قازاقستان نارىعىنا 2004 جىلى شىققان كومپانيا زيانكەس باعدارلامالارمەن كۇرەستى قولعا العان. بۇل كەزەڭ موبيلدىك قۇرىلعىلارعا ارنالعان العاشقى زيانكەس باعدارلامالاردىڭ كوبەيگەن تۇسى بولاتىن. ياعني حXI عاسىردىڭ ەكىنشى ون جىلدىعىنىڭ باسىندا قازاقستاندى SMS-تروياندىقتار شابۋىلدارى باسىپ قالدى دەۋگە نەگىز بار. Opfake ي FakeInst سياقتى زيانكەستەر ءتۇرلى پايدالى قوسىمشىلاردىڭ نەمەسە ويىنداردىڭ كەيىپىمەن پايدالانۋشىلاردىڭ سمارتفوندارىنا كىرىپ الىپ, قىسقا پرەميۋم-نومىرلەرگە اقىلى SMS-تەر جولداپ, ءوز قۇرباندارىنىڭ موبيلدىك ەسەپ-شوتتارىن تالان-تاراجعا سالدى. 2010 جىلداردىڭ ورتاسىندا SMS-تروياندىقتار ەپيدەمياسى قايتا ورالادى.
بۇل جولى Stealer جانە Podec زيانكەستەرى «جۇلدىزعا» اينالدى. اتاپ ايتارلىعى, بۇلاردىڭ سوڭعىسى ءوز قۇرباندارىنىڭ اتىنان اقىلى جازىلىمداردى راسىمدەپ, ءتىپتى, كاپچي سياقتى قورعانىستىڭ بازالىق مەحانيزدەرىن اينالىپ ءوتۋدى ۇيرەنىپ العان-دى. 2014 جىلى, «كاسپەرسكي زەرتحاناسى» قازاقستاندا وزدەرىنىڭ كۇردەلى جانە جاقسى جوسپارلانعان كيبەرشپيوناج ارەكەتتەرىمەن تانىمال Turla جانە Octopus سياقتى ەكى كيبەرتوپتىڭ بەلسەندىلىگىن انىقتاپ, تىركەۋگە الدى. ولاردىڭ ءبىرىنشىسى ماقساتتى فيشينگتىڭ كومەگىمەن داعدارىسقا بەيىم ينفراقۇرىلىم كومپانيالارىن, اتاپ ايتقاندا, اۋىز سۋمەن قامتاماسىز ەتۋ سالاسىنا جاتاتىنداردى شابۋىلدادى. ءوز كەزەگىندە, Octopus توبى ديپلوماتيالىق ۇيىمداردىڭ قۇپيا اقپاراتىنا قول جەتكىزۋگە تىرىستى.
«كاسپەرسكي زەرتحاناسىنىڭ» باس ديرەكتورى ەۆگەني كاسپەرسكي «قازاقستان ءبىز ءۇشىن ماڭىزدى ايماق بولىپ تابىلادى ءارى سونداي بولىپ قالا بەرەدى دە. ون بەس جىل ىشىندە كوپ نارسەنى ۇيرەنىپ, مىعىم بولا تۇستىك. الدىمىزدا بەلەستەردىڭ ءالى دە از ەمەس ەكەندىگىنە سەنەمىن» دەپ اتاپ ءوتتى.
الماتى
