قالانىڭ كاسىپكەرلىك جانە ينۆەستيتسيالار باسقارماسى باسشىسىنىڭ ورىنباسارى قارلىعاش ءابدىجاپپاروۆا ءوزىنىڭ سوزىندە الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن تۇراقتاندىرۋ بويىنشا كەشەندى شارالاردىڭ جۇزەگە اسقانىن اتاپ ءوتتى. مىسالى, 29 ساۋدا وبەكتىلەرىنە تۇراقتى تۇردە مونيتورينگ جاسالۋدا. باعانى نەگىزسىز كوتەرگەن فاكتىلەر بويىنشا ساۋدا ورىندارىمەن كەلىسسوزدەر جۇرگىزىلۋدە.
اپتا سايىن قالانىڭ 5 اۋداندارىندا (المالى, اۋەزوۆ, بوستاندىق, جەتىسۋ, تۇركسىب) «دەمالىس كۇنى» اتتى اۋىلشارۋاشىلىق جارمەڭكەسى ءوتىپ تۇرادى. كۇز ايلارىنا ءتورت تاقىرىپتىق (JidekFest, ArbuzFest, AlmaFest, BalFest) جانە التى كەڭەيتىلگەن جارمەڭكەلەر وتكىزۋ جوسپارلانعان, ولارعا الماتى, جامبىل جانە تۇركىستان وبلىستارىنىڭ اۋىلشارۋاشىلىق ونىمدەرىن وندىرۋشىلەر قاتىسادى.
ساۋدا ورىندارىمەن الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن 15%-عا دەيىن, وتاندىق تاۋارلار قاتارىن كەم دەگەندە 30%-عا تۇراقتاندىرۋ ءارى ءامتو جەتكىزەتىندەردى ىنتالاندىرۋدى (رەترو-بونۋستاردى) جويۋ, قالعان ازىق-ت ۇلىك تاۋارلارىنىڭ باعاسىن 5 پايىز دەڭگەيىنەن ءسال عانا اسىرۋ بويىنشا كەلىسىمدەر جاسالۋدا. سونىمەن قاتار, ەت وندىرۋشىلەرمەن ۇزاق مەرزىمدى كەلىسىم جاساۋ جانە سيىر ەتىن بىردەن قالانىڭ ساۋدا ورىندارىنا جەتكىزۋ جوسپارلانعان.
قازىرگى كەزدە تۇراقتاندىرۋ قورىندا 2,5 مىڭ توننا ءونىم (وسىمدىك مايى - 699 ليتر, قانت - 1,5 مىڭ توننا, قاراقۇمىق جارماسى - 348 توننا) قورى بار, ماۋسىمدىق وزگەرىستەرگە وراي ولار حالىققا تومەن باعامەن ساتىلاتىن بولادى. ءونىم قورى تەك وتاندىق تاۋارلاردان قۇرالادى.
تۇراقتاندىرۋ قورىنا 2016-2018 جىلدارى جالپى قۇنى 1,3 ملن. تەڭگە بولاتىن 5,7 مىڭ توننا ءونىم ساتىپ الىنعان ەدى, 558,23 ملن. تەڭگەنىڭ 3,2 مىڭ توننا ءونىمى ينتەرۆەنتسيالاندى.
Almaty Finance باسقارما توراعاسىنىڭ ورىنباسارى ازيزجان تۇرعانوۆ تۇراقتاندىرۋ قورىنىڭ جۇمىسىن وڭتايلاندىرۋ ءارى باعانى تۇراقتاندىرۋ ءۇشىن 2017 جىلدىڭ جەلتوقسانىنان جەكە ساۋدا ورىندارى يەلەرىنىڭ كەڭىنەن تارتىلعانىن ايتتى.
باعانى تۇراقتاندىرۋ بويىنشا بىرىگىپ اتقارعان جۇمىس بارىسىندا اۋىسىم ارالىعىندا سەرىكتەسكە بانكتىك كەپىلدەمە نەگىزىندە قايتارىلۋى ءتيىس 750 ملن. تەڭگە ءبولىندى. 2019 جىلدىڭ جەلتوقسان ايىنىڭ سوڭى مەن 31 مامىر ارالىعىندا 36 سۋپەرماركەتتەر جەلىسىندە 10 433,1 توننا ءونىم ساتىلدى. سونىڭ ىشىندە: 4678,9 توننا كارتوپ, 2516,4 توننا پياز, 2029,8 توننا ءسابىز, 1207,9 توننا ورامجاپىراق.
ساراپتاما جوبانىڭ ءتيىمدى ەكەنىن كورسەتتى: بۇلاردا باعا قالا بويىنشا ورتاشا باعادان 15-25%-عا تومەندەدى, سونىڭ ارقاسىندا وزگە ساۋدا ورىندارىندا باعا 5-15%-عا ازايدى.
ساۋدا جەلىلەرى قارجىنى قايتاردى, جوبانىڭ تيىمدىلىگىن ەسكەرە وتىرىپ, بيىل ونى قارجى اينالىمىنا قولدانۋ جوسپارلانعان. ساتىپ الىناتىن ءونىم كولەمى ۇلعايادى, ونىڭ ىشىندە باكالەيا, ساتۋ مەرزىمى ۇزارادى, جوباعا وزگە ساۋدا ورىندارى تارتىلادى.
جىل باسىنان بەرى الماتىدا باعا يندەكسى 109%-دى (قر بويىنشا - 109%) قۇراعان, 14 الەۋمەتتىك ماڭىزى بار تاۋارلارعا قاتىستى باعانىڭ وسۋىنە وراي, پياز (159,7%), ءسابىز (147%), كۇرىش (124,7%), كارتوپ (123,2%),سيىر ەتى (116,4%), سارى ماي (114,7%). بۇلاردىڭ باعاسى وسكەنىمەن ورامجاپىراقتىڭ (17,2%), سۇزبەنىڭ (9,8%), قانتتىڭ (7%), ءسۇتتىڭ (0,9%) باعالارى تومەندەگەن.
الماتى
