ايماقتار • 26 تامىز، 2019

«قازاقستان-2050» جالپىۇلتتىق دەموكراتيالىق كۇشتەر كواليتسياسى جۇمىسىن توقتاتتى

28 رەت كورسەتىلدى

«قازاقستان-2050» جالپىۇلتتىق دەموكراتيالىق كۇشتەر كواليتسياسى جۇمىسىن توقتاتتى. بۇل تۋرالى بۇگىن اتالعان كواليتسيانىڭ سوڭعى وتىرىسىندا «Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك ءمالىم ەتتى. بۇل تۋرالى قازاقپارات ءتىلشىسى حابارلادى.

«كواليتسيا قۇرىلعاننان بەرگى 8 جىلدىڭ ىشىندە »قازاقستان- 2050« دامۋ ستراتەگياسىن قولداۋ ءۇشىن ەلىمىزدىڭ جەتەكشى قوعامدىق كۇشتەرىن تۇڭعىش پرەزيدەنت - ەلباسى ن.نازارباەۆتىڭ مەملەكەتتىك باعىتىن جاقتاۋشىلاردى ءوز جانىنا توپتاستىردى. وسى جىلداردىڭ ىشىندە كواليتسيا جالپىۇلتتىق  ديالوگتى قامتاماسىز ەتۋدىڭ جانە ەل دامۋىنىڭ ماڭىزدى ماسەلەلەرى بويىنشا ماسەلەلەرى بويىنشا ورتاق مامىلە تەتىگىنىڭ قۇرالىنا اينالدى»، - دەدى ول.

ونىڭ ايتۋىنشا، وسى كەزەڭدە 20-دان استام ءماجىلىس وتكىزىلىپ، وندا ءوزىن-ءوزى باسقارۋدى دامىتۋ مەن اكىمدەردى سايلاۋ بويىنشا رەفورمالار، ەۋرازيالىق ەكونوميكالىق وداعىن قۇرۋ، قازاقستان - 2050  ستراتەگياسىنىڭ جۇزەگە اسىرىلۋ بارىسى جانە مەملەكەت باسشىسىنىڭ جىل سايىنعى جولداۋلارى  كەڭىنەن تالقىعا ءتۇستى.

وتىرىس بارىسىندا باۋىرجان بايبەك «Nur Otan» پارتياسى دەموكراتيالىق كۇشتەردىڭ «قازاقستان 2050» جالپىۇلتتىق كواليتسياسى جۇمىسىنىڭ اياقتالۋى تۋرالى ۇسىنىس جاسادى. كواليتسيا اياسىندا باستالعان كەڭ قوعامدىق  پىكىرتالاس قازاقستان رەسپۋبليكاسى پرەزيدەنتىنىڭ جانىنداعى ۇلتتىق قوعامدىق سەنىم كەڭەسىنىڭ الاڭىندا جالعاسىن تاباتىن  بولادى.

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

ۇقساس جاڭالىقتار