگەيدە جۇرگىزىلۋدە دەپ ەسەپتەيمىن، - دەدى سەرگەي سيمونوۆ.

كەزدەسۋدە ءماجىلىس دەپۋتاتى اتقارىلعان جۇمىستارعا توقتالىپ، الداعى جوسپارلارمەن ءبولىستى. 

ايتا كەتۋ كەرەك، زاۋىت 2001 جىلى قازاقستاندى مۇناي جابدىعىمەن قامتاماسىز ەتۋ ماقساتىندا قۇرىلعان. ول قازاقستانداعى سورعى شتانگاسىن شىعاراتىن جالعىز ءوندىرۋشى بولىپ تابىلادى جانە رەسپۋبليكا نارىعىنىڭ 92 پايىزىن ونىممەن قامتاماسىز ەتەدى. ءونىمنىڭ نەگىزگى تۇتىنۋشىلارى - قازاقستاننىڭ باتىس وڭىرىندەگى مۇناي ءوندىرۋشى كاسىپورىندار («وزەنمۇنايگاز» اق، «ەمبىمۇنايگاز» اق، «ماڭعىستاۋمۇنايگاز» اق، «قاراجانباسمۇناي» اق، «قازاقتۇرىكمۇناي» جشس، ت.ب.).

زاۋىتتىڭ وندىرىستىك قۋاتى جىلىنا 600 مىڭ دانا سوراپتىق شتانگالار مەن ولارعا مۋفتالار شىعارۋعا مۇمكىندىك بەرەدى. كاسىپورىن ۇنەمى قۇرال-جابدىقتاردى، تەحنولوگيالاردى جاڭارتىپ، مامانداردىڭ بىلىكتىلىگىن ارتتىرىپ وتىرادى. 2015 جىلى ەڭبەك ونىمدىلىگىن 1،5 ەسەگە ارتتىراتىن جاڭعىرتىلعان ماشينا ساتىپ الىندى.

قازاقستان نارىعىندا حالىقارالىق كومپانيالارمەن جۇمىس ىستەۋگە جانە زاۋىت ءونىمىن ەكسپورتتاۋعا قۇقىق بەرەتىن API (American Petrol Institute) ستاندارتىنىڭ حالىقارالىق سەرتيفيكاتى الىندى. قازىر مۇندا 235 ادام جۇمىس ىستەيدى.

ودان ءارى ءماجىلىس دەپۋتاتى سەرگەي سيمونوۆ 29 تامىزعا دەيىن اقتوبە وبلىسىنىڭ العا، بايعانين، مارتوك، قوبدا، ايتەكە بي، شالقار اۋدانى تۇرعىندارىمەن كەزدەسپەك.

 

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

ۇقساس جاڭالىقتار