«بۇلدىرشىندەر تاڭعى اسقا وتىرعان كەز ەدى, «گۇرس» ەتە ءتۇستى. ىلە-شالا ىرگەمىزدەگى اسكەري قويما جاقتان قويۋ قارا ءتۇتىن كوككە كوتەرىلدى. قاتتى جارىلىستان ەسىك-تەرەزە قيراپ جاتتى. جاس مامانىم قاتتى شوشىپ ايعايلاپ جىبەردى. بۇكىل قىزمەتكەرلەردى جيناپ, بالاقايلاردى تەز سىرتقا شىعارۋدى ايتتىم. ءاربىر ءۇيدىڭ ماپەلەپ وتىرعان بالاپاندارىنىڭ اماندىعى مەنىڭ موينىمدا بولعاندىقتان, شۇعىل شەشىم قابىلداپ, ەسەپشى مەن كۇزەتشى قىزمەتكەرلەردىڭ كولىگىنە 17-20 دان استام ءبۇلدىرشىندى وتىرعىزىپ جىبەردىك. ىشكە قايتادان كىرىپ, بارلىق بولمەلەردى جەكە-جەكە تەكسەرىپ شىقتىم. سوعىس بولعانداي, بولمەلەردىڭ ءبارى قيراپ جاتتى. عيماراتتا جان بالاسى قالماعانىنا كوزىم جەتكەننەن كەيىن عانا سىرتقا شىقتىم. سودان كەيىن ەكى-ءۇش بالادان كوتەرىپ, ەرەسەكتەرىن جەتەكتەپ, قالا سىرتىنا بەت الدىق. ۇجىم قىزمەتشىلەرىنە قانداي جاعداي بولماسىن بۇلدىرشىندەردى جاندارىنان ءبىر ەلى تاستاماۋعا تاپسىردىم», دەيدى گاۋحار ءۋاليحانوۆا.
كەيىپكەرىمىزدىڭ ايتۋىنشا, اپات بولعان كۇنى وتباسىن, ءوز بالالارىن ويلاۋعا شاماسى كەلمەگەن.
«بارلىق ويىمىز ەلدىڭ اماناتىن قالادان امان الىپ شىعۋ بولدى. اللانىڭ قولداۋىمەن پەرىشتەلەردى امان-ەسەن الىپ شىقتىق. شىمكەنتتەگى اقمەشىتتە, №87 مەكتەپتە تۇنگى ساعات 02.00-گە دەيىن بۇلدىرشىندەرى اتا-اناسىمەن قاۋىشتىردىق. ۇجىم قىزمەتكەرلەرىمەن بىرلەسە وتىرىپ, 113 بالاقايدىڭ الاڭ كوڭىل اتا-اناسىنا بالاپاندارىن تابىستادىق», دەيدى گاۋحار ءۋاليحانوۆا.
ايتا كەتەيىك, 24 ماۋسىم كۇنى تۇركىستان وبلىسى ارىس قالاسىنداعى اسكەري ءبولىم اۋماعىندا جويقىن جارىلىس بولعان ەدى. بۇگىندە قالانى قالپىنا كەلتىرۋ جۇمىستارى جۇرگىزىلىپ جاتىر.
