اكادەميك شاحماردان ەسەنوۆ اتىنداعى عىلىمي ءبىلىم بەرۋ قورىنىڭ جوبالار ۇيلەستىرۋشىسى سەرگەي لەۆادنيدىڭ ايتۋىنشا, ءىس-شاراعا الداعى ومىرلەرىنىڭ بىرنەشە جىلدارىن قىزىقتى ءارى مازمۇندى وتكىزۋدى قالايتىن, ونلاين تۇردە تىركەلگەن 500-دەن استام بالانىڭ 200-گە جۋىعى قاتىسقان. ء«بىز ولارعا ۋاقىتتى قالاي ءتيىمدى پايدالانۋ كەرەكتىگىن, قانداي رەسۋرستاردى وزىنە كومەككە الۋعا, ءوز ءومىرىمىزدى قالاي جارقىن ەتۋگە بولاتىنىن ايتىپ بەردىك. سونداي-اق, ءىس-شارانىڭ ۇيىمداستىرۋشىلارى رەتىندە, «Find Your Way» جوباسىن مەكتەپتىڭ سوڭعى سىنىپ وقۋشىلارىنا قىزىقتى, وزەكتى بولاتىن تاقىرىپتارعا ارناي وتىرىپ, الداعى ۋاقىتتا جۇيەلى تۇردە وتكىزۋدى جوسپارلاپ وتىرمىز,- دەپ اتاپ ءوتتى سەرگەي لەۆادني.
ءتورت ساعاتقا سوزىلعان كەزدەسۋ بارىسىندا ءار قاتىسۋشى دارىستەر مەن ينتەراكتيۆتى ويىنداردى تاڭداۋ مۇمكىندىگىنە يە بولدى. وسى ۋاقىت ىشىندە بالالار الدىندا نارحوز ۋنيۆەرسيتەتى, softskills.kz, HiPo جانە Flow Kazakhstan, grants.kz ءبىلىم بەرۋ سالاسىندا بەدەلدى بولىپ تابىلاتىن قازاقستاندىق ۇيىمدار مەن كومپانيا ساراپشىلارى ءدارىس وقىدى. Soft Skills Qazaqstan جوباسىنىڭ نەگىزىن قالاۋشى ۆلاديمير كۋششەنكو جوباعا قاتىسۋشىلارعا نەگە بىرەۋلەر بارلىق سالادا جەتىستىككە جەتەدى دە, ال بىرەۋلەردىڭ جولى بولمايتىندىعى تۋرالى ايتىپ ءوتتى. سونداي-اق, ول ەموتسيالىق ينتەللەكت توقتالىپ وتكەن جۇمىس ىزدەۋ سالاسىنداعى مامان الەكساندرا پاك (HiPo) ءوز ارمانىن ىزدەۋدە تاماشا تۇيىندەمەنى دايىنداۋ جولدارىن, سۇحباتتاسۋ جانە جۇمىس ورنىندا بەيىمدەلۋ كەزىندەگى مىنەز-ق ۇلىق قۇپياسىمەن ءبولىستى. ستۋدەنتتەرمەن جۇمىس جونىندەگى دەكان دانا شاياحمەت (نارحوز ۋنيۆەرسيتەتى) قاتىسۋشىلارعا جوو-دا وقۋعا زيان كەلتىرمەستەن جۇمىس تاجىريبەسىن قالاي الۋ كەرەكتىگىن جانە ۋنيۆەرسيتەتكە ءتۇسۋ كەزىندە قانداي مۇمكىندىكتەر پايدا بولاتىنىن ايتىپ بەردى. ال دانا زيابەكوۆا (Education USA) حالىقارالىق ەمتيحان تاپسىرۋعا جانە شەتەلدىك جوعارى وقۋ ورىندارىنا تۇسۋگە نيەت بىلدىرۋشىلەرگە كەڭەس بەردى. سونىمەن قاتار, «Find Your Way» جوباسىندا ۋاقىتتى جوسپارلاۋ, دەدلاينداردى ساقتاۋ, باسىمدىقتى ورنالاستىرۋ, جويىلاتىن جانە تالاپ ەتىلەتىن ماماندىقتار, ويلاۋ-ديزاينى, سونداي-اق فاكت-چەكينگ سىندى تاقىرىپتار دا بولدى.
الماتى
