بوستاندىق اۋدانىنىڭ اعا جاتتىقتىرۋشىسى دامير كۋتۋموۆتىڭ ايتۋىنشا, شەبەرلىك ساعاتىنا قاتىسۋشىلار ءۇشىن الەۋمەتتىك جەلىلەر تاقىرىبىنا ءدارىس وقىعان كاسىبي ساراپشى مايگۇل بۇركىباەۆا بيزنەستىڭ الەۋمەتتىك جەلىلەرگە اسەرى, Facebook جانە Instagram-دا قانداي فورماتتار بار, بيزنەس-بەتتەردىڭ مۇمكىندىكتەرى مەن ولاردى جۇرگىزۋ كەزىندەگى نەگىزگى قاتەلەر, بيزنەس - ءپروفيلدى قالاي دۇرىس راسىمدەۋ كەرەك, الەۋمەتتىك جەلىلەرگە ارنالعان كونتەنتتىڭ تۇرلەرى, الەۋمەتتىك جەلىلەردە تەگىن جانە اقىلى ادىستەر جانە تاعى باسقا جولدارىن جۇرگىزۋ تۋرالى اقپاراتتاردىڭ اسەرى مول بولدى.
جارنامادا 16 جىلدىق تاجىريبەسى بار ول, التى جىل بۇرىن SMM سالاسىن زەرتتەي باستاعان مايگۇل بۇرگەباەۆانىڭ ايتۋىنشا, SMM - بيزنەستىڭ باستى ترەندى. ءۇش جارىم جىل بۇرىن ءوز مەكتەبىن اشقان ساراپشى تۇلەكتەرىنىڭ قاتارىنان «BAZIS», «BI GROUP», «ادال», «باحۋس» جانە ت.ب. كومپانيالاردىڭ وكىلدەرىن كەزدەستىرۋگە بولادى.
ء«بىر كەزدەرى بىزگە تۇتىنۋشىلاردى تابۋ وتە قيىن بولعان. قازىر ولار ءبىزدى ىزدەيدى. سىزدەر ەندى وسى سالادا العاشقى قادامداردى جاسايسىزدار, بىراق الەۋمەتتىك جەلىلەردەگى جۇمىستىڭ ستارتاپ دەڭگەيىندە سىزدە وتە جۇمىستار كوپ بولادى», - دەدى مايگۇل بۇرگەباەۆا. ال «جاس كاسىپكەر» جوباسىنىڭ ەكىنشى لەك تىڭداۋشىسى 29 جاسار الماتىلىق ايدوس تەمىرعاليەۆ وسى جوبا اياسىندا ءبىلىم الىپ, بولاشاقتا ءوز ءىسىن اشۋدى جوسپارلاپ وتىر. ونىڭ ايتۋىنشا, العان ءبىلىمى بيزنەسىن جوعارى دەڭگەيگە كوتەرۋگە ىقپال ەتەدى ءارى بولاشاق بيزنەسمەن رەتىندە ەل ەكونوميكاسىنىڭ دامۋىنا ءوز ۇلەسىن قوسۋدى ماقسات ەتەدى.
الماتى
