«ستاتيستيكالىق مالىمەتتەرگە سۇيەنسەك, نۇر-سۇلتان جانە الماتى قالالارىنىڭ, سونداي-اق الماتى مەن قاراعاندى وبلىستارىنىڭ تۇرعىندارى جىلجىمايتىن م ۇلىكتى تىركەۋ قىزمەتتەرىن بەلسەندى پايدالانعان. اتاپ ايتساق, 2018 جىلدىڭ 30 شىلدەسىنەن باستاپ 2019 جىلدىڭ 31 شىلدەسىنە دەيىن الماتى قالاسى مەن الماتى وبلىسىندا 228 مىڭنان استام ءوتىنىش تىركەلگەن, ەلوردا تۇرعىندارىنان 209 مىڭنان استام جانە قاراعاندى وبلىسىنان 157 مىڭنان استام ءوتىنىش كەلىپ تۇسكەن», دەلىنگەن حابارلامادا.
ال قىزىلوردا (58 مىڭنان استام ءوتىنىش), اتىراۋ (62 مىڭنان استام ءوتىنىش) جانە ماڭعىستاۋ (73 مىڭنان استام ءوتىنىش) وبلىستارىندا جىلجىمايتىن م ۇلىكتى تىركەۋ قىزمەتىنە دەگەن سۇرانىس تومەن.
ايتا كەتەيىك, كورسەتكىشتەردى ەسەپتەۋ كەزىندە قۇقىقتىڭ پايدا بولۋى, دەرەكتەردىڭ وزگەرۋى, اۋىرتپالىقتارعا جانە ەكىنشى دەڭگەيدەگى بانكتەرمەن كەلىسىم شارتقا وتىرۋ بويىنشا وتىنىشتەر ەسكەرىلدى.
«بۇگىندە جىلجىمايتىن م ۇلىكتى قىسقا مەرزىمدە راسىمدەۋگە بولادى. باس-اياعى 3 جۇمىس كۇنى ىشىندە م ۇلىگىڭىزدىڭ تىركەلگەنى تۋرالى ءمورتاباسى بار قاجەتتى قۇجات قولىڭىزدا بولادى. دەگەنمەن, ءبىز ازاماتتاردىڭ ءومىر ءسۇرۋ ساپاسىن جاقسارتۋ ماقساتىندا بۇل قىزمەتتى ودان ءارى وڭتايلاندىرىپ, الداعى ۋاقىتتا تىركەۋ ۋاقىتىن 1 كۇنگە دەيىن قىسقارتۋدى جوسپارلاپ وتىرمىز», – دەيدى مەملەكەتتىك كورپوراتسيا ءتورايىمى اسەمگۇل بالتاشەۆا.
جىلجىمايتىن م ۇلىكتى تىركەۋگە ءوتىنىشتى «ازاماتتارعا ارنالعان ۇكىمەت» جانە نوتاريۋستار ارقىلى بەرۋگە بولادى.
